JÉSUS-CHRIST I DYASIN FE'N BO LUC KLELI'N 4:32 - NYANMIƐN NDƐ'N 1998

³² I like b'ɔ kle be'n bo bé nuan, yɛlɛ kɛ i ndɛ b'ɔ kan'n, ɔ kle be kɛ ɔ lɛ sin jranfuɛ.

Nyanmien nde Ufle

³² I liké b'o klé bé'n bô bé nuan, yele ke i nde b'o kan'n, o klé bé ke o le sin dyranfue.

JÉSUS-CHRIST I DYASIN FE'N BO LUC KLELI'N 4:32 ပူးပေါင်းရင်းမြစ်များ

Marc 1:22

I like'n i klelɛ'n ɔ ti-man kɛ mmla klefuɛ'm be liɛ'n sa.

JÉSUS-CHRIST I DYASIN FE'N BO LUC KLELI'N 2:47

Be kwlaa nga be tili i ndɛ'n, i ngwlɛlɛ'n nin sa b'ɔ tɛ be su'n, ɔ boli bé nuan.

JÉSUS-CHRIST I DYASIN FE'N BO LUC KLELI'N 4:33

Kɛ ɔ ´yo sɔ'n, wuun bian kun bɔ asiɛ usu b'ɔ saci sran'n ɔ'a saci i'n ɔ o Nyanmiɛn ndɛ suanlɛ nin i srɛlɛ sua'n nun lɛ, ɔ kpannin kekle kpa ɔ seli kɛ:

JÉSUS-CHRIST I DYASIN FE'N BO LUC KLELI'N 4:36

Be kwlaa bé nuan boli be wun, be usa be wiengu kɛ: «Nguɛ sa yɛlɛ nga? Ɔ kwla asiɛ usu bɔ be saci sran'n, be sro i, ɔ man kɛ ɔ se be kɛ be jao sran'm be su'n, be jao!»

Jean 6:63

Nyanmiɛn Wawɛ'n yɛ ɔ man nguan nin-ɔn, be wunnɛn'n kwla yo-man like fi. Ndɛ nga n kan kleli amun'n be ti Nyanmiɛn Wawɛ'n liɛ, be man nguan.

Jean 7:46

Yɛ sonja'm be seli kɛ: «Sran fi nian kan-man ndɛ kɛ bian nga sa le.»

2 Korɛntfuɛ Mun 4:2

E wla like nga be yo nyannzuɛn ti be fiafia su'm be ase, e yo-man like gblɛgblɛ nun, yɛ e sanngan-man Nyanmiɛn ndɛ'n, sanngɛ kɛ e kan ndɛ weinwein Nyanmiɛn nyrun'n, ɔ man sran'm be kwlaa be wun e wafa nga e ti'n.

1 Tɛsalonikfuɛ Mun 1:5

Afin kɛ e kan jasin fɛ'n i ndɛ kleli amun'n, y'a kɛn-mɛn i é nuan nun ngbɛn, Nyanmiɛn Wawɛ'n yɛ ɔ tinnin ye-ɔ, ɔ man ye wun i wlɛ kpa kɛ ndɛ nga e kan'n ti nanwlɛ, yɛ Nyanmiɛn Wawɛ di junman amun afiɛn. Kɛ e o amun wun lɔ'n an si e wun wafa nga e yoli'n, amun ti yɛ e yoli e wun sɔ-ɔ.

Tite 2:15

Se be kɛ be yo sa sɔ mun, tu be fɔ, sran ng'ɔ yo sa'n, ijɔ i, man be si kɛ Nyanmiɛn yɛ ɔ sieli wɔ kɛ a di junman sɔ nin-ɔn. Nán fa ɔ wun man sran fi man ɔ yo ɔ finfin.