JÉSUS-CHRIST I DYASIN FE'N BO LUC KLELI'N 6:23 - NYANMIƐN NDƐ'N 1998

²³ Kɛ be ´yo amun sɔ'n, man amun klun jɔ, yɛ an `si able, yɛlɛ kɛ amun mo'n ɔ wa yo dan nyanmiɛn su lɔ, afin kɛ be nannan'm be yoli Nyanmiɛn nuan ijɔfuɛ'm be sɔ-ɔ.

Nyanmien nde Ufle

²³ Ke béh yôh amun so'n, man amun klun dyo, anh si ablé, yele ke amun mô'n o wa yô dan nyanmien su lo, afin ke bé nannan'm bé yôô Nyanmien nuan idyofue'm bé soo.

JÉSUS-CHRIST I DYASIN FE'N BO LUC KLELI'N 6:23 ပူးပေါင်းရင်းမြစ်များ

2 Samiɛl 6:16

Kɛ be ´fa Anannganman i alaka'n ´ju David Klɔ lɛ'n, wuun Sail i wa bla Mikal jin fenɛtri'n nun lɔ, i nyin ta be. Ɔ ´nian-an, famiɛn David yɛ ɔ su si able ´tu kpɛn Anannganman nyrun yɛ, ɔ yoli i tɛ nan ɔ'a yo i finfin.

1 Famiɛn Mun 18:4

Blɛ nga famiɛn'n i yi Zezabɛl man be kunnin Anannganman i nuan ijɔfuɛ mun'n, Abdias fali be nun ya fiali. Ɔ fali ablenun fiali yɛbuɛ buɛ kun nun, yɛ ɔ fali ablenun fiali yɛbuɛ buɛ kun ekun nun. I bɔbɔ tali be, yɛ ɔ mannin be nzue nɔnwa.

1 Famiɛn Mun 19:10

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min .»

1 Famiɛn Mun 19:14

Eli tɛli i su kɛ: «Anannganman, a ti mɛn wunmuan'n i Nyanmiɛn. Kɛ n klo wɔ'n, i ti n kwla suan-man sa nga Izraɛlfuɛ'm be yo'n i bo kun. Aenguɛ nga a nin be trali'n, b'a yi i ase, be bubuli wɔ sɔwlɛ mun, be kunnin ɔ nuan ijɔfuɛ mun. N kunngba bɔ m'an ka'n, be kunndɛ kɛ be ´kun min.»

1 Famiɛn Mun 19:2

Zezabɛl sunmannin sran kun kɛ ɔ ko se Eli kɛ: «Sɛ ainman dɔ kunngba nga su'n, m man b'a kun-man wɔ kɛ a fa kunnin Baal i nuan ijɔfuɛ'm be sa'n, man amuɛn'm be kun min.»

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

1 Famiɛn Mun 22:27

Nan se be kɛ: ‹Famiɛn'n waan: Amun `wla bian nga bisua. Amun `mɛn i kpaun kan tititi nin nzue nɔnwa lele man n fɛ i alɛ'n nun lɔ m ´bla juejuejue.› »

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

2 Famiɛn Mun 6:31

Famiɛn'n kpannin kekle kpa. I waan: «Sɛ Safat i wa Elize i ti'n ka i ti'n su ndɛ cɛ'n, man Nyanmiɛn wun min!»

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Jue Mun 58:11

Sran nga Nyanmiɛn bu i sran kpa'n, i klun'n ´jɔ afin ɔ ´wun kɛ Nyanmiɛn ɔ'a tu i klunngbɔ sran wlɛfuɛ'm be su ɔ'a mɛn i. I sɔfuɛ'n be tiatia klunwifuɛ'm be mmoja'n nun.

Ezai 35:6

Blɛ sɔ nun'n, cɛcɛwafuɛ'm be ´tu kpɛn kɛ flete mun sa. Yɛ aklunjuɛ'n ti bobofuɛ'm be ´kpan. Afin nzue wa nyrɛn aawlɛ flɛnnɛn'n nun, yɛ nzue ba'm be wa sonji mɛn kee'n nun .

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Matthieu 5:12

yɛlɛ kɛ amun mo'n ɔ wa yo dan nyanmiɛn su lɔ. I sɔ'n ti, man amun klun jɔ, man amún wun blibli amun. Afin laa kɛ be kleli Nyanmiɛn nuan ijɔfuɛ'm be yalɛ sɔ-ɔ, i sin nan b'a wu amun .»

JÉSUS-CHRIST I DYASIN FE'N BO LUC KLELI'N 1:41

Kɛ Elizabɛt tili like bɔ Mari yoli i'n, i ku'n jaojaoli, Nyanmiɛn Wawɛ'n wluli'n i nun, ɔ kpannin kekle kpa kɛ:

JÉSUS-CHRIST I DYASIN FE'N BO LUC KLELI'N 1:44

Afin kɛ n tili like bɔ a yoli min'n cɛ'n, ba'n b'ɔ o n klun lɔ'n, i klun jɔli, ɔ man n ku'n jaojao.

JÉSUS-CHRIST I DYASIN FE'N BO LUC KLELI'N 6:35

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

Sa nga bé yôli'n 14:10

ɔ seli kɛ: «Jao jran ɔ́ ja'n su seiin!» Ɔ jaoli waka, kpɛkuun ɔ su nanti.

Sa nga bé yôli'n 3:8

ɔ jao waka nantili. Ɔ nin be nanti wluli Nyanmiɛn i sua'n nun, ɔ tu kpɛn, ɔ manman Nyanmiɛn.

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

Rɔmfuɛ Mun 5:3

Nɛ́n i sɔ ngunmin ti yɛ é wun blibli ye-ɔ, sanngɛ sa ng'ɔ tɔ e su'n kusu ɔ man e klun jɔ ekun, afin e si kɛ nyrɛnnɛn wunlɛ'n man e kaci sran bɔ e tra e anwlɛn,

2 Korɛntfuɛ Mun 12:10

I sɔ'n ti'n, sɛ n lɛ-man wunmiɛn o, sɛ be ´kpɛ min nzowa o, sɛ ń sa ´mian o, sɛ be ´kle n yalɛ o, sɛ n ´wun nyrɛnnɛn o, Krist ti n klun jɔ afin kɛ m bu i kɛ n lɛ-man wunmiɛn'n, i li bɔ yɛ n nyan wunmiɛn nin-ɔn.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

2 Timote 2:12

Sɛ e jran kekle'n, e nin i yɛ e ´di famiɛn nin-ɔn. Sɛ e se kɛ e si-mɛn i'n, i kusu wa se kɛ ɔ si-man ye.

Hébreu 11:26

Ɔ wunnin i kɛ finfin nga Krist ti be yo i'n ɔ ti kpa tra Ezipt lɔ like kpakpa'n kwlaa, afin like ng'ɔ wa nyɛn i cɛn wie'n, i nyin tɛ i mmua lɔ.

Hébreu 11:6

Afin sɛ be lafi-mɛn i su'n, i klun jɔ-man be wun mlɔnmlɔn. Ɔ man sran nga i waan ɔ ´fɛ i wun mantan Nyanmiɛn'n, man ɔ lafi su kɛ ɔ o lɛ, yɛ be nga be kunndɛ i'n, ɔ ´yi i wun kle be.

Jacques 1:2

N niaan mun, sa fanunfanun ng'ɔ tɔ amun su'n, an `bu i amun cenjele like,

1 Piɛr 4:13

Sanngɛ kɛ an wun nyrɛnnɛn kunngba nga Krist wunnin i'n wie'n, man amun klun jɔ nan cɛn nga be ´yi i sran wafa ng'ɔ ti'n i nglo'n, amun klun a jɔ kpa.

Sa nglô yile 2:17

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n! Sran ng'ɔ kwla'n, n ´fa mani bɔ be wun-mɛn i'n m ´mɛn i. Yɛ n ´fa yɛbuɛ ufue kun bɔ be klɛli dunman uflɛ kun su'n m ´mɛn i. Sran fi si-man dunman sɔ'n, san sran nga be fa mɛn i'n yɛ ɔ si i-ɔ .› »

Sa nglô yile 2:26

Sran ng'ɔ kwla'n, b'ɔ yo min klun sa lele guɛ i ti nin i bo'n, n ´yo man ɔ ´sie nvle-nvle mun

Sa nglô yile 2:7

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n. Sran ng'ɔ kwla'n, waka b'ɔ man nguan b'ɔ o Nyanmiɛn fie'n su lɔ'n, n ´yo man ɔ ´di i mma .› »

Sa nglô yile 21:7

Sran ng'ɔ kwla'n, sa nga n ´yo mɛn i'n yɛ: n ´yo i Nyanmiɛn yɛ i kusu ɔ ´yo mín wa .

Sa nglô yile 3:12

Sran ng'ɔ kwla'n, n ´fɛ i n yo min Nyanmiɛn i sua'n i kuatrɛn'n kun, be su kaci-mɛn i. Min Nyanmiɛn i dunman'n nin min Nyanmiɛn i klɔ Zerizalɛm uflɛ b'ɔ fin i wun nyanmiɛn su lɔ jra'n i dunman'n, ɔ nin m bɔbɔ n dunman uflɛ'n, n ´fa be n ´klɛ i wun .

Sa nglô yile 3:5

Sran ng'ɔ kwla'n, kɛ ɔ ´wlɛ i wun tralɛ ufue sɔ-ɔ. N su nunnun-mɛn i dunman'n nguan fluwa'n nun. M ´bo i dunman n kle min Si nin i anz mun .