JÉSUS-CHRIST I DYASIN FE'N BO LUC KLELI'N 6:25 - NYANMIƐN NDƐ'N 1998

²⁵ Amun bɔ amun ku ɔ'a yi ndɛ'n, an yako, afin cɛn wie awe wa kun amun! Amun bɔ an su sri ndɛ'n, an yako, afin cɛn wie amun wa kaci sɛnvuɛ, yɛ amun ´sun!

Nyanmien nde Ufle

²⁵ Amun bo amun ku wa yi nde'n, an yakô, afin tyen wié awé wa kun amun! Amun bo an su sri nde'n, an yakô, afin tyen wié amun wa katyi senvue, amunh sun!

JÉSUS-CHRIST I DYASIN FE'N BO LUC KLELI'N 6:25 ပူးပေါင်းရင်းမြစ်များ

Jue Mun 49:19

Kɛ i nyin tɛ o su'n, ye nga i waan ɔ su di'n, yɛ i klun b'ɔ ti jɔwa i sa nun ninnge'm bɔ be yo ye'n ti'n,

Nyanndra Mun 14:13

Sɛ sran kun i wla bo'n, ɔ ´sri-ɔ ɔ ´sri ngbɛn, nán kɛ i wla ɔ'a fi i awlaboɛ'n ti-ɔ.

Nyanndra Mun 30:9

Sɛ n nyɛn i pɛ'n, ɔ cɛ-man nan mín wla'n ɔ'a tra wɔ su nan m'an se kɛ: ‹?Wan li yɛlɛ Anannganman?› Sɛ yalɛ'n kusu yɛ ɔ di min'n, ɔ cɛ-man nan m'an ko wua nan m'an gua ɔ i nyin ase .»

Akunndanfuɛ'n 2:2

Srilɛ ngboko'n ti sinnzin, be nyan-man aklunjuɛ'n nun like fi.

Akunndanfuɛ'n 7:3

Awlaboɛ'n ɔ man sran ngwlɛlɛ tra srilɛ'n. Afin ɔ yo man sran'n ɔ mlɛn i nyrun sanngɛ ɔ man ɔ kaci sran kpa.

Akunndanfuɛ'n 7:6

Sinnglinfuɛ'n i srilɛ'n ɔ ti kɛ yie mma bɔ b'a fa wla sin nun b'ɔ su tɛtɛ kplɛlɛ sɛ wie bo'n sa. Sa sɔ'n tra sran i akunndan'n su, yɛ i kwlaa ti afɛ ngbɛn.

Ezai 28:7

Nyanmiɛn nuan ijɔfuɛ'n nin Nyanmiɛn nyrun jranfuɛ'n, nzan kekle bɔ be nɔn ti'n, be nanti sa dadaada. Nzan'n ɔ'a bo be dan. Nzan kekleke'm b'a mlin be. Be ´kan sa nga be wunnin be aolia nun'n, wuun be nuan ´to fuan. Be ´di jɔlɛ'n, wuun be ´usu-usu.

Ezai 65:13

I sɔ'n ti, min bɔ n ti Anannganman Nyanmiɛn'n, min wan yoo: ‹Amun `nian, min sufuɛ'm be ´nyan like be ´di, sanngɛ amun liɛ'n, awe ´kun amun. Amun `nian, min sufuɛ'm be ´nyan nzue be´nɔn, sanngɛ amun liɛ'n, nzuewe ´kun amun. Amun `nian, min sufuɛ'm bé wun ´kpaja be, sanngɛ amun liɛ'n, amún nyin ɔ ´gua ase.

Ezai 8:21

Kɛ be ´sin mɛn nun'n, afɛ'n ɔ'a ti be, yɛ awe'n ɔ'a kun be kpo. Sɛ awe kun be'n, be ´fa ya be ´kpɛ be famiɛn'n nin be Nyanmiɛn'n be nzowa. Be ´man be nyin'n su be ´nian nglo lɔ.

Ezai 9:20

Manase yo-man Efraim blɛblɛ, Efraim kusu ɔ nyan Manase-ɔ, ɔ yaci-mɛn i lɛ. Yɛ be bue nnyɔn'n be di gua Zida su. Sanngɛ ɔ nin i sɔ'n ngba'n, Anannganman i ya'n ɔ su jɔ-man, ɔ nin be ´nyɛn i tititi.

Amɔs 8:10

Amún cɛn nga amun di be'n, n ´fa be n ´kaci awlaboɛ cɛn, jue nga amun to be'n, n ´fa be n ´kaci sunlɛ. Sran'm be kwlaa be ´wla bajɛ tralɛ. N ´fa nyrɛnnɛn n ´yi nvle wunmuan'n su. Be sran'm be kwlaa be ´kpu bé ti'n su kɛ sran wie bɔ i wa ba kunngba cenje'n ɔ'a saci i sa nun'n sa. Kpɛkuun i agualiɛ'n ko yo-man aklunjuɛ.»

Naɔm 1:10

B'a yo kɛ owie bɔ b'a to b'a bla be wiengu'n sa, be nɔn nzan lele ɔ'a ti be. Be ´yra kɛ ijre kee kpa'n sa .

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

JÉSUS-CHRIST I DYASIN FE'N BO LUC KLELI'N 13:28

Kɛ an ´ko wun Abraam, nin Izaak, nin Zakɔb, ɔ nin Nyanmiɛn nuan ijɔfuɛ'm be kwlaa Nyanmiɛn mɛn'n nun bɔ amun kusu be ´kan amún bo an ka guasu lɔ'n, amun ´sun, yɛ amun ´di amun je.

JÉSUS-CHRIST I DYASIN FE'N BO LUC KLELI'N 6:24

Sanngɛ amun anyanbeunfuɛ mun, an yako, afin amu'an dun mmua nyan amun klun ninnge liɛ'n!

JÉSUS-CHRIST I DYASIN FE'N BO LUC KLELI'N 6:26

Kɛ sran'm be kwlaa be ´bo amun dunman kpa'n, an yako, afin kɛ be nannan'm be boli be bɔ be tɔn bé wun suɛn kɛ be ti Nyanmiɛn nuan ijɔfuɛ'n be dunman sɔ-ɔ!»

JÉSUS-CHRIST I DYASIN FE'N BO LUC KLELI'N 8:53

Be srili i, afin be si kɛ ɔ'a wu.

Efɛzfuɛ Mun 5:4

Yɛ nán man be ti ndɛ tɛtɛ, nin ndɛ finfin, nin aɔwi tɛtɛ dilɛ'n amún nuan nun. Be ti like b'ɔ nin amun fata-man, sanngɛ man be ti Nyanmiɛn asenna ndɛ amún nuan nun.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

Jacques 4:9

Man amun nyrɛnnɛn'n wlu amún nyin su, an `bo awuyomo, an `sun, yɛ srilɛ nga an sri'n, man ɔ kaci sunlɛ.

Sa nglô yile 3:17

An se kɛ an ti anyanbeunfuɛ yɛ amu'an nyan amun wun nan like fi mian-man amun. An si-man kɛ an ti nyrɛnnɛnfuɛ yɛ an yo annvɔ, an si-man kɛ an ti yalɛfuɛ yɛ an ti anyansifuɛ nan amún wun ti kplɛn .

1 Samiɛl 2:5

Be nga be ku yili laa'n, be su kunndɛ junman nan b'a nyan aliɛ, sanngɛ be nga awe kunnin be laa'n, be su de wunmiɛn. B'a yaci junman dilɛ. Ɔliɛ bla klun kpanfuɛ'n ɔ'a wu ba kpɛ nso, sanngɛ bla ng'ɔ lɛ ba kaka laa'n, ɔ kwla wu-man ba kun.