JÉSUS-CHRIST I DYASIN FE'N BO LUC KLELI'N 4:22 - NYANMIƐN NDƐ'N 1998

²² Be kwlaa be seli kɛ i wun yo be fɛ, ndɛ fɛ b'ɔ kan'n ɔ bo bé nuan, yɛ be seli kɛ: «?Nán Zozɛf wa nin-ɔn?»

Nyanmien nde Ufle

²² Bé kwlaa bé sé ke i wun yô bé fe, nde fe b'o kan'n o bô bé nuan, ye bé sé ke: ?Nanh Joseph wa nion?

JÉSUS-CHRIST I DYASIN FE'N BO LUC KLELI'N 4:22 ပူးပေါင်းရင်းမြစ်များ

Jue Mun 45:2

Ndɛ fɛfɛ kpa'n be kpɛn mín klun kɛ n `kpɛ jue nga m man famiɛn'n. N klo kɛ n ´kɛn i fɛfɛ kpa nan ɔ yo klanman kɛ be bɔ be si fluwa klɛ kpa'n be liɛ'n sa.

Jue Mun 45:4

Safunyrɛn, fa ɔ tokofi'n san ɔ nvɛn wun. Ɔ tokofi sɔ'n ti yɛ man be wun kɛ a lɛ nyrun nan a ti gbanflɛn nin-ɔn.

Nyanndra Mun 10:32

Sran kpa'n ɔ si ndɛ fɛfɛ kan, klunwifuɛ'm be liɛ'n, ndɛ tɛtɛ'n yɛ ɔ o bé nuan-an.

Nyanndra Mun 16:21

Sran ng'ɔ si akunndan'n, be flɛ i ngwlɛlɛfuɛ. Sran ng'ɔ kan ndɛ amanniɛn su'n ɔ kan ndɛ-ɔ be fa.

Nyanndra Mun 25:11

Ndɛ nga be kan b'ɔ kpɛn su sɛsɛ'n, ɔ yo nyɛnmɛn kɛ b'a fa sika ɔkwlɛ nin jɛtɛ ufue b'a di ajuin wie sa.

Akunndanfuɛ'n 10:12

Akunndanfuɛ'n i nuan nun ndɛ'n yo man sran'm bé nyin yi i. Sanngɛ sinnglinfuɛ'n i nuan ndɛ'n mlin i bɔbɔ.

Ngɔjue Fɛfɛ Kpa'n 5:16

I nuan bui'n ti sa lɛkɛlɛkɛlɛkɛ. Nanwlɛ ɔ ti sran klanman sakpa o! Zerizalɛm talua mun, min adeba'n i wafa b'ɔ ti'n yɛ ɔ o lɛ-ɔ. Kɛ n janvuɛ'n fa ti'n yɛ ɔ o lɛ-ɔ .

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

JÉSUS-CHRIST I DYASIN FE'N BO LUC KLELI'N 2:47

Be kwlaa nga be tili i ndɛ'n, i ngwlɛlɛ'n nin sa b'ɔ tɛ be su'n, ɔ boli bé nuan.

JÉSUS-CHRIST I DYASIN FE'N BO LUC KLELI'N 2:48

Kɛ i si nin i nin be wunnin i'n, bé nuan boli bé wun, yɛ i nin seli i kɛ: «?N wa, nguɛ ti yɛ a yo e sɔ-ɔ? Min nin ɔ́ si y'a kunndɛ ɔ lele, é nyin a blo dan kpa.»

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

JÉSUS-CHRIST I DYASIN FE'N BO LUC KLELI'N 4:21

Yɛ ɔ seli be kɛ: «Nyanmiɛn ndɛ nga be klɛli'n, i nun ndɛ nga an tili be yɛ'n, ndɛkɛn b'a kpɛn su.»

Jean 1:45

Filip ko toli Natanaɛl, yɛ ɔ seli i kɛ: «Y'a wun sran nga e kɛnngɛn i ndɛ Moiz mmla fluwa'n nin Nyanmiɛn nuan ijɔfuɛ'm be liɛ'n nun'n, yɛlɛ Zozɛf i wa Jésus b'ɔ fin Nazarɛt.»

Jean 6:42

Be seli kɛ: «Nán Jésus bɔ e si i si Zozɛf nin i nin nin-ɔn? ?Ɔ yo sɛ yɛ i waan ɔ fin nyanmiɛn su yɛ ɔ bali-ɔ?»

Jean 7:46

Yɛ sonja'm be seli kɛ: «Sran fi nian kan-man ndɛ kɛ bian nga sa le.»

Sa nga bé yôli'n 6:10

sanngɛ be kwla kpalo-mɛn i ndɛ'n, afin Nyanmiɛn Wawɛ'n yɛ ɔ mɛn i ngwlɛlɛ b'ɔ fa ijɔ nin-ɔn.

Tite 2:8

Kan ndɛ ng'ɔ ti kpa'n nan sran fi a se-man kɛ ndɛ nga a kan'n ti tɛ, nan ɔ kpɔfuɛ'm bé nyin gua ase, afin be su wun-man é wun ndɛ fi kan-man.