JÉSUS-CHRIST I DYASIN FE'N BO LUC KLELI'N 5:32 - NYANMIƐN NDƐ'N 1998

³² M'an ba-man sran kpa'm be flɛlɛ, sa tɛtɛ yofuɛ mun yɛ m bali be flɛlɛ nan be kaci be nzuɛn nin-ɔn.»

Nyanmien nde Ufle

³² Man baman nanwlefue'm bé flele, sa tete yôfue mun ye m baa bé fleleo, nan bé katyi bé nzuen'n.

JÉSUS-CHRIST I DYASIN FE'N BO LUC KLELI'N 5:32 ပူးပေါင်းရင်းမြစ်များ

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Matthieu 18:10

«An `nian amún wun kpa, nán amun yo ba kanngan nga be o yɛ'n be nun kun finfin, afin n ´kan kle amun kɛ, be anz'm bɔ be o nyanmiɛn su lɔ'n bé nyin ta min Si b'ɔ o nyanmiɛn su lɔ'n i nyrun cɛn kwlaa. [

Matthieu 9:13

An `wɔ ko bu ndɛ ng'ɔ o yɛ'n i akunndan nan amun wun i wlɛ. Ndɛ sɔ'n yɛlɛ kɛ: ‹Afin n klo aunnvuɛ nga be si sran'n tra tɛ nga be yi be man min'n› afin m'an ba-man sran kpa'm be flɛlɛ, sanngɛ sa tɛtɛ yofuɛ mun yɛ m bali be flɛlɛ-ɔ .»

Marc 15:10

Afin ɔ si kɛ Nyanmiɛn nyrun jranfuɛ dandan'm bé nyin b'ɔ ci i'n ti yɛ be fɛ wlɛli i sa nun-ɔn.

Marc 15:7

Kɛ ɔ ´yo sɔ'n, wuun bian kun bɔ be flɛ i kɛ Barabas b'ɔ nin i wiengu nyin keklefuɛ mun be jaoli kpɛnngbɛn'm be wun bɔ be kunnin sran'n, ɔ o bisua'n nun.

Marc 2:17

Kɛ Jésus tili ndɛ nga be kan'n, ɔ seli be kɛ: «Nán sran ng'ɔ ti juejue'n yɛ ɔ kɔ ayrefuɛ sin-ɔn, tukpacɛfuɛ'n yɛ ɔ kɔ-ɔ. M'an ba-man sran kpa'm be flɛlɛ, sa tɛtɛ yofuɛ mun yɛ m bali be flɛlɛ-ɔ.»

JÉSUS-CHRIST I DYASIN FE'N BO LUC KLELI'N 15:10

Ɔ man n ´se amun kɛ sa tɛ yofuɛ kun b'ɔ kaci i nzuɛn'n ti, Nyanmiɛn i anz'm be klun jɔ.»

JÉSUS-CHRIST I DYASIN FE'N BO LUC KLELI'N 15:7

Ɔ man n ´se amun kɛ, sɛ sa tɛ yofuɛ kun kusu kaci i nzuɛn'n, be klun ng'ɔ jɔ nyanmiɛn su lɔ sa tɛ yofuɛ sɔ'n ti'n, i dan tra be klun ng'ɔ jɔ sran nanwlɛfuɛ ablangwlan-nin-ngwlan bɔ be klo-man kɛ be kaci be nzuɛn'n be ti'n.»

JÉSUS-CHRIST I DYASIN FE'N BO LUC KLELI'N 19:10

afin m bɔ n kacili Sran'n m bali be bɔ be mlinnin'n be kunndɛlɛ ɔ nin be delɛ.»

JÉSUS-CHRIST I DYASIN FE'N BO LUC KLELI'N 24:47

Yɛ i dunman nun be ´kan kle nvle-nvle be nunfuɛ'm be kwlaa kɛ be kaci be nzuɛn'n nan Nyanmiɛn yaci sa nga be yoli i'n cɛ be. Be ´bo i kanlɛ'n bo Zerizalɛm wa.

JÉSUS-CHRIST I DYASIN FE'N BO LUC KLELI'N 5:31

Jésus sɔli su, ɔ seli be kɛ: «Sran ng'ɔ ti juejue'n ɔ kɔ-man ayrefuɛ sin, san tukpacɛfuɛ yɛ ɔ kɔ-ɔ.

JÉSUS-CHRIST I DYASIN FE'N BO LUC KLELI'N 5:33

Be seli i kɛ: «Zan sɔnnzɔnfuɛ'm be nin Farizifuɛ'm be liɛ'n be ta srɛ nun kpɛ, be nin Nyanmiɛn koko yalɛ, sanngɛ ɔ liɛ'm be nɔn nzan be di like.»

Sa nga bé yôli'n 17:30

I nun bɔ sran'm be wun-man sa wlɛ'n, sa nga be yoli'n, Nyanmiɛn a fa sie-mɛn i klun, sanngɛ siɛn'n, ɔ kan kleli be kwlaa kɛ be kaci be nzuɛn'n.

Sa nga bé yôli'n 2:38

Yɛ Piɛr seli be kɛ: «An `kaci amun nzuɛn'n man be yo amun kwlakwlakwla amun batɛm Jésus-Krist dunman nun nan Nyanmiɛn `yaci sa nga an yoli i'n cɛ amun yɛ ɔ `fɛ i Wawɛ'n man amun.

Sa nga bé yôli'n 20:21

N kan kleli Zuif mun nin Grɛk'm be kɛ be yaci nyin kekle yolɛ'n Nyanmiɛn su nan bé nyin yi i yɛ be lafi e Min Jésus su.

Sa nga bé yôli'n 3:19

Ɔ man an `kaci amun nzuɛn'n, yɛ an `sa amun sin Nyanmiɛn wun man ɔ yaci sa nga an yoli i'n cɛ amun mlɔnmlɔnmlɔn'n, nan blɛ ng'ɔ ´ba lɔ'n, e Min Nyanmiɛn'n ɔ man amún wla gua ase,

Sa nga bé yôli'n 3:26

Kɛ Nyanmiɛn fɛ i sran sieli i sɔ'n, amún sin yɛ ɔ sunmɛnnin i klikli-ɔ. I waan ɔ ´yo amun ye nan amun kwlakwlakwla an `yaci amun nzuɛn tɛtɛ'n.»

Sa nga bé yôli'n 5:31

Nyanmiɛn fɛ i sieli i fama su kɛ ɔ yo ye Atin Klefuɛ nin e Defuɛ kɛ ɔ yo nan Izraɛlfuɛ'm b'a kwla kaci be nzuɛn'n nan Nyanmiɛn ɔ'a yaci sa nga be yoli i'n ɔ'a cɛ be'n ti.

2 Piɛr 3:9

Like nga e Min'n se kɛ ɔ ´yo, ɔ cuɛn-cuɛn-mɛn i ase kɛ sran'm be bu i'n sa. Sanngɛ ɔ trɛ i anwlɛn amun wun, ɔ klo-man kɛ sran kun sa mlin, ɔ klo kɛ sran'm be kwlaa be kaci be nzuɛn'n.