JÉSUS-CHRIST I DYASIN FE'N BO LUC KLELI'N 7:7 - NYANMIƐN NDƐ'N 1998

⁷ I sɔ'n ti yɛ man i bɔbɔ ɔ'a ba-man nin-ɔn. Sanngɛ i waan a `kan ndɛ kpɔlɛ kunngba cɛ man i gbanflɛn'n yo juejue!»

Nyanmien nde Ufle

⁷ I so'n ti ye man i bobo wa baman nion. Sannge a kan nde kple kunngba tye, man i gbanflen'n yô dyuédyué!

JÉSUS-CHRIST I DYASIN FE'N BO LUC KLELI'N 7:7 ပူးပေါင်းရင်းမြစ်များ

Jue Mun 107:20

Ndɛ b'ɔ fin i nuan nun fiteli sa'n, ɔ man be yoli juejue. Ɔ cuɛnnin be wie'n i nuan nun fiteli .

Jue Mun 33:9

Afin ndɛ kwlaa ng'ɔ kan'n, san i su sa'n ɔ ´yo. Kɛ ɔ ko fin i nuan ko se kɛ man like sa yo'n, kpɛkuun like sɔ'n ɔ ka lɛ yo.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Marc 1:27

Sran'm be kwlaa bé nuan boli bé wun, i sɔ'n ti be usali be wun kɛ: «?Nguɛ sa yɛlɛ nga? ?Like uflɛ yɛ ɔ su kle-ɔ? Ɔ kwla asiɛ usu bɔ be saci sran'n, be sro i!»

JÉSUS-CHRIST I DYASIN FE'N BO LUC KLELI'N 4:36

Be kwlaa bé nuan boli be wun, be usa be wiengu kɛ: «Nguɛ sa yɛlɛ nga? Ɔ kwla asiɛ usu bɔ be saci sran'n, be sro i, ɔ man kɛ ɔ se be kɛ be jao sran'm be su'n, be jao!»

JÉSUS-CHRIST I DYASIN FE'N BO LUC KLELI'N 5:13

Jésus tinngɛli i sa'n kɛnnin i, yɛ ɔ seli i kɛ: «M'an ti, man ɔ kokowe'n wie weiin.» Be ja osu kunngba nun lɛ kokowe'n wieli sran sɔ'n i wun.

JÉSUS-CHRIST I DYASIN FE'N BO LUC KLELI'N 7:6

Jésus nin be ɔli, kɛ be wa ju awlo lɔ'n, sonja ya su kpɛn'n sunmɛnnin i janvuɛ mun kɛ be wa se i kɛ: «Nannan, bian waan e se wɔ kɛ nán a kle ɔ́ wun yalɛ, ɔ ti-man bɔ a tu ɔ́ ja ju i awlo lɔ-ɔ, afin ɔ nin i nyrun fata-man.

JÉSUS-CHRIST I DYASIN FE'N BO LUC KLELI'N 7:8

Afin i bɔ sran wie'm be sie i'n, i kusu ɔ sie sonja mun, sɛ ɔ se kun kɛ ɔ wɔ'n, ɔ kɔ, yɛ sɛ ɔ se kun kɛ ɔ bla'n, ɔ ba. Sɛ ɔ se i gbanflɛn'n kɛ ɔ yo like wie'n, ɔ yo.

Mmla'n 32:39

Siɛn'n, amun `nian, m bɔbɔ min kunngba cɛ yɛ n de sran-an ɔ yo ye-ɔ. Like wie fi nun-man lɛ, san min. M bɔbɔ min yɛ n yo man sran wu-ɔ. M bɔbɔ min yɛ n yo man sran nyan nguan-an. M bɔbɔ min yɛ n yo man sa yalɛ nyan sran-an. Min bɔbɔ min yɛ n yo man ɔ jaso i su-ɔ. Sran fi kwla de-man sran kun mín sa nun.

1 Samiɛl 2:6

Anannganman man sran wu, i kunngba'n man sran nyan nguan. I kunngba'n ɔ fa sran kɔ blɔlɔ, i kunngba'n ɔ yi sran blɔlɔ lɔ fite.