JÉSUS-CHRIST I DYASIN FE'N BO LUC KLELI'N 6:21 - NYANMIƐN NDƐ'N 1998

²¹ Amun bɔ awe kun amun ndɛ'n, amun liɛ su ti ye, afin cɛn wie amun ku wa yi! Amun bɔ amun su sun ndɛ'n, amun liɛ su ti ye, afin cɛn wie amun wa sri!

Nyanmien nde Ufle

²¹ Amun bo awé kun amun nde'n, amun lie su ti yé, afin tyen wié amun ku wa yi! Amun bo amun su sun nde'n, amun lie su ti yé, afin tyen wié amun wa sri!

JÉSUS-CHRIST I DYASIN FE'N BO LUC KLELI'N 6:21 ပူးပေါင်းရင်းမြစ်များ

Bo Bolɛ 17:17

Abraam bubu guali asiɛ wun gblo, ɔ utuli i nyin ase, yɛ ɔ srili-ɔ. Ɔ seli i klun lɔ kɛ: «?Sran yasua kun di afuɛ ya kwlaa'n, ɔ kwla wu ba ekun? ?Yɛ Sara kusu bɔ ɔ'a di afuɛ ablangwlan'n, ɔ kwla wu ba ekun?»

Bo Bolɛ 21:6

Sara seli kɛ: «Ee! Min yɛ Nyanmiɛn man m'an kwla sri yɛ. Sran kwlaa ng'ɔ ti ndɛ nga'n ɔ ´kle i srilɛ.»

Jue Mun 107:9

Afin sran nga bɔ nzue we kunnin i'n, ɔ mɛnnin i nzue. Sran nga bɔ awe kunnin i'n, ɔ mɛnnin i aliɛ ɔ dili i ku yili.

Jue Mun 119:136

Kɛ n wun kɛ be fa-man ɔ mmla'n su'n, n sun sa ploploplo.

Jue Mun 143:6

M man mín sa'm be su nglo n kle wɔ. N de wɔ awuliɛ kpa kɛ asiɛ b'ɔ su srɛ nzue'n sa.

Jue Mun 17:15

N liɛ'n, m'an yo-man sa, ɔ man n nian wɔ-ɔ ɔ yo ye. Kɛ n lafi n tinnge'n b'ɔ n wun wɔ'n, n klun jɔ lele tra su.

Jue Mun 28:7

Ɔ man min wunmiɛn, yɛ ɔ sasa min. N fa min wun n wlɛ i sa nun, kpɛkuun i kusu uka min. Ɔ man min klun jɔ yɛ n to jue n fa mɛnmɛn i.

Jue Mun 65:4

E fɔnlɛ nga e fɔn'n, e suɛn i bo-ɔ ɔ yo-man ye, sanngɛ a ´yaci be cɛ ye.

Ezai 25:6

Anannganman b'ɔ sie mɛn wunmuan'n, ɔ man be ´tɔn aliɛ be ´man sran'm be kwlakwla Siɔn oka'n su. Be ´tɔn aliɛ fɛfɛ kpa, be ´sie su nzan fɛfɛ. Nnɛn bɔ lui o nun kpa'n yɛ be ´fa tɔn like sɔ nin-ɔn, nzan fɛfɛ b'ɔ ti weiin kpa'n yɛ be ´fa sie su-ɔ.

Ezai 30:19

Siɔnfuɛ mun, amun bɔ amun tran Zerizalɛm, amun su sun-man mlɔnmlɔn kun le. Sɛ amun kpan flɛ Anannganman'n, ɔ ´si amun aunnvuɛ. Sɛ ɔ ti amun ngan'n, ɔ ´ka lɛ tɛ amun su.

Ezai 66:10

Amun nga amun klo Zerizalɛm klɔ'n, sɛ ɔ ti sran'n, wuun n ´se kɛ sɛ i klun jɔ'n, amun kusu amun klun `jɔ wie, man amún wun kpaja amun i dunman nun ti. Amun bɔ amun ngbaliɛ'n nyannjili amún wun nyrɛnnɛn b'ɔ tɔli i su'n ti'n, siɛn'n bɔ i klun ɔ'a jɔ'n, amun kusu, man amun klun jɔ wie.

Zeremi 13:17

Sɛ amu'an tie-man ndɛ nga'n, sunlɛ yɛ n ´fia n sun-ɔn amún wun tulɛ dan bɔ an tu'n ti. Anannganman i bua'm be lomuɛn bɔ be ´tra be kɔ'n ti, mín nyinmuɛn'n wie to wie atin nun.

Zeremi 31:25

Afin be kwlaa nga b'a fɛ'n, n ´gua be anwlɛn su nzue. Be kwlaa nga be fɛfɛ'n, n ´fa like ng'ɔ fata'n m ´man be.»

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Zeremi 9:1

Sɛ n kwla nyan min lika wie aawlɛ flɛnnɛn nun lɔ kɛ lika nga lika kɔfuɛ'm be fia nun sa'n, wuun n ´yaci min nvle'n wa n ´kɔ mmua. Yɛlɛ kɛ sɛ e ´kwla se'n, be kunndɛ bian bé wun bo. Sɛ a lafi be su-ɔ, a lafi asiɛ wun.

Ezekiɛl 7:16

Be nga be ´ka lɛ bɔ be ´nyan bé ti'n, be ´ko tran oka'm be su kɛ auble mun bɔ be o kongo'm be nun'n sa. Be kwlaa be ´kplin, sran kun ´kplin i bɔbɔ i sa tɛ liɛ b'ɔ yoli'n ti.

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Matthieu 5:4

Be nga bé wla a bo'n, be liɛ su ti ye, afin Nyanmiɛn wa fɔnvɔ be !

Matthieu 5:6

Be nga be konvi sɔ Nyanmiɛn klun sa yolɛ'n kɛ awe nin nzue we kun sran sa'n, be liɛ su ti ye, afin be klun wa jɔ !

JÉSUS-CHRIST I DYASIN FE'N BO LUC KLELI'N 1:53

Be nga awe kun be'n, ɔ man be like kpakpa man be ku yi. Ɔ man anyanbeunfuɛ'm be fa bé sa ngbɛn kɔ.

JÉSUS-CHRIST I DYASIN FE'N BO LUC KLELI'N 6:20

Jésus niɛnnin i sɔnnzɔnfuɛ mun yɛ ɔ seli be kɛ: «Amun bɔ an ti yalɛfuɛ'n, amun liɛ su ti ye, afin Nyanmiɛn yɛ ɔ wa sie amun-ɔn!

JÉSUS-CHRIST I DYASIN FE'N BO LUC KLELI'N 6:22

Kɛ sran'm be ´kpɔ amun, bɔ be ´kan amun bo, bɔ be ´kpɛ amun nzowa, bɔ be ´saci amun dunman m bɔ n kacili Sran'n min ti'n, amun liɛ su ti ye !

JÉSUS-CHRIST I DYASIN FE'N BO LUC KLELI'N 6:25

Amun bɔ amun ku ɔ'a yi ndɛ'n, an yako, afin cɛn wie awe wa kun amun! Amun bɔ an su sri ndɛ'n, an yako, afin cɛn wie amun wa kaci sɛnvuɛ, yɛ amun ´sun!

Jean 11:35

Jésus sunnin.

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jean 6:35

Jésus seli be kɛ: «M bɔbɔ n ti kpaun b'ɔ man nguan. Sran ng'ɔ ba ń sin'n, awe su kun-mɛn i le, yɛ sran ng'ɔ lafi n su'n, nzue we su kun-mɛn i kun.

1 Korɛntfuɛ Mun 4:11

Lele ndɛ awe nin nzue we tɛ kun ye,

2 Korɛntfuɛ Mun 11:27

N dili junman kekleekle mun, n fɛli, n ta-man lafi, awe nin nzue we'n kunnin min, n ta-man like di, ayrɛ'n kunnin min, m miannin tralɛ wun.

2 Korɛntfuɛ Mun 12:10

I sɔ'n ti'n, sɛ n lɛ-man wunmiɛn o, sɛ be ´kpɛ min nzowa o, sɛ ń sa ´mian o, sɛ be ´kle n yalɛ o, sɛ n ´wun nyrɛnnɛn o, Krist ti n klun jɔ afin kɛ m bu i kɛ n lɛ-man wunmiɛn'n, i li bɔ yɛ n nyan wunmiɛn nin-ɔn.

2 Korɛntfuɛ Mun 6:10

Be bo é wla, sanngɛ e klun jɔ titi, be bu e yalɛfuɛ, sanngɛ e yo man sran kpanngban be nyan bé wun, yɛ be bu e kɛ e lɛ-man like fi, sanngɛ ninnge'n kwlaa ti sin yia ye.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .

Sa nglô yile 7:16

Awe su kun-man be kun, nzue we su kun-man be kun, wia'n su bo-man be kun, aunyɛyɛ su kun-man be kun .