JÉSUS-CHRIST I DYASIN FE'N BO LUC KLELI'N 5:8 - NYANMIƐN NDƐ'N 1998

⁸ Kɛ Simɔn Piɛr wunnin i sɔ'n, ɔ kotoli Jésus bo ɔ seli i kɛ: «Nannan, cuɛn ɔ wun kan, afin n ti sa tɛ yofuɛ.»

Nyanmien nde Ufle

⁸ Ke Simon Pierre wuin so'n, o kôtô Jésus bô o séé i ke: Nannan, katyi o wun kan, afin n ti sa te yôfue.

JÉSUS-CHRIST I DYASIN FE'N BO LUC KLELI'N 5:8 ပူးပေါင်းရင်းမြစ်များ

2 Samiɛl 6:9

David sroli Anannganman le kun sɔ'n nun. I waan: «?N fa Anannganman i alaka'n n kɔ min wun lɔ sɛ yɛ ɔ yo ye-ɔ?»

1 Famiɛn Mun 17:18

Bla'n seli Eli kɛ: «?Nyanmiɛn nuan ijɔfuɛ, n yoli wɔ sɛ? ?Yoo, ɔ waan a ´yo nan mín wla kpɛn mín sa tɛ nga n yoli'n su ti yɛ a bali min awlo wa-a?»

Zɔb I Nyrɛnnɛn Wunlɛ 40:4

«N ti-man like fi. ?N ´tɛ wɔ su n ´se sɛ? Mín nuan cɛ yɛ m ´muan-an .

Ezipt Lɔ Tulɛ'n 20:19

Be seli Moiz kɛ: «Ɔ bɔbɔ kan ndɛ'n kle ye. Nán Nyanmiɛn bɔbɔ kan ndɛ'n kle ye kun. Sɛ ɔ'a yo-man sɔ'n, e ´wu .»

Ezai 6:5

Yɛ n seli kɛ: «M'an wu o! M'an mlin o, afin n ti sran kun bɔ min nuan bui'm be ti fiɛn, yɛ nvle'n bɔ n tran nun'n, i nun sran'm bé nuan bui'm be ti fiɛn, yɛ min nyinma ɔ'a wun Famiɛn'n, m'an wun Anannganman b'ɔ sie mɛn wunmuan'n.»

Matthieu 17:6

Kɛ i sɔnnzɔnfuɛ'm be tili sran nɛn sɔ'n, srɛ dan kpa kunnin be nan b'a tɔ b'a utu bé nyin ase.

Matthieu 2:11

Be wluli sua lɔ, be wunnin bakan'n nin i nin Mari, be kotoli i bo, be mɛnmɛnnin i. Be nyannjili be trɔ mun, be cɛli i sika ɔkwlɛ, nin ansans, ɔ nin mir.

Matthieu 8:8

Sonja ya su kpɛn'n seli kɛ: «Nannan, ɔ ti-man bɔ a ´tu ɔ́ ja kɔ min awlo lɔ-ɔ, sanngɛ kan ndɛ kpɔlɛ kunngba cɛ, yɛ n gbanflɛn'n ´yo juejue.

JÉSUS-CHRIST I DYASIN FE'N BO LUC KLELI'N 5:7

Be fa bé sa flɛli be wiengu nga be o alie kun'n nun lɔ'n kɛ be wa uka be. Be bali, alie nnyɔn'n yili, ɔ man be wa de mlɔn.

JÉSUS-CHRIST I DYASIN FE'N BO LUC KLELI'N 5:9

Yɛlɛ kɛ Piɛr nin be nga be nin i o lɛ'n be kwlaa bé nuan boli bé wun kpatra bɔ be trɛli i'n ti.

Jean 11:32

Kɛ Mari juli kan Jésus o lɛ'n, yɛ kɛ ɔ wunnin i'n, ɔ kotoli i bo, yɛ ɔ seli i kɛ: «Nannan, sɛ ɔ ti kɛ a o wa sa'n, wuun n niaan'n ɔ'a wu-man.»

1 Korɛntfuɛ Mun 13:12

Blɛ nga e o nun yɛ'n, e wun sa'm be kɛ e nyrun bɔ e niɛn kpongbo nglannglan nun'n sa, sanngɛ kɛ cɛn sɔ'n ko ju'n, e ´wun be wlɛ weiin. Blɛ nga e o nun yɛ'n, n wun-man sa ngba wlɛ, sanngɛ kɛ cɛn sɔ'n ko ju'n, n ´wun i ngba wlɛ kpa kɛ Nyanmiɛn kusu si min kpa'n sa.

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.

Jɔlɛ Difuɛ Mun 13:22

Ɔ seli i yi'n kɛ: «Nyanmiɛn nga y'a wun i yɛ'n, e liɛ a wie.»

1 Samiɛl 6:20

Be waan: «Nga, sran fi jran Anannganman nyrun-ɔn, ɔ yo-man ye, afin ɔ ti Nyanmiɛn kun bɔ i nzuɛn nin klɔ sran liɛ'n ti-man kun. ?Yɛ wan yɛ e ´fa ko mɛn i nan ɔ'a jaso é wun wa-a?»