JÉSUS-CHRIST I DYASIN FE'N BO LUC KLELI'N 7:13 - NYANMIƐN NDƐ'N 1998

¹³ Kɛ e Min'n wunnin bla sɔ'n, ɔ yoli i annvɔ, yɛ ɔ seli i kɛ: «Mmo, yako, muan ɔ nuan!»

Nyanmien nde Ufle

¹³ Ke é Min'n wuun bla so'n, o yô i annvo, ye o séé i ke: Mmô, yakô, muon nuan!

JÉSUS-CHRIST I DYASIN FE'N BO LUC KLELI'N 7:13 ပူးပေါင်းရင်းမြစ်များ

Jue Mun 103:13

Kɛ siɛ kun fa si i mma'm be aunnvuɛ ju'n yɛ Anannganman kusu fa si be bɔ bé nyin yi'n be aunnvuɛ-ɔ.

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Marc 8:2

«Nzrafuɛ nga'm be yo min annvɔ, afin be o min wun wa i le nsan yɛ, yɛ siɛn'n be lɛ-man like diwa kun.

JÉSUS-CHRIST I DYASIN FE'N BO LUC KLELI'N 10:1

Kɛ ɔ yoli sɔ'n, e Min'n kpali sran ableso-nin-nnyɔn ekun, ɔ sunmannin be nnyɔn-nnyɔn kɛ be dun mmua klɔ nin lika nga i bɔbɔ ɔ wa sin lɛ'm be nun.

JÉSUS-CHRIST I DYASIN FE'N BO LUC KLELI'N 11:1

Le kun Jésus o lika kun, ɔ nin Nyanmiɛn be su koko yalɛ. Kɛ be wieli yalɛ sɔ'n koko'n, i sɔnnzɔnfuɛ'm be nun kun seli i kɛ: «Nannan, kle ye sran nin Nyanmiɛn be yalɛ kokolɛ'n kɛ Zan kleli i liɛ mun'n sa.»

JÉSUS-CHRIST I DYASIN FE'N BO LUC KLELI'N 11:39

Yɛ e Min'n seli i kɛ: «Amun Farizifuɛ mun, an wunnzin klowa nin talie'm bé sin, sanngɛ amun anwlɛn'n nun ti sa tɛtɛ, yɛ an de sran'm be like wue kekle su.

JÉSUS-CHRIST I DYASIN FE'N BO LUC KLELI'N 12:42

Yɛ e Min'n seli kɛ: «?Wan yɛ ɔ ti sran kpa b'ɔ si like su nian kpa, bɔ i min'n fɛ i sie i minniɛn'm be su kɛ ɔ man be aliɛ cɛn bɔ be sieli'n su nin-ɔn?

JÉSUS-CHRIST I DYASIN FE'N BO LUC KLELI'N 13:15

Yɛ e Min'n seli kɛ: «?Amun dunman klofuɛ mun, amun nun onin yɛ wunmiɛn-delɛ-cɛn nun ɔ nyannji-mɛn i nannin annzɛ i aflunmun b'ɔ o tuin'n nun'n ɔ ko mɛn-mɛn i nzue-ɔ?

JÉSUS-CHRIST I DYASIN FE'N BO LUC KLELI'N 17:5

Le kun be bɔ e Min'n sunmannin be'n be seli i kɛ: «Man e anwlɛn man e lafi Nyanmiɛn su kpa.»

JÉSUS-CHRIST I DYASIN FE'N BO LUC KLELI'N 17:6

Yɛ e Min'n seli be kɛ: «Sɛ an lafi Nyanmiɛn su bɔ kaan b'ɔ ju kɛ mutard mma sa'n, sɛ an se waka ng'ɔ o yɛ'n kɛ ɔ `tu i bo ko jran jenvie nun'n, ɔ ´kɔ.»

JÉSUS-CHRIST I DYASIN FE'N BO LUC KLELI'N 18:6

Yɛ e Min'n seli be ekun kɛ: «An `nian ndɛ nga jɔlɛ difuɛ b'ɔ ti-man kpa'n ɔ kannin-ɔn.

JÉSUS-CHRIST I DYASIN FE'N BO LUC KLELI'N 19:8

Sanngɛ Zase jao jrannin e Min'n i nyrun lɛ, ɔ seli i kɛ: «Nannan, nian, n ´fa min ninnge'n i bue man yalɛfuɛ mun, yɛ sran nga n dili i ndrunmun'n, n ´yi i sika'n i wunsu kpɛ nnan mɛn i .»

JÉSUS-CHRIST I DYASIN FE'N BO LUC KLELI'N 22:61

Yɛ e Min'n kpɛli i nyin niannin Piɛr siin, yɛ Piɛr wla kpɛnnin e Min'n i ndɛ'n b'ɔ kan kleli i'n su-ɔ. Ɔ seli i kɛ: «Ndɛkɛn a ´se kɛ a si-man min sɔ kpɛ nsan, nan akɔ nyinman'n ɔ'a bo.»

JÉSUS-CHRIST I DYASIN FE'N BO LUC KLELI'N 24:3

Be wluli lɔ, sanngɛ b'a wun-man e Min Jésus i fuɛn'n.

JÉSUS-CHRIST I DYASIN FE'N BO LUC KLELI'N 24:34

Bé nuan o su be su kan kɛ: «E Min'n cɛnnin sakpa, Simɔn wunnin i.»

JÉSUS-CHRIST I DYASIN FE'N BO LUC KLELI'N 7:12

Kɛ be wa ju klɔ i anuan'n nun lɛ'n, be ´nian-an, be nin saka kun su ba. Bla kun bɔ i wun wuli'n i wa yasua kunngba cɛ'n ɔ'a wu yɛ be nin i su ba-a. Be nin klɔ'n su sran lɔuun kpa yɛ be ba-a.

JÉSUS-CHRIST I DYASIN FE'N BO LUC KLELI'N 7:14

Ɔ wunngeli lɔ ɔ kannin kpata'n, yɛ be nga be suɛ i'n be jrannin-ɔn. Yɛ ɔ seli kɛ: «Gbanflɛn, jaso!»

JÉSUS-CHRIST I DYASIN FE'N BO LUC KLELI'N 7:19

Zan flɛli i sɔnnzɔnfuɛ'm be nun nnyɔn nan ɔ'a sunman be e Min'n i wun lɔ kɛ be ko usɛ i kɛ sran nga be kɛn i ndɛ kɛ ɔ ´ba'n yɛlɛ i annzɛ sran sɔ'n tɛ o siɛn.

JÉSUS-CHRIST I DYASIN FE'N BO LUC KLELI'N 8:52

Be kwlaa be sun, be bo awuyomo. Yɛ Jésus seli be kɛ: «Nán an sun, ɔ'a wu-man, lafilɛ yɛ ɔ su lafi-ɔ.»

Jean 11:2

Mari sɔ'n yɛ ɔ fa parfɛn guali e Min'n wun yɛ ɔ fɛli i timuɛn nunnun i ja wun nin-ɔn. Lazar sɔ'n b'ɔ tɔli tukpacɛ'n ɔ ti i niaan.

Jean 11:3

I niaan bla nnyɔn sɔ'm be sunmannin sran kɛ ɔ ko se be Min Jésus kɛ i sran kpa'n ɔ'a tɔ tukpacɛ.

Jean 20:13

Yɛ be usɛli i kɛ: «?Mmo, nguɛ ti yɛ a sun-ɔn?» Ɔ seli be kɛ: «B'a fa min Min'n i fuɛn'n, n si-man lika nga be yili i'n.»

Jean 20:15

Yɛ Jésus usɛli i kɛ: «?Mmo, nguɛ ti yɛ a sun-ɔn? ?A kunndɛ wan?» Ɔ buli kɛ fiefuɛ nin-ɔn nan ɔ'a se i kɛ: «Nja, sɛ wɔ yɛ a fali'n, kle min lika nga a ko yili i'n man n ko fa.»

Jean 4:1

Farizifuɛ'm be tili kɛ e Min'n nyan sran kpanngban yo be batɛm tra Zan.

Jean 6:23

Sanngɛ alie wie'm be fin Tiberiad be juli kan e Min'n lali Nyanmiɛn ase bɔ be dili kpaun lɛ'n.

1 Korɛntfuɛ Mun 7:30

Be nga be su sun'n, man be yo kɛ be sun-man sa, be nga be klun ti jɔwa'n, man be yo kɛ be klun ti-man jɔwa sa, be nga be to like'n, man be yo kɛ be lɛ-man like sa,

1 Tɛsalonikfuɛ Mun 4:13

Aniaan mun, e klo kɛ an si sa ng'ɔ ju be nga be wuli'n be su'n, nan amún wla a bo-man kɛ be nga be lɛ-man like bɔ be fa bé wla gua su'n be liɛ'n sa.

Hébreu 2:17

Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.

Jɔlɛ Difuɛ Mun 10:16

Be guali nvle uflɛ'm be amuɛn ng'ɔ o be sa nun'n be blo, kpɛkuun be suli Anannganman. Kɛ Anannganman wunnin i sɔ'n, ɔ yaci be nyrɛnnɛn nun-ɔn, ɔ yo-man ye.