JÉSUS-CHRIST I DYASIN FE'N BO LUC KLELI'N 8:24 - NYANMIƐN NDƐ'N 1998

²⁴ Be wunngeli Jésus wun lɛ, be tinngeli i, be seli i kɛ: «Baba, Baba, e su wu o!» Kɛ ɔ tinngeli'n, ɔ ijɔli aunngban'n nin nzue'n, be jrannin, nan lika'n ɔ'a tɔ bliin.

Nyanmien nde Ufle

²⁴ Bé wunngé Jésus wun le, bé tinngélii, bé sé i ke: Baba, Baba, é su wo ô! Ke o tinngéli'n, o idyo aunngban'n nin nzué'n, bé dyrannin, nan lika'n wa to bliin.

JÉSUS-CHRIST I DYASIN FE'N BO LUC KLELI'N 8:24 ပူးပေါင်းရင်းမြစ်များ

Jue Mun 65:7

Ɔ fanngan nun yɛ man oka'm be taka lɛ-ɔ. A lɛ tinmin dan.

Ezai 50:2

?Kɛ m bali'n, ɔ yo sɛ ti yɛ m'an to-man sran fi-ɔ? ?Kɛ n flɛli amun'n, nguɛ ti yɛ sran fi ɔ'a tɛ-man mín su-ɔ? ?N sa'n ti tika nan se kɛ n kwla fa de-man amun? ?N lɛ-man wunmiɛn n kwla yo-man nan amun fite-man nun? Kɛ n kan ndɛ kle jenvie'n, kpɛkuun i nun nzue'n ɔ'a wie nun. Sɛ n kan ndɛ kle nzue ba mun'n, be wu kee. Yɛ nzue b'ɔ nun-man lɛ'n ti'n, jue'm be wu, yɛ be kplɔ.

Zeremi 5:22

Anannganman usa kɛ: ‹?M bɔbɔ'n yɛ amun nyin yi-man min nin-ɔn? ?Yɛ an usu-man min nyrun nin-ɔn? Min yɛ n fali aunnyan'n n jali jenvie'n i awɛ nin-ɔn. Ɔ ti i awɛ mlɔnmlɔn ɔ lɛ-man atin kpɛ-man. Kannzɛ ɔ ´keje sɛ nán kɛ ɔ ´kwla yo sa ti-ɔ. Kannzɛ ɔ ´bo sɛ, nán kɛ ɔ ´kwla kpɛ ti-ɔ,

Naɔm 1:4

Kɛ ɔ kpan jenvie'n su'n, kpɛkuun jenvie'n ɔ'a wie nun. Ɔ yo man nzue ba dandan'm be wie nun, kpɛkuun Bazan nin Karmɛl lɔ nnya nin ijre'm be glɔ, yɛ Liban lɔ waka nnyrɛ'm be glɔ wie.

Matthieu 14:30

Sanngɛ kɛ ɔ wunnin kɛ aunngban'n ti dan'n, srɛ kunnin i. Kɛ ɔ wunnin kɛ ɔ su mlɔn'n, ɔ kpan seli kɛ: «Nannan, de min o!»

Matthieu 8:25

I sɔnnzɔnfuɛ'm be wunngeli i wun lɛ be tinngeli i, be seli i kɛ: «Nannan, de e o, e su wu o!»

Marc 4:39

Ɔ tinngeli nan ɔ'a ijɔ aunngban'n, yɛ ɔ seli nzue'n kɛ: «Yaci bolɛ'n, jran diin!» Kpɛkuun kpe yɛ aunngban'n kpɛli-ɔ, nan lika'n ɔ'a tɔ bliin.

JÉSUS-CHRIST I DYASIN FE'N BO LUC KLELI'N 4:35

Jésus ijɔli i, ɔ seli i kɛ: «Muan ɔ nuan lɛ, jao bian nga su.» Asiɛ usu'n tɛli bian sɔ'n i ase nzra'n nun lɛ, ɔ jaoli i su ɔ'a yo-mɛn i like fi.

JÉSUS-CHRIST I DYASIN FE'N BO LUC KLELI'N 4:39

Ɔ kannin ase i su, ɔ ijɔli ayrɛ b'ɔ guɛ i wun'n. Ayrɛ'n tuli i wun, yɛ bé ja osu kunngba'n nun lɛ ɔ jao kunndɛ like mannin be-ɔ.

JÉSUS-CHRIST I DYASIN FE'N BO LUC KLELI'N 5:5

Simɔn seli i kɛ: «Baba, y'a guɛ i kɔnguɛ'n lele aliɛ'n ɔ'a fa cɛn ye y'a nyan-man like fi, sanngɛ kɛ bɔ ɔ waan n gua'n ti, n ´gua.»

JÉSUS-CHRIST I DYASIN FE'N BO LUC KLELI'N 8:25

Yɛ ɔ usali be kɛ: «?Nguɛ ti yɛ an lafi-man Nyanmiɛn su-ɔ?» Srɛ kunnin be, ɔ boli bé nuan, nan b'a usa be wiengu kɛ: «?Bian nga ti i liɛ sɛ b'ɔ man ɔ se aunngban'n nin nzue'n kɛ be jran'n bɔ be jran-an?»