JÉSUS-CHRIST I DYASIN FE'N BO LUC KLELI'N 8:15 - NYANMIƐN NDƐ'N 1998

¹⁵ Nga kusu b'ɔ guali asiɛ kpafuɛ'n su'n, yɛlɛ be nga be sie bé su Nyanmiɛn ndɛ'n su be ti, be wun i wlɛ, yɛ be fa su kpa'n. Be yɛ be ti awie b'ɔ yoli kpa nin-ɔn.»

Nyanmien nde Ufle

¹⁵ Nga kusu b'o gua asie kpafue'n su'n, yele bé nga bé sié bé su Nyanmien nde'n su bé ti, bé wun i wle, bé fa su kpa'n. Bé ye bé ti awié b'o yôô kpa nion.

JÉSUS-CHRIST I DYASIN FE'N BO LUC KLELI'N 8:15 ပူးပေါင်းရင်းမြစ်များ

Jue Mun 119:11

N fa ɔ ndɛ'n n sie min klun kpa kɛ ɔ ko yo nan m'an fɔn-man ɔ́ wun'n ti.

Jue Mun 51:10

Kan ndɛ fɛ kle min man min wun kpaja min nan n klun jɔ. Sɛ a yo sɔ'n, min bɔ a kleli min nun'n, min wun ɔ ´sanndi min.

Nyanndra Mun 3:1

Mín wa, ndɛ nga n kan kle wɔ'n, nán be mlin ɔ klun. Yɛ like nga n kle wɔ'n, nán ɔ́ nyin kpa be su.

Zeremi 15:16

Kɛ ɔ́ nuan ndɛ'n ko to min sa'n, n ka lɛ n sɔ nun. Ɔ ndɛ'n yo min fɛ, ɔ ndɛ sɔ'n ti man min klun jɔ. Afin Anannganman Nyanmiɛn, ɔ bɔ a sie mɛn wunmuan'n, ɔ dunman'n wo min su.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zeremi 32:29

Babilɔnifuɛ nga b'a fa alɛ'n b'a wla amun sin yɛ'n, be wa wlu klɔ'n nun be ´fa sin be ´yi nun be ´wɔ nun. Sua nga be yra ansans i ti su nglo be man Baal'n, bɔ be gua nzan be man amuɛn mun be fa kun min ya'n, be ´yra be.

Matthieu 24:13

Sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

JÉSUS-CHRIST I DYASIN FE'N BO LUC KLELI'N 6:45

Sran kpa'n ɔ yi like kpakpa b'ɔ o i anwlɛn b'ɔ ti kɛ bɛtrɔ sa'n nun, sran tɛ'n kusu yi like tɛtɛ i bɛtrɔ'n nun, afin ndɛ kwlaa ng'ɔ o sran i anwlɛn nun'n, yɛ ɔ fite i nuan-an.»

JÉSUS-CHRIST I DYASIN FE'N BO LUC KLELI'N 8:14

Nga kusu b'ɔ tɔli nduin mma nun'n, yɛlɛ be nga be ti Nyanmiɛn ndɛ'n, sanngɛ kɛ be kɔ'n, mɛn'n nun ninnge'n i ngokoɛ'n nin anyanbeun'n nin like nga be klo be'n be mian be. Be yɛ be ti awie bɔ nduin trɛli i bɔ ɔ'a yo-man kpa nin-ɔn.

JÉSUS-CHRIST I DYASIN FE'N BO LUC KLELI'N 8:16

«Sɛ be sɔ kannin'n, be fa-man like kata-man su, be fa wlɛ-mɛn i bo, sanngɛ be sie i like su nglo nan ɔ `kpaja be nga be wlu sua lɔ'm be nyrun.

Jean 14:15

«Sɛ an klo min'n, amun ´fa min ndɛ'n su.

Jean 15:10

Sɛ an fa min ndɛ'n su'n, amun ´si kɛ n klo amun tititi. Kɛ n fa n Si ndɛ'n su sɔ-ɔ, ɔ man n si kɛ ɔ klo min tititi.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 6:22

Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Rɔmfuɛ Mun 7:18

Afin n si kɛ, klɔ sran bɔ n ti'n ti, min nzuɛn fi ti-man kpa, yɛlɛ kɛ sa kpa yolɛ'n wo min anwlɛn'n nun, sanngɛ n kwlɛ-mɛn i yo.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

Rɔmfuɛ Mun 8:25

Sɛ é nyin o like bɔ be waan be ´fa man ye bɔ e nian wun-mɛn i'n i sin'n, e tra e anwlɛn e tran minndɛ.

1 Korɛntfuɛ Mun 7:19

Sɛ be wla klɛn o, sɛ b'a wla-man klɛn o, ɔ ti-man sa cinnjin, sa ng'ɔ ti cinnjin'n yɛlɛ Nyanmiɛn mmla'n i su falɛ'n.

Efɛzfuɛ Mun 2:8

Afin Nyanmiɛn i ye b'ɔ yoli amun'n ti ɔ man amu'an nyan amún ti i su bɔ an lafi'n ti. Amún ti nyanlɛ sɔ'n, ɔ fin-man amun bɔbɔ, Nyanmiɛn yɛ man an nyannin amún ti-ɔ.

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Hébreu 2:1

I sɔ'n ti'n, man e fa ndɛ nga e tili be'n sie e klun kpa tra laa'n, sɛ y'a yo-man sɔ-ɔ ɔ cɛ-man nan y'a to a fuan atin'n.

Jacques 1:4

An `tra amun anwlɛn lele guɛ i ti nin i bo nan amu'an yo sran, yɛ like fi su mian-man amun.

1 Jean 2:3

Sɛ e fa Nyanmiɛn ndɛ'n su'n, i sɔ'n nun yɛ e ´si kɛ e si i sakpa-a.