JÉSUS-CHRIST I DYASIN FE'N BO LUC KLELI'N 4:2 - NYANMIƐN NDƐ'N 1998

² lɔ yɛ mmusu'm bé si Satan ko lɛkɛlɛkɛli i cɛn ba ablanan nin-ɔn, ɔ'a di-man like. Kɛ ɔ dili cɛn ba ablanan sɔ'n, awe kunnin i .

Nyanmien nde Ufle

² lo ye mmusu'm bé si Satan kô lekelekelii tyen ba ablanan nion, wa di'a liké. Ke o dii tyen ba ablanan so'n, awé kunniin.

JÉSUS-CHRIST I DYASIN FE'N BO LUC KLELI'N 4:2 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

1 Famiɛn Mun 19:8

Yɛ ɔ jasoli, ɔ dili like, ɔ nɔnnin nzue-ɔ. Ɔ man ɔ fali fanngan. Ɔ nantili cɛn ba ablanan, kɔnguɛ nin wia'n nun. Ɔ juli Orɛb, Nyanmiɛn i oka'n su lɔ.

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Ezipt Lɔ Tulɛ'n 24:18

Moiz wluli sin wɛnsrɛn'n nun, nan ɔ'a fu oka'n su lɔ. Moiz dili oka'n su lɔ kɔnguɛ ablanan nin wia su ablanan.

Ezipt Lɔ Tulɛ'n 34:28

Moiz nin Anannganman be kali lɛ lele cɛn ba ablanan nin kɔnguɛ ablanan, i nuan sa ɔ'a kan-man like fi, yɛ ɔ'a nɔn-man nzue kusu. Anannganman klɛli aenguɛ nga ɔ nin Izraɛlfuɛ mun trali'n i nun ndɛ mun. Be ti mmla blu. Ɔ klɛli be yɛbuɛ paplaapla'm bé su.

Zonas 3:7

I sin ɔ fali akunndan kun, ɔ man be boli i jɔ be sinnin. Akunndan sɔ'n yɛlɛ nga: Famiɛn'n nin be bɔ be mɛntɛn i'n be wan yoo: «Le nnyɔn nga nun'n i sran o, i nnɛn o, nán be wie fi di like, nán be wie fi nɔn nzue.

Matthieu 21:18

Kɛ aliɛ cɛnnin'n nglɛmun bɔ Jésus ´sɛ i sin Zerizalɛm'n, awe kunnin i.

Matthieu 4:2

Ɔ kpɛli srɛ nun kɔnguɛ nin wia'n nun cɛn ba ablanan, i sin awe kunnin i .

JÉSUS-CHRIST I DYASIN FE'N BO LUC KLELI'N 4:3

Yɛ mmusu'm bé si Satan seli i kɛ: «Sɛ ɔ waan a ti Nyanmiɛn Wa sakpa'n, se yɛbuɛ nga man ɔ kaci aliɛ.»

Jean 4:6

Zakɔb i nzue gbo kun o lɛ. Kɛ Jésus nantili b'ɔ fɛli'n, ɔ trannin ase nzue gbo sɔ'n su lɛ. Kɛ ɔ ´yo sɔ'n, wuun wia'n ɔ'a jran.

Mmla'n 9:18

Kpɛkuun n tɔli nan m'an utu mín nyin ase Anannganman nyrun kɔnguɛ nin wia nun cɛn ba ablanan ekun, m'an di-man like, m'an nɔn-man nzue, afin amun klɔklɔli Anannganman, ɔ man ɔ fali ya amun sa tɛ bɔ amun yoli'n ti.

Mmla'n 9:25

Kɛ Anannganman kannin amun nunnunlɛ ndɛ bɔ n tili'n, n tɔli i nyrun lɛ n utuli mín nyin ase. N kali lɛ kɔnguɛ nin wia nun cɛn ba ablanan.

Mmla'n 9:9

N fuli oka'n su lɔ yɛbuɛ paplaapla nnyɔn'm be falɛ. Aenguɛ nga Anannganman nin amun trali'n, i nun ndɛ'm be klɛ guali yɛbuɛ sɔ'm be su. N trannin lɔ kɔnguɛ nin wia nun cɛn ba ablanan, m'an di-man like, m'an nɔn-man nzue.

Hébreu 2:18

Afin kɛ ɔ wunnin nyrɛnnɛn lakalɛ bɔ be lɛkɛli i'n ti'n, i kusu kwla uka be nga be laka be'n.

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.

1 Samiɛl 17:16

Filisti bian'n yi i wun nglo kle Izraɛlfuɛ mun nglɛmun nin nnɔsua sɔ lele cɛn ba kunngun ablanan.