JÉSUS-CHRIST I DYASIN FE'N BO LUC KLELI'N 5:20 - NYANMIƐN NDƐ'N 1998

²⁰ Kɛ Jésus wunnin kɛ be lafi i su'n, ɔ seli bian sɔ'n kɛ: «Sa nga a yoli Nyanmiɛn'n, b'a yaci a cɛ wɔ.»

Nyanmien nde Ufle

²⁰ Ke Jésus wuun ke bé lafi i su'n, o sé bian so'n ke, sa nga a yôô Nyanmien'n, ba yatyi a tye o.

JÉSUS-CHRIST I DYASIN FE'N BO LUC KLELI'N 5:20 ပူးပေါင်းရင်းမြစ်များ

Bo Bolɛ 22:12

Yɛ anz'n seli kɛ: «Nán ɔ́ sa'n kan ba'n, nán yo i sa fi, afin m'an wun kɛ ɔ́ nyin yi min sakpa. Kɛ n seli wɔ kɛ a fa ɔ́ wa ba kunngba cenje'n man min'n, w'a kaci-man ɔ́ nuan.»

Ezai 38:17

Siɛn'n, min awlaboɛ'n ɔ'a kaci aunjuɛ a man min, afin a klo min dan, a yoli man wie'n ɔ'a to a fuan min. W'a to mín sa tɛ'm be kwlaa a gua be blo ɔ́ sin lɔ.

Matthieu 9:2

Be sua bubuwafuɛ kun tɛ nun blɛli i. Kɛ Jésus wunnin kɛ be lafi i su'n, ɔ seli bubuwafuɛ'n kɛ: «N wa, gua ɔ́ wla ase, sa nga a yoli Nyanmiɛn'n ɔ'a yaci a cɛ wɔ.»

Matthieu 9:5

?Kɛ be se kɛ, Nyanmiɛn a yaci sa nga a yoli i'n ɔ'a cɛ wɔ'n, annzɛ, jao nanti kɔ'n, i nnyɔn'n, onin yɛ i kanlɛ ti pɔpɔ tra kun-ɔn?

Marc 2:5

Kɛ Jésus wunnin kɛ be lafi Nyanmiɛn su'n, ɔ seli bubuwafuɛ'n kɛ: «Min wa, sa nga a yoli Nyanmiɛn'n, b'a yaci a cɛ wɔ.»

JÉSUS-CHRIST I DYASIN FE'N BO LUC KLELI'N 7:48

Yɛ ɔ seli bla'n kɛ: «Nyanmiɛn ɔ'a yaci ɔ wun sa'n ɔ'a cɛ wɔ.»

Jean 2:25

ɔ man ɔ'a klo-man kɛ be kan sran wun ndɛ be kle i. Afin i bɔbɔ si sran klun lɔ akunndan'n ngba .

Jean 5:14

I sin Jésus ko wunnin bian'n Nyanmiɛn i sua'n nun lɔ, yɛ ɔ seli i kɛ: «Nian, w'a yo juejue siɛn'n, nán yo sa tɛ kun man like nga i tɛ tra nga'n ɔ yo wɔ.»

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 14:9

ɔ tili Pɔl ndɛ b'ɔ kan'n. Kɛ Pɔl niɛnnin i siin b'ɔ wunnin kɛ ɔ lafi su kɛ Nyanmiɛn kwla yo i juejue,

2 Korɛntfuɛ Mun 2:10

Sran nga an yaci i wun sa cɛ i'n, n kusu n ´yaci cɛ i wie, afin sɛ n yacili sran wie wun sa cɛli i'n, amun ti yɛ n yaci cɛli i-ɔ, ɔ yoli Krist nyrun.

Kolɔsfuɛ Mun 3:13

Sa nga amun wiengu yo bɔ an wun i'n, man ɔ sɔn amun nun, sɛ sran kun yo i wiengu sa'n, man ɔ yaci cɛ i. Krist yacili sa nga an yoli i'n cɛli amun, ɔ man amun kusu, sa nga be yo amun'n, an `yaci cɛ.

Jacques 2:18

Wienun-ɔn sran wie wa se n kɛ: «Ɔ liɛ'n, a lafi Nyanmiɛn su, yɛ n kusu'n, n yo sa kpakpa.» Yɛ n kusu n ´se i kɛ: «Man n nian ɔ Nyanmiɛn su bɔ a lafi bɔ a yo-man sa kpa'n, yɛ n kusu'n, sa kpakpa nga n yo be'n, m ma fa kle wɔ kɛ n lafi Nyanmiɛn su.»