JÉSUS-CHRIST I DYASIN FE'N BO LUC KLELI'N 4:6 - NYANMIƐN NDƐ'N 1998

⁶ ɔ seli i kɛ: «N ´fa mɛn nga i kwlaa man wɔ kɛ a sie be, yɛ n ´fa anyrunnyan ninnge'n kwlaa man wɔ, afin be fa mannin min, yɛ n kusu n ´fa man sran nga n klo kɛ n ´fa mɛn i'n.

Nyanmien nde Ufle

⁶ o sé i ke: Nh fah men'n kwlaa nga man o ke a sié bé, ye nh fah anyrunnyan ninngé'n kwlaa man o, afin bé fa maan min, ye n kusu n fa man swran nga n klô ke nh fah men'n.

JÉSUS-CHRIST I DYASIN FE'N BO LUC KLELI'N 4:6 ပူးပေါင်းရင်းမြစ်များ

Ɛstɛr 5:11

Aman dili i nuan kleli be. I anyanbeun sroesroe'n nin i wa yasua kpanngban'm be ndɛ yɛ ɔ kan kleli be-ɔ, yɛ i sa su nga famiɛn'n mɛnnin i'n b'ɔ man i dan tra mɛn'n su kpɛnngbɛn mun nin sonja kpɛnngbɛn'm be kwlaa'n be ndɛ yɛ ɔ kan kleli be ekun-ɔn!

Ezai 23:9

Anannganman b'ɔ sie mɛn wunmuan'n i yɛ man sa sɔ'n ɔ juli-ɔ kɛ ɔ ´yo nan be kwlaa nga be tu bé wun'n, bé wun tulɛ'n ɔ'a wie'n ti, kɛ ɔ ´yo nan ɔ'a kan be nga sran'm be bu be sran asiɛ su'n be ase'n ti.

Ezai 5:14

I sɔ'n ti, wie'n ɔ'a trɛ i nuan'n nun, ɔ'a trɛ nun dan kpa. Zerizalɛmfuɛ mun, be kpakpa mun o, be kun nga mun o, ɔ nin trulɛ nga be ´tru be ´di cɛn'n lɛ'n, be ´ko tɔ wie'n i nuan sɔ'n nun.

JÉSUS-CHRIST I DYASIN FE'N BO LUC KLELI'N 4:7

I sɔ'n ti'n, sɛ a koto m bo'n, i kwlaa'n ´kaci ɔ liɛ.»

Jean 12:31

Siɛn'n, ɔ'a ju mɛn nga nunfuɛ'm be jɔlɛ difuɛ'n i ja su fa kɔlɛ, siɛn'n, be wa kan sran ng'ɔ sie mɛn nga'n i bo.

Jean 14:30

Min nin amun e su ijɔ-man kpanngban kun, afin sran ng'ɔ sie mɛn nga'n, ɔ su ba. Ɔ kwla yo-man n like fi mlɔnmlɔn,

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

2 Korɛntfuɛ Mun 11:14

Ɔ ti-man abonuan, afin Satan bɔbɔ kaci i wun kɛ anz b'ɔ kpaja'n sa.

Efɛzfuɛ Mun 2:2

yɛ amun nzuɛn'n fa be nga be o yɛ'n be liɛ'n. Amún nyin yili nglo lɔ mmusu'm bé si'n, i yɛ ndɛkɛn ɔ wlawla sran nga bé nyin yi-man Nyanmiɛn nin-ɔn.

1 Piɛr 1:24

Afin be klɛli i Nyanmiɛn Ndɛ'n nun kɛ: «Sran'm be kwlaa be ti kɛ ijre sa, yɛ be nyrun nga be lɛ i'n ti kɛ ijre'n i nyrɛ'n sa. Ijre'n wu, yɛ i nyrɛ'n gua.

1 Jean 5:19

E si kɛ e ti Nyanmiɛn liɛ yɛ Klunwifuɛ'n sie mɛn wunmuan'n.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 13:2

Nnɛn sɔ'n bɔ n wunnin i'n, ɔ fa kangale, i ja'n fa nnɛn nga be flɛ i urs'n i liɛ'n, i nuan'n fa asɔmɔli'm be liɛ'n. Dragɔn'n tinnin i, ɔ fɛli i bia'n nin i kwlalɛ dan'n mɛnnin i.

Sa nglô yile 13:7

Be mɛnnin i atin kɛ ɔ nin Nyanmiɛn i sran mun be kun, ɔ kwlali be. Be mɛnnin i atin kɛ ɔ sie nvle-nvle'n kwlaa, nin sran wafa-wafa'n kwlaa, nin be bɔ be aniɛn'n ti fanunfanun'n, ɔ nin be nga be fin mɛnmɛn'm be kwlaa be nun'n .