JÉSUS-CHRIST I DYASIN FE'N BO LUC KLELI'N 7:39 - NYANMIƐN NDƐ'N 1998

³⁹ Kɛ Farizifuɛ b'ɔ yiali Jésus'n wunnin sa sɔ'n, ɔ seli i klun lɔ kɛ: «Sɛ bian nga ti Nyanmiɛn nuan ijɔfuɛ sakpa'n, wuun ɔ ´si bla ng'ɔ kɛn i yɛ'n yɛ ɔ ´wun i sran wafa ng'ɔ ti'n, wuun ɔ ´si kɛ sa tɛtɛ yofuɛ-ɔ.»

Nyanmien nde Ufle

³⁹ Ke Pharisifue b'o yiaa Jésus'n wunnin sa so'n, o sé i klun lo ke: Se bian nga ti Nyanmien nuan idyofue sakpa'n, oh sih bla ng'o ken i ye'n, ye oh wunh i swran wafa ng'o ti'n, oh sih ke sa tete yôfueo.

JÉSUS-CHRIST I DYASIN FE'N BO LUC KLELI'N 7:39 ပူးပေါင်းရင်းမြစ်များ

2 Famiɛn Mun 5:20

Kpɛkuun Geazi b'ɔ ti Nyanmiɛn i nuan ijɔfuɛ Elize i gbanflɛn'n seli i klun lɔ kɛ: «Kpaa, min min'n ɔ'a yaci Naaman b'ɔ ti Sirifuɛ'n i nun ɔ'a ɔ. Ɔ'a sɔ-man like ng'ɔ fa bali kɛ ɔ ´fa man'n nun. N kan Anannganman ti! N ´wanndi n ´su i su, nan n ´se i kɛ ɔ man min like.»

Nyanndra Mun 23:7

Afin akunndan ng'ɔ bu i klun lɔ'n, ɔ nin i nuan su ndɛ'n ti-man kun. Ɔ se wɔ kɛ: «Aliɛ yɛ ɔ o lɛ-ɔ, di, yɛ nzan yɛ ɔ o lɛ-ɔ, nɔn.» Sanngɛ ng'ɔ ´kɛn i lɛ'n, nɛ́n i klun su-ɔ.

Ezai 65:5

Be se be nga be nin be yia'n be kɛ: «Amun `cuɛn amún wun siɛn, nán amun kan ye, sɛ ɔ'a yo-man sɔ-ɔ, kɛ bɔ e ti saun dan'n, sɛ amun mantan ye'n, amun ´wu.» Kɛ n wun sa tɛtɛ sɔ mun'n, n fa ya, yɛ min anwlɛn'n be min klun.

Matthieu 20:16

«Be nga be ka siɛn'n, be wa dun mmua, yɛ be nga be dun mmua'n, be kusu be wa ka siɛn.»

Matthieu 21:11

Sran nga be su i su'n be se kɛ: «Jésus b'ɔ ti Nyanmiɛn nuan ijɔfuɛ'n b'ɔ fin Nazarɛt Galile mɛn'n nun nin-ɔn.»

Marc 7:21

Afin sran klun lɔ'n, i anwlɛn nun yɛ akunndan tɛ'n wo-ɔ: bla b'ɔ ti-man bé yi annzɛ bian b'ɔ ti-man bé wun i kunndɛlɛ, , awie, sran kunlɛ,

JÉSUS-CHRIST I DYASIN FE'N BO LUC KLELI'N 12:17

Ɔ buli akunndan ɔ seli kɛ: ‹N ninnge mun yɛ be o yɛ, n lɛ-man lika n gua-man be nun. ?N ´yo i sɛ?›

JÉSUS-CHRIST I DYASIN FE'N BO LUC KLELI'N 15:2

Farizifuɛ'm be nin mmla klefuɛ'm be trɛtrɛli i kɛ: «Bian nga sɔ sa tɛtɛ yofuɛ'm be nun, ɔ nin be di like.»

JÉSUS-CHRIST I DYASIN FE'N BO LUC KLELI'N 16:3

Yɛ ninnge sunianfuɛ sɔ'n seli i wun kɛ: ‹?Kɛ be ko tu n junman'n nun bɔ b'a de be ninnge mun n sa nun'n, n ´yo i sɛ siɛn'n? N lɛ-man wunmiɛn nan m'an di fie, yɛ kusu n kwla yo-man lala sinfuɛ, sɛ n yo sɔ-ɔ, ɔ ti nyannzuɛn.›

JÉSUS-CHRIST I DYASIN FE'N BO LUC KLELI'N 18:4

Ɔ cɛli kpa jɔlɛ difuɛ waan ɔ kplin-man su, sanngɛ le kun liɛ'n, ɔ buli i akunndan ɔ seli kɛ: ‹Kannzɛ n sro-man Nyanmiɛn, yɛ m bu-man sran sran'n,

JÉSUS-CHRIST I DYASIN FE'N BO LUC KLELI'N 3:8

An `yo sa kpa b'ɔ kle kɛ amu'an kaci amun nzuɛn'n, kɛ waka kpa su mma kpa'n sa. Nán an bu amun anwlɛn'n nun se kɛ: ‹E nannan yɛlɛ Abraam!› Afin n ´kan kle amun kɛ Nyanmiɛn kwla fa yɛbuɛ nga mun kaci Abraam mma mun.

JÉSUS-CHRIST I DYASIN FE'N BO LUC KLELI'N 7:16

Srɛ kunnin be kwlaa, be manmannin Nyanmiɛn be seli kɛ: «Nyanmiɛn nuan ijɔfuɛ dan kpa kun a fite ye afiɛn wa, yɛ Nyanmiɛn a niɛn i sran'm be lika.»

JÉSUS-CHRIST I DYASIN FE'N BO LUC KLELI'N 7:37

Bla sa tɛtɛ yofuɛ kun b'ɔ o klɔ sɔ'n su'n, ɔ tili kɛ Jésus o Farizifuɛ kun awlo lɔ su di like.

JÉSUS-CHRIST I DYASIN FE'N BO LUC KLELI'N 7:38

Bla sɔ'n fa parfɛn albatri sɛ kun bali, ɔ jrannin Jésus i ja wun lɛ, ɔ sunnin, i nyinmuɛn'n guali Jésus i ja'n su, ɔ fɛ i ti ndrɛ'n nunnunnin, ɔ koto trɛli i ja'n yɛ ɔ fa parfɛn sɔ'n guɛli i ja wun.

JÉSUS-CHRIST I DYASIN FE'N BO LUC KLELI'N 7:40

Jésus sɔli su ɔ seli i kɛ: «Simɔn, n waan n ´kan ndɛ kun kle wɔ.» Ɔ seli i kɛ: «Kan.»

Jean 4:19

Bla'n seli i kɛ: «Nja, m'an wun kɛ a ti Nyanmiɛn nuan ijɔfuɛ.

Jean 7:12

Sran kpanngban be tuli i wun aswre, wie'm be waan Sran kpa-a. Wie'm be kusu be waan: «Nán sran kpa-a ɔ ti sran sacifuɛ.»

Jean 9:24

Farizifuɛ'm be flɛli anyansifuɛ'n ekun yɛ be seli i kɛ: «La Nyanmiɛn ase, e si kɛ bian sɔ'n ti sa tɛ yofuɛ.»