JÉSUS-CHRIST I DYASIN FE'N BO LUC KLELI'N 5:35 - NYANMIƐN NDƐ'N 1998

³⁵ Le kun be wa de yasua sɔ'n bé sa nun, blɛ sɔ'n nun yɛ be wa kpɛ srɛ nun-ɔn.»

Nyanmien nde Ufle

³⁵ Lé kun bé wa dé yasua so'n bé sa nun, ble so'n nun ye bé wa kpe sre nuon.

JÉSUS-CHRIST I DYASIN FE'N BO LUC KLELI'N 5:35 ပူးပေါင်းရင်းမြစ်များ

Ezai 22:12

I cɛn sɔ nun'n, Anannganman b'ɔ sie mɛn wunmuan'n, ɔ seli amun kɛ amun `sun yɛ amun `la kondo, i waan amun `kpu amún ti'n su yɛ amun `wla bajɛ tralɛ.

Daniɛl 9:26

Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Matthieu 9:15

Jésus seli be kɛ: «?Sɛ yasua kun su fa atɔnvlɛ'n b'ɔ nin i janvuɛ'm b'ɔ yiali be'n be tɛ o lɛ'n, bé wla bo? Le kun be wa de yasua sɔ'n bé sa nun, blɛ sɔ'n nun yɛ be ´kpɛ srɛ nun-ɔn.

Marc 2:20

Le kun be wa de yasua sɔ'n bé sa nun, blɛ sɔ'n nun yɛ be ´kpɛ srɛ nun-ɔn.

JÉSUS-CHRIST I DYASIN FE'N BO LUC KLELI'N 17:22

Yɛ ɔ seli i sɔnnzɔnfuɛ'm be kɛ: «Cɛn wie amún wla wa lo m bɔ n kacili Sran'n kɛ amun ´wun min cɛn ba kunngba cɛ, sanngɛ an su wun-man min.

JÉSUS-CHRIST I DYASIN FE'N BO LUC KLELI'N 5:34

Yɛ Jésus usali be kɛ: «?Yasua kun b'ɔ su fa atɔnvlɛ'n, kɛ ɔ nin i janvuɛ'm be tɛ o lɛ'n, an kwla mian be kɛ be kpɛ srɛ nun?

JÉSUS-CHRIST I DYASIN FE'N BO LUC KLELI'N 5:36

Yɛ ɔ buli be nyanndra kun kɛ: «Sran fi kpɛ-man tralɛ uflɛ i bue ta-man tralɛ nvuɛn nun, sɛ ɔ yo sɔ-ɔ, sin uflɛfuɛ'n ɔ ´cuɛn-cuɛn tralɛ nvuɛn'n ɔ ´titi, yɛ sin uflɛfuɛ'n ɔ nin nvuɛnfuɛ'n be sɛ-man.

Jean 12:8

Amun nin yalɛfuɛ mun yɛ amun ´ka wa titi-ɔ, sanngɛ n liɛ'n, min nin amun su tran-man wa titi .»

Jean 13:33

M mma mun, n tɛ o amún wun wa kan. Amun wa kunndɛ min. N seli Zuif'm be kɛ, « Lika nga n ´kɔ lɔ'n, be su kwla kɔ-man lɔ wie.» Ndɛ kunngba'n yɛ n ´kan kle amun yɛ.

Jean 16:28

N fin e Si'n wun lɔ yɛ m bali-ɔ. Siɛn'n, n su jao mɛn nga nun n ´kɔ i wun lɔ ekun.»

Sa nga bé yôli'n 1:9

Kɛ i nuan tɔli bɔ be niɛn i'n, Nyanmiɛn mɛnnin i su, yɛ Nyanmiɛn ble kun kɛtɛli i su be nyrun.

Sa nga bé yôli'n 14:23

Be siesieli kpɛnngbɛn mun be asɔnun'm be nun. Kɛ be kpɛli srɛ nun bɔ be seli Nyanmiɛn kɛ ɔ jran bé sin'n, be fa be wlali e Min'n bɔ be lafi i su'n, i sa nun.

Sa nga bé yôli'n 3:21

Kɛ e o yɛ liɛ'n, ɔ fata kɛ ɔ tran nyanmiɛn su lɔ lele san ɔ ´ju blɛ nga Nyanmiɛn ´yo ninnge'n kwlaa be uflɛ ekun'n. Ɔ man i nuan ijɔfuɛ'm be dun mmua kɛnnin i sɔ laa.

1 Korɛntfuɛ Mun 7:5

Sɛ ɔ ti-man kɛ amun nnyɔn'n amún bo a yo kun kɛ amun ´fa blɛ kaan kɛ amun nin Nyanmiɛn amun ´koko yalɛ'n, nán an kpɛ amun wun ainngba. Sɛ blɛ sɔ'n ko sin'n, an `kan bo nun, sɛ ɔ'a yo-man sɔ-ɔ, ɔ cɛ-man nan amun anwlɛn bɔ an kwla tra-man'n ti, Satan a nyan amun .

2 Korɛntfuɛ Mun 11:27

N dili junman kekleekle mun, n fɛli, n ta-man lafi, awe nin nzue we'n kunnin min, n ta-man like di, ayrɛ'n kunnin min, m miannin tralɛ wun.