JÉSUS-CHRIST I DYASIN FE'N BO LUC KLELI'N 8:13 - NYANMIƐN NDƐ'N 1998

¹³ Nga kusu b'ɔ tɔli akpuɛ'n su'n yɛlɛ be nga kɛ be ti Nyanmiɛn ndɛ'n, be klun jɔ su, be fa su kaan, sanngɛ be ti kɛ awie b'ɔ lɛ-man ndin'n sa, kɛ sa kaan tɔ be su'n, kpɛkuun b'a yaci i su falɛ.

Nyanmien nde Ufle

¹³ Nga kusu b'o too akpue'n su'n yele bé nga ke bé ti Nyanmien nde'n bé klun dyo su, bé fa su kaan, sannge bé ti ke awié b'o le'a ndin'n sa, ke sa kaan to bé su'n, kpekuun ba yatyi.

JÉSUS-CHRIST I DYASIN FE'N BO LUC KLELI'N 8:13 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:28

Amun bɔ amun usa amun wun kɛ: «?E ´yo sɛ nan y'a trɛ i'n?» Amun bɔ amun waan sa ng'ɔ juli min su'n ɔ fin min bɔbɔ'n,

Nyanndra Mun 12:12

Klunwifuɛ'm be ninnge kunndɛlɛ liɛ'n, ɔ ti-mɛn i su. Sanngɛ sran kpa'n, ɔ trɛ i anwlɛn lele yɛ ɔ nyɛn i like liɛ-ɔ.

Nyanndra Mun 12:3

Klunwi yolɛ'n ɔ man-man sran i jransuɛ. Klun-ufuefuɛ'm be liɛ'n kɛ be o lɛ'n yɛ be wo-ɔ, be tɔ-man le.

Ezai 58:2

Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.

Ezekiɛl 33:32

A ti be nyrun kɛ jue tofuɛ bɔ i wun yo fɛ bɔ i aniɛn yo fɛ b'ɔ si jue to kpa'n sa. Be ti ɔ ndɛ mun, sanngɛ be fa-man be su.

Ndɛ Nga Nyanmiɛn I Nuan Ijɔfuɛ Oze Kannin'n 6:4

Sanngɛ Anannganman ´tɛ amun su kɛ yoo: «?Efraimfuɛ mun, nguɛ li bɔ cɛ yɛ amun waan n yo m man amun-ɔn? ?Zidafuɛ mun kusu, amun waan n yo amun sɛ? Amun Nyanmiɛn klolɛ'n ti kɛ nyanmiɛn ble bɔ be wun i nglɛmun nun'n sa, ɔ ti kɛ nglɛmun nyansue sa, be wielɛ yo-man ya.

Marc 6:20

Afin Erɔd sro Zan, ɔ si kɛ ɔ ti sran kpa yɛ ɔ ti Nyanmiɛn i sran, i sɔ'n ti ɔ man be niɛn i su. Kɛ ɔ tili ndɛ'n bɔ Zan kannin'n, i akunndan sanngannin, sanngɛ kusu i ndɛ'n i tielɛ yo i fɛ.

JÉSUS-CHRIST I DYASIN FE'N BO LUC KLELI'N 8:12

Awie ng'ɔ tɔli atin mma nun'n, yɛlɛ be nga kɛ be ti Nyanmiɛn ndɛ'n, kpɛkuun mmusu'm bé si Satan'n ba, ɔ wa yo man ndɛ nga be tili'n ɔ mlin be klun nan b'a lafi-man su b'a nyan-man bé ti.

JÉSUS-CHRIST I DYASIN FE'N BO LUC KLELI'N 8:14

Nga kusu b'ɔ tɔli nduin mma nun'n, yɛlɛ be nga be ti Nyanmiɛn ndɛ'n, sanngɛ kɛ be kɔ'n, mɛn'n nun ninnge'n i ngokoɛ'n nin anyanbeun'n nin like nga be klo be'n be mian be. Be yɛ be ti awie bɔ nduin trɛli i bɔ ɔ'a yo-man kpa nin-ɔn.

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.

Jean 15:6

Sran ng'ɔ nin min a yo kun'n, sɛ ɔ nin min a tran-man sɔ titi'n, ɔ ti kɛ waka sama b'ɔ tɛ-mɛn i bo su'n sa, be ´kpɛ yi. Ɔ wu, be isa guɛ i sin nun, ɔ yra.

Jean 5:35

Zan ti kɛ kannin b'ɔ jue b'ɔ kpaja'n sa, yɛ i kannin sɔ'n i bo tranlɛ yoli amun fɛ kan.

1 Korɛntfuɛ Mun 13:2

Man n yo Nyanmiɛn nuan ijɔfuɛ, man n si sa nga Nyanmiɛn fiɛli i sran'm be nyrun'n i ngba, yɛ man n wun sa'n kwlaa wlɛ, yɛ sɛ n lafi Nyanmiɛn su kpa bɔbɔ b'ɔ man n kwla se oka'm be kɛ be tu bé bo wɔ'n, sanngɛ sɛ n klo-man sran'n, wuun m'an yo-man like fi.

1 Korɛntfuɛ Mun 15:2

Sɛ an fa su kɛ n kan kleli amun'n sa'n, amun ´fite nun, sanngɛ sɛ an lafi su-ɔ an fite-man nun'n, wuun nán an bo yɛ.

Galasifuɛ Mun 3:1

Galasifuɛ sinnglinfuɛ mun! ?Amun bɔ be kannin Jésus-Krist i wulɛ ndɛ'n i weiin kleli amun b'ɔ man ɔ yoli kɛ ɔ yoli amun nyrun sa'n, wan yɛ ɔ wa lakali amun-ɔn?

Galasifuɛ Mun 3:4

?Sa ng'ɔ tɔli amun su yɛ'n, i kwlaa'n ɔ ´yo ngbɛn? Nanwlɛ, ɔ kwla yo-man ngbɛn!

Efɛzfuɛ Mun 3:17

n srɛ kɛ Krist su bɔ an lafi'n ti'n, ɔ ´tran amun anwlɛn'n nun. Yɛ n srɛ i kɛ ɔ man an wun klolɛ b'ɔ fa klo amun b'ɔ man an jran kekle'n, i wlɛ weiin,

Kolɔsfuɛ Mun 1:23

Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

Kolɔsfuɛ Mun 2:7

ɔ man i ti an jran kekle kɛ sua bɔ be wlɛ i bo ase kpa'n sa. An `lafi i su kpa kɛ be kleli amun'n sa, an `lɛ i ase tititi.

1 Tɛsalonikfuɛ Mun 3:5

I sɔ'n ti, kɛ m'an kwla minndɛ-man kun'n, n sunmannin Timote kɛ ɔ ko nian sɛ amun tɛ lafi Krist su o, annzɛ sɛ wienun-ɔn Lakafuɛ'n ɔ'a laka amun man e junman'n wa yo ngbɛn o.

1 Timote 1:19

Nyanmiɛn su bɔ a lafi'n nin ɔ klun b'ɔ titi-man wɔ'n ti. Sran wie'm be yo-man sa kpa nga be klun lɔ akunndan'n se be kɛ be yo'n, ɔ man be lafi-man Nyanmiɛn su kpa kun.

Hébreu 10:39

E liɛ'n, nán be nga be cuɛn bé wun kɔ siɛn'n b'ɔ man be mlin'n be wie yɛlɛ ye, sanngɛ e ti be nga be lafi Nyanmiɛn su bɔ be nyan bé ti'n be wie.

Jacques 2:26

Sɛ sran kun o sa b'ɔ de-man wunmiɛn'n, wuun ɔ'a wu. I kunngba nin-ɔn, sɛ sran kun se kɛ ɔ lafi Nyanmiɛn su bɔ be wun-mɛn i sɔ i nzuɛn'n nun'n, wuun i Nyanmiɛn sulafilɛ'n ti ngbɛn.

2 Piɛr 2:20

Afin sran nga be si e Min Jésus-Krist e Defuɛ'n, b'ɔ man be yaci sa nga be yo-ɔ be saci'n, sɛ be sa be sin ko fa sa sɔ'n kaci be junman ekun'n, be sacilɛ kasiɛn liɛ'n, ɔ yo tɛ tra klikli liɛ'n.

2 Piɛr 2:22

Sa nga be yoli'n, ɔ man nyanndra nga be bu se kɛ: «Alua'n ɔ'a sɛ i sin a ko di like ng'ɔ kpuli'n.», yɛ: «Kɔkɔti'n bɔ be wunnzinnin i'n ɔ'a sɛ i sin a ko bo i nnɔtiɛ'n ekun'n .», ɔ ti nanwlɛ.

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

Jude 1:12

Kɛ amun nin be yia aliɛ su'n, be saci amún wun, be di like'n lele, nyannzuɛn kun-man be. Be bu-man sran uflɛ akunndan, be bɔbɔ bé wun akunndan yɛ be bu-ɔ. Kɛ nzue'n mlan tuun'n, b'ɔ tɔ-man'n, bɔ aunngban'n fa kɔ'n, kɛ be ti sɔ-ɔ. Waka bɔ i sulɛ blɛ nun ɔ su-man'n, bɔ b'a tu i bo bɔ ɔ'a wu'n, kɛ be ti sɔ-ɔ.