JÉSUS-CHRIST I DYASIN FE'N BO LUC KLELI'N 7:24 - NYANMIƐN NDƐ'N 1998

²⁴ Kɛ sran bɔ Zan sunmannin be'n be ɔli'n, kpɛkuun Jésus usali sran mun Zan wun ndɛ kɛ: «?Nguɛ yɛ an ɔli i nianlɛ aawlɛ flɛnnɛn nun lɔ nin-ɔn? ?An ko niannin ndɛma bɔ aunngban keje i'n?

Nyanmien nde Ufle

²⁴ Ke swran bo Jean sunmaan bé'n bé oli'n, kpekuun Jésus su usa swran mun Jean wun nde ke: ?Nzu ye an woo i nianle blô lo nion? ?An kô nian ndema bo aunngban kédyéé'n?

JÉSUS-CHRIST I DYASIN FE'N BO LUC KLELI'N 7:24 ပူးပေါင်းရင်းမြစ်များ

Bo Bolɛ 49:4

Ɔ like yolɛ yo ya kɛ nzue ba b'ɔ kpalo'n viavia'n sa. Sanngɛ nán wɔ yɛ a ´nyan kpɛn nin-ɔn. Sa ti'n, yɛlɛ kɛ a wluli mín yi'n kun sin a nin i be lali. A sokpali min.

JÉSUS-CHRIST I DYASIN FE'N BO LUC KLELI'N 1:80

Bakan sɔ'n nyinnin klanman, ɔ yoli sran. Ɔ trannin aawlɛ flɛnnɛn nun lɔ lele fa juli cɛn ng'ɔ yi i wun kleli Izraɛlfuɛ mun'n.

JÉSUS-CHRIST I DYASIN FE'N BO LUC KLELI'N 3:2

bɔ Ani nin Kaif be kusu be ti Nyanmiɛn nyrun jranfuɛ dan'n, be blɛ su yɛ Nyanmiɛn kan ndɛ kleli Zakari wa Zan aawlɛ flɛnnɛn nun lɔ-ɔ.

JÉSUS-CHRIST I DYASIN FE'N BO LUC KLELI'N 7:23

Sran nga i ti nun a saci-man min ti'n, i liɛ su ti ye!»

JÉSUS-CHRIST I DYASIN FE'N BO LUC KLELI'N 7:25

?Sɛ nán ndɛma'n, wuun nguɛ yɛ an ɔli i nianlɛ-ɔ? ?Sran b'ɔ wla tralɛ kpakpa-a? Amun `nian, sran nga be wla tralɛ kpakpa'n bɔ be lɛ ninnge nglanman'n, be fin famiɛn'm be awlo.

Jean 1:23

Ɔ seli kɛ i yɛ ɔ ti sran b'ɔ kpan aawlɛ flɛnnɛn nun lɔ ɔ se kɛ: «An `yo e Min'n i akpɔ'n seiin nan an `treke su» nin-ɔn . Ndɛ sɔ'n yɛ Nyanmiɛn nuan ijɔfuɛ Ezai kannin nin-ɔn.

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

2 Piɛr 2:17

Be ti kɛ nzue ti bɔ ɔ'a wu'n sa, be ti kɛ nyanmiɛn b'ɔ dun tuun'n bɔ aunngban'n tu i'n sa. Be lika nga Nyanmiɛn sieli be'n ti aosin kpa tritritri.

2 Piɛr 3:17

Sanngɛ amun bɔ an ti n sran kpa'n, bɔ an si sɔ laa'n, an `nian amun wun, kɛ ɔ ´yo nan amu'an su-man sran tɛtɛ bɔ be yo sa b'ɔ ti-mɛn i su'n, bé su nan amun ta a kpɔ-man.