JÉSUS-CHRIST I DYASIN FE'N BO LUC KLELI'N 7:40 - NYANMIƐN NDƐ'N 1998

⁴⁰ Jésus sɔli su ɔ seli i kɛ: «Simɔn, n waan n ´kan ndɛ kun kle wɔ.» Ɔ seli i kɛ: «Kan.»

Nyanmien nde Ufle

⁴⁰ Jésus so su o sé i ke: Simon, n waan nh kanh nde kun klé o. O sé i ke: Kan.

JÉSUS-CHRIST I DYASIN FE'N BO LUC KLELI'N 7:40 ပူးပေါင်းရင်းမြစ်များ

1 Famiɛn Mun 2:14

Ɔ seli i ekun kɛ: «N klo kɛ n ´kan ndɛ kun n kle wɔ.» Bla'n waan: «Kan»

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Matthieu 26:49

Kpɛkuun ɔ wunngeli i wun lɛ nan ɔ'a se i kɛ: «Baba, anun o,» yɛ ɔ toli i sa yili i kɔmin-ɔn.

Matthieu 7:22

Jɔlɛ dilɛ cɛn nun'n, sran kpanngban kpa be wa usa n kɛ: ‹?Nannan, Nannan, ɔ dunman nun y'a kan-man Nyanmiɛn ndɛ? ?Ɔ dunman nun y'a fuan-man asiɛ usu? ?Yɛ ɔ dunman nun y'a yo-man sa kekleekle mun?›

JÉSUS-CHRIST I DYASIN FE'N BO LUC KLELI'N 18:18

Zuif'm be kpɛn kun wa usali Jésus kɛ: «?Nja, ɔ bɔ a ti sran kpa'n, nguɛ yɛ n `yo nan m'an nyan Anannganman nguan nin-ɔn?»

JÉSUS-CHRIST I DYASIN FE'N BO LUC KLELI'N 5:22

Jésus wunnin be akunndan'n, yɛ ɔ sɔ su seli be kɛ: «?Nguɛ ti yɛ an bu akunndan kɛ nga sa-a?

JÉSUS-CHRIST I DYASIN FE'N BO LUC KLELI'N 5:31

Jésus sɔli su, ɔ seli be kɛ: «Sran ng'ɔ ti juejue'n ɔ kɔ-man ayrefuɛ sin, san tukpacɛfuɛ yɛ ɔ kɔ-ɔ.

JÉSUS-CHRIST I DYASIN FE'N BO LUC KLELI'N 6:8

Jésus wunnin be akunndan'n, yɛ ɔ seli bian sa wuwa'n kɛ: «Jao jran be afiɛn lɛ.» Yɛ ɔ jao jrannin-ɔn.

JÉSUS-CHRIST I DYASIN FE'N BO LUC KLELI'N 7:39

Kɛ Farizifuɛ b'ɔ yiali Jésus'n wunnin sa sɔ'n, ɔ seli i klun lɔ kɛ: «Sɛ bian nga ti Nyanmiɛn nuan ijɔfuɛ sakpa'n, wuun ɔ ´si bla ng'ɔ kɛn i yɛ'n yɛ ɔ ´wun i sran wafa ng'ɔ ti'n, wuun ɔ ´si kɛ sa tɛtɛ yofuɛ-ɔ.»

JÉSUS-CHRIST I DYASIN FE'N BO LUC KLELI'N 7:41

Yɛ ɔ seli i kɛ: «Bian kun i kalɛ o sran nnyɔn be su, denie ya nnun o kun su, yɛ ablenun o kun su.

Jean 13:13

An se kɛ n ti amun like klefuɛ nin amun min. Kɛ an se sɔ'n, ɔ ti nanwlɛ, afin kɛ n ti sɔ-ɔ.

Jean 16:19

Jésus wunnin i wlɛ kɛ be klo kɛ be ´usɛ i nun i ti ɔ usali be kɛ: «?Kɛ n se amun kɛ ɔ cɛ kan-an an su wun-man min kun, sanngɛ sɛ i sin cuɛn nun kan'n amun ´wun min ekun'n, i yɛ an usa-usa amún wun-ɔn?

Jean 16:30

Siɛn'n, y'a wun i wlɛ kɛ a si sa'n kwlaa, ɔ ti-man bɔ be usa wɔ sa kun-ɔn. I sɔ'n ti yɛ e lafi su kɛ Nyanmiɛn yɛ ɔ sunmannin wɔ nin-ɔn.»