JÉSUS-CHRIST I DYASIN FE'N BO LUC KLELI'N 8:32 - NYANMIƐN NDƐ'N 1998

³² Kɔkɔti akpasua dan kpa kun o oka wie su lɛ, be su didi. Asiɛ usu sɔ'm be srɛli Jésus kpa kɛ ɔ man be atin man be ko wlu kɔkɔti sɔ'm be nun. Yɛ ɔ mannin be-ɔ.

Nyanmien nde Ufle

³² Kokoti akpasua dan kpa kun ô ôka wié su le, bé su didi. Asie usu so'm bé sre Jésus kpa ke o man bé atin man bé kô wlu kokoti so'm bé nun. Ye o maan béo.

JÉSUS-CHRIST I DYASIN FE'N BO LUC KLELI'N 8:32 ပူးပေါင်းရင်းမြစ်များ

1 Famiɛn Mun 22:22

I waan: ‹N ´ko yo ato wawɛ, n ´wlu famiɛn'n i wunnzue yifuɛ'm be nun, ɔ man be ´bua ato.› Yɛ Anannganman seli i kɛ: ‹Sakpa, sɛ a yo i sɔ'n, a ´nyɛn i mlɔnmlɔnmlɔn. Kɔ nan yo i sɔ.›

Zɔb I Nyrɛnnɛn Wunlɛ 1:10

A sɛsɛ i, a sɛsɛ i awlo'n nin i bo ninnge'n kwlaa. Junman ng'ɔ di'n kwlaa a yo man ɔ yo ye. I nnɛn'm be tru mɛn wunmuan'n nun kpokpaa.

Zɔb I Nyrɛnnɛn Wunlɛ 1:12

Anannganman waan: «I sa nun ninnge mun yɛ be o lɛ-ɔ. N fa be n wlali ɔ́ sa nun, sanngɛ nán kɛn i bɔbɔ'n.» Yɛ Satan jasoli Anannganman nyrun lɛ ɔli-ɔ.

Zɔb I Nyrɛnnɛn Wunlɛ 2:6

Anannganman waan: «I yɛ ɔ o lɛ-ɔ. M'an fɛ i m'an wla ɔ sa nun. Sanngɛ nán kun i.»

Jue Mun 62:11

Nán amun fa bé wla gua sa kekleekle'm bé yolɛ'n su. Ninnge nga be fɛ i be wue kekle su'n, nán amun sunnzun kɛ amun ´nyan like nun. Kannzɛ amun nyan amún wun kɔ amun nyrun'n, nán amun fɛ i sɔ'n cici amun wla.

Ezai 65:4

Be tran asieliɛ kunman'm be nun, yɛ be la yɛbuɛ buɛ'm be nun. Be di kɔkɔti nnɛn'n, yɛ aliɛ bɔ be ti fiɛn'n yɛ be o be talie'm be nun-ɔn.

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Saun Yolɛ 11:7

Nán amun di kɔkɔti: kɔkɔti'n i ja bui nun ti kpaciwa, sanngɛ ɔ kpu-man like di-man.

Matthieu 7:6

Nán an fa ninnge ng'ɔ ti Nyanmiɛn liɛ'n man alua mun, yɛ nán an fa amun nɛnnglɛnman'n gua kɔkɔti'm be bo man be tiatia be su nan be kpɛ bé nyin amún su be tɔ amún su.»

JÉSUS-CHRIST I DYASIN FE'N BO LUC KLELI'N 8:31

Yɛ be srɛli Jésus kpa kɛ nán man ɔ kan be gua kunman bɔ be si-mɛn i bo'n nun.

JÉSUS-CHRIST I DYASIN FE'N BO LUC KLELI'N 8:33

Asiɛ usu'm be tuli bian sɔ'n su, be ko wluli kɔkɔti'm be nun, kɔkɔti akpasua sɔ'm be wanndi troli fɛtɛ i cenje'n b'ɔ seli pia'n nan b'a gua nzue'n nun b'a wu.

Jean 19:11

Jésus tɛli i su kɛ: «Sɛ Nyanmiɛn a man-man wɔ atin'n, a kwla yo-man n sa fi. I sɔ'n ti'n, sran ng'ɔ fa min mannin wɔ'n, i fɔ'n b'ɔ dili'n i dan tra ɔ liɛ'n.»

1 Jean 4:4

M mma mun, amun liɛ'n, an ti Nyanmiɛn liɛ, ɔ man an kwlali be, afin Nyanmiɛn Wawɛ ng'ɔ o amun nun'n ɔ lɛ kwlalɛ tra Krist i kpɔfuɛ'n b'ɔ o mɛn'n nunfuɛ'm bé sin'n.

Sa nglô yile 20:7

Kɛ afuɛ akpi'n ko wie'n, be ´yi Satan bisua'n nun.