JÉSUS-CHRIST I DYASIN FE'N BO LUC KLELI'N 8:34 - NYANMIƐN NDƐ'N 1998

³⁴ Be nga be kankan be'n, kɛ be wunnin sa ng'ɔ yoli'n, be wanndi ko kannin ndɛ sɔ'n klɔ nin nanmue'm be nun.

Nyanmien nde Ufle

³⁴ Bé nga bé kankan bé'n, ke bé wuun sa ng'o yôli'n, bé wanndi kô kan nde so'n klo nin nanmué'm bé nun.

JÉSUS-CHRIST I DYASIN FE'N BO LUC KLELI'N 8:34 ပူးပေါင်းရင်းမြစ်များ

Matthieu 28:11

Kɛ bla'm be tɛ o atin nun'n, sonja'm be wie bali klɔ lɛ, be wa kan sa ng'ɔ yoli lɔ'n kwlaa kleli Nyanmiɛn nyrun jranfuɛ dandan mun.

Matthieu 8:33

Be nga be kankan be'n be wanndi ɔli klɔ lɔ be ko kannin sa nga Jésus yoli kɔkɔti mun'n i kwlaa nin sa ng'ɔ yoli sran bɔ asiɛ usu'm be sacili be'n kleli be.

Marc 5:14

Be nga be kankan be'n be wanndi ko kannin ndɛ sɔ'n klɔ nin nanmue'm be nun. Sran'm be ko niannin sa ng'ɔ yoli lɔ'n.

JÉSUS-CHRIST I DYASIN FE'N BO LUC KLELI'N 8:33

Asiɛ usu'm be tuli bian sɔ'n su, be ko wluli kɔkɔti'm be nun, kɔkɔti akpasua sɔ'm be wanndi troli fɛtɛ i cenje'n b'ɔ seli pia'n nan b'a gua nzue'n nun b'a wu.

JÉSUS-CHRIST I DYASIN FE'N BO LUC KLELI'N 8:35

Sran'm be ko niannin sa ng'ɔ yoli lɔ'n. Be wunnin bian bɔ asiɛ usu'm be jaoli i su'n, ɔ ti Jésus wun lɛ i nyin kloun, ɔ'a wla tralɛ, ɔ man srɛ kunnin be dan kpa.