JÉSUS-CHRIST I DYASIN FE'N BO LUC KLELI'N 6:49 - NYANMIƐN NDƐ'N 1998

⁴⁹ Sanngɛ sran ng'ɔ tie min ndɛ'n b'ɔ fa-man su'n, ɔ ti kɛ sran b'ɔ kplannin sua asiɛ ngbɛn'n su bɔ ɔ'a wlɛ-mɛn i bo ase'n sa. Nzue dan'n ɔ wa dili sua sɔ'n, kpɛkuun ɔ buli mlɔnmlɔn.»

Nyanmien nde Ufle

⁴⁹ Sannge swran ng'o tié min nde'n b'o faman su'n, o ti ke swran b'o kplan sua asie ngben'n su, bo wa wlemen i bô asé'n sa. Nzué dan'n o wa dii sua so'n, kpekuun wa bu mlonmlon.

JÉSUS-CHRIST I DYASIN FE'N BO LUC KLELI'N 6:49 ပူးပေါင်းရင်းမြစ်များ

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Matthieu 23:3

I sɔ'n ti, like nga be kle amun'n, an `fa su, an `yo, sanngɛ nán an nian be nzuɛn'n su. Afin be kan ndɛ'n, sanngɛ be bɔbɔ be fa-man su.

Nyanndra Mun 28:18

Sran ng'ɔ nanti sein'n, ɔ ´nyɛn i ti. Gblɛfuɛ nga kusu b'ɔ kpanndan sin atin nnyɔn su'n, san ɔ ´fin ase kun nun.

1 Jean 2:19

Sran sɔ mun'n, kɛ bɔ be ti-man e fuɛ sakpa'n, i sɔ'n ti yɛ be yaci ye ɔli nin-ɔn. Sɛ be ti e fuɛ'n, wuun be kali e wun wa. Sanngɛ be yili bé wun sɔ nan sran'm be si weiin kɛ be nun wie fi ti-man e fuɛ.

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.

JÉSUS-CHRIST I DYASIN FE'N BO LUC KLELI'N 12:47

Sran ng'ɔ si sa nga i min'n klo kɛ ɔ `yo'n sanngɛ b'ɔ bu-mɛn i akunndan yo-man'n, be ´bo i dan kpa.

JÉSUS-CHRIST I DYASIN FE'N BO LUC KLELI'N 6:46

«?Nguɛ ti yɛ an flɛ min Nannan, Nannan sanngɛ an yo-man like nga n kle amun nin-ɔn?

Marc 4:17

Sanngɛ be ti kɛ awie b'ɔ lɛ-man ndin sa, be anwlɛn'n sɔ-man, kɛ afɛ'n nin yalɛ klelɛ'n tɔ bé su Nyanmiɛn ndɛ'n ti'n, kpɛkuun bé ti nun saci.

2 Piɛr 2:20

Afin sran nga be si e Min Jésus-Krist e Defuɛ'n, b'ɔ man be yaci sa nga be yo-ɔ be saci'n, sɛ be sa be sin ko fa sa sɔ'n kaci be junman ekun'n, be sacilɛ kasiɛn liɛ'n, ɔ yo tɛ tra klikli liɛ'n.

1 Tɛsalonikfuɛ Mun 3:5

I sɔ'n ti, kɛ m'an kwla minndɛ-man kun'n, n sunmannin Timote kɛ ɔ ko nian sɛ amun tɛ lafi Krist su o, annzɛ sɛ wienun-ɔn Lakafuɛ'n ɔ'a laka amun man e junman'n wa yo ngbɛn o.

Sa nga bé yôli'n 26:11

N ta be fɔ tu Nyanmiɛn ndɛ suanlɛ nin i srɛlɛ sua'n kwlaa nun, n waan n ´yo sɔ nan ɔ fin bé nuan fite kɛ be lafi-man Jésus su kun. Ya bɔ n fɛ i bé wun dan kpa'n ti, n kle be yalɛ lele fa ju nvle uflɛ nun.»

Sa nga bé yôli'n 20:29

N si kɛ, kɛ n ko wɔ'n, gboklo wlɛfuɛ'm be wa wlu amun nun, yɛ be ´saci bua fa sɔ'n.

JÉSUS-CHRIST I DYASIN FE'N BO LUC KLELI'N 19:27

Siɛn'n, be nga be kpɔ min bɔ be klo-man kɛ n `sie be'n, an `fa be bla wa kun be min nyrun wa.› »

JÉSUS-CHRIST I DYASIN FE'N BO LUC KLELI'N 19:14

Sanngɛ i nvlefuɛ'm be kpɔ i, yɛ be yili sran wie mun suli i su kɛ be `ko se kɛ be klo-man kɛ i yɛ ɔ `sie be-ɔ.

Matthieu 24:10

Ɔ man sran sunman bé ti nun ɔ ´saci, be ´fa be wiengu wlɛ sran'm bé sa nun, be ´kpɔ be wiengu.

Ndɛ Nga Nyanmiɛn I Nuan Ijɔfuɛ Oze Kannin'n 4:14

Ɔ man amun mma mmla nga be sili tekle'n, n su yo-man be sa fi, amun sewi nga be kunndɛli be wiengu'm bé wun mun'n, n su yo-man be sa fi. Amun yɛ e nin amun y'a nyɛn i-ɔ. Afin amun yasua'm be bɔbɔ yɛ amun cuɛn mmla'm be kɔ klɛ nun, yɛ ninnge nga amun fa man amuɛn mun'n yɛ amun nin tekle nga be o sua'm be nun'n be di-ɔ. Be bu be nyanndra be se kɛ: «Nvle nga ngwlɛlɛfuɛ nun-man nun'n, i sɔ nvle liɛ'n ti mlinfuɛ.»

JÉSUS-CHRIST I DYASIN FE'N BO LUC KLELI'N 6:48

Ɔ ti kɛ sran kun b'ɔ su kplan sua sa. Ɔ kpɛ kunman kploun, kunman sɔ'n ɔ kpɛn yɛbuɛ su, sran sɔ'n ɔ wla sua'n i bo ase yɛbuɛ sɔ'n su. Nzue dan kun yi ba kpuu, ɔ dili sua sɔ'n, sanngɛ ɔ'a yo-mɛn i like fi yɛlɛ kɛ be kplɛnnin i kpa.

JÉSUS-CHRIST I DYASIN FE'N BO LUC KLELI'N 7:1

Kɛ Jésus kan ndɛ kleli be bɔ i nuan tɔli'n, ɔ ɔli Kapɛrnaɔm.