JÉSUS-CHRIST I DYASIN FE'N BO LUC KLELI'N 6:22 - NYANMIƐN NDƐ'N 1998

²² Kɛ sran'm be ´kpɔ amun, bɔ be ´kan amun bo, bɔ be ´kpɛ amun nzowa, bɔ be ´saci amun dunman m bɔ n kacili Sran'n min ti'n, amun liɛ su ti ye !

Nyanmien nde Ufle

²² Ke swran'm béh kpoh amun, béh kanh amun bô, béh kpeh amun nzôwa, béh satyih amun dunman m bo n katyii Swran'n n ti'n, amun lie su ti yé!

JÉSUS-CHRIST I DYASIN FE'N BO LUC KLELI'N 6:22 ပူးပေါင်းရင်းမြစ်များ

Ezai 65:5

Be se be nga be nin be yia'n be kɛ: «Amun `cuɛn amún wun siɛn, nán amun kan ye, sɛ ɔ'a yo-man sɔ-ɔ, kɛ bɔ e ti saun dan'n, sɛ amun mantan ye'n, amun ´wu.» Kɛ n wun sa tɛtɛ sɔ mun'n, n fa ya, yɛ min anwlɛn'n be min klun.

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Matthieu 10:18

Be ´fa amun kɔ be bɔ be sie mɛn'n nin famiɛn'm bé ja su min ti nan an kan min ndɛ kle be nin be bɔ be ti-man Zuif'n.

Matthieu 10:22

Sran'm be kwlaa be wa kpɔ amun min ti, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

Matthieu 10:39

Sran ng'ɔ sɛsɛ i nguan'n, ɔ ´kpɛ i sin, yɛ sran ng'ɔ kpɛ i sin min dunman nun'n ɔ ´nyɛn i ekun.»

JÉSUS-CHRIST I DYASIN FE'N BO LUC KLELI'N 20:15

Yɛ be trɛ fa ɔli fie'n sin lɔ nan b'a kun i. ?An bu i kɛ fie i fuɛ'n ɔ wa yo sran sɔ'm be sɛ?

JÉSUS-CHRIST I DYASIN FE'N BO LUC KLELI'N 21:17

Min ti sran'm be kwlaa be ´kpɔ amun.

JÉSUS-CHRIST I DYASIN FE'N BO LUC KLELI'N 6:21

Amun bɔ awe kun amun ndɛ'n, amun liɛ su ti ye, afin cɛn wie amun ku wa yi! Amun bɔ amun su sun ndɛ'n, amun liɛ su ti ye, afin cɛn wie amun wa sri!

Jean 12:42

Ɔ nin i sɔ ngba'n, Zuif kpɛnngbɛn'm be nun kpanngban be lafili Jésus su, sanngɛ Farizifuɛ'm be ti, b'a yi-man bé wun nglo. Sɛ be yoli sɔ'n, wuun be kannin be bo Nyanmiɛn ndɛ suanlɛ nin i srɛlɛ sua'n nun.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Jean 17:14

N kannin ɔ ndɛ'n kleli be, ɔ man mɛn nunfuɛ'm be kpɔ be, afin be ti-man mɛn nunfuɛ kɛ n kusu n ti-man mɛn nunfuɛ'n sa.

Jean 7:7

Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.

Jean 9:34

Be seli i kɛ: «?Ɔ bɔ kɛ be wuli wɔ'n, sa tɛtɛ'n yɛ ɔ ti ɔ junman'n, a wa kle ye like?» Yɛ be kɛnnin i bo-ɔ.

Sa nga bé yôli'n 22:22

Be tieli i ndɛ'n lele juli ndɛ nga su, nan b'a kpan se kɛ: «Sran kɛ nga sa'n, be `kun i! Nán man be yaci i lɛ!»

Sa nga bé yôli'n 24:5

E wun kɛ bian nga ti-man kpa, ɔ saci Zuif'm bɔ be o mɛn wunmuan'n nun'n be afiɛn, yɛ ɔ ti Nazarɛtfuɛ'm bɔ be ti Zuif'm be akpasua kun'n i su kpɛn.

Sa nga bé yôli'n 9:16

yɛ m ma fa nyrɛnnɛn ng'ɔ wa wun i n dunman nun'n i kwlaa n kle i.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

1 Piɛr 3:14

Sɛ bɔ an yo sa kpa nan i sɔ'n ti an wun nyrɛnnɛn'n, amun liɛ su ti ye! Nán an sro sran mun, nán amun akunndan sanngan.