JÉSUS-CHRIST I DYASIN FE'N BO LUC KLELI'N 4:18 - NYANMIƐN NDƐ'N 1998

¹⁸ «E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,

Nyanmien nde Ufle

¹⁸ «É Min Nyanmien i Wawe'n su n su, Yele ke o guaa n su ngô (*f21*), nan m bô dyasin fe'n klé yalefue mun. O sunmaan n ke n kan klé bé bo bé traa bé lômuen'n, bé ke bé nyan bé ti, Ye n kan klé anyansifue'm bé ke bé wun asé. Ye n yô man mianfue'm bé nyan aladyé.

JÉSUS-CHRIST I DYASIN FE'N BO LUC KLELI'N 4:18 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

2 Be Nyoliɛ 34:27

Kɛ a tili klɔ nga nin i nun sran'm bé wun ndɛ bɔ n kannin'n, ɔ wluli ɔ́ wun. Ɔ man a kannin ɔ wun ase min bo, a titili ɔ́ wun tralɛ'm be nun, yɛ a sunnin. I sɔ'n ti, m'an ti ndɛ nga a kannin'n. Min Anannganman yɛ n kan sɔ-ɔ.

Jue Mun 102:20

Afin kɛ Anannganman wo i tranwlɛ'n nun lɔ'n, ɔ kpɛ i nyin ase nian. Kɛ ɔ o nyanmiɛn su lɔ'n, ɔ nian asiɛ wun wa.

Jue Mun 147:3

Sran nga be anwlɛn'n ɔ'a kpɔtɔ be klun'n, i yɛ ɔ ti be fɔnvɔfuɛ-ɔ. Sɛ like yo be'n, ɔ nian be lika .

Jue Mun 2:2

Asiɛ'n su wa famiɛn'm b'a jaso. Bé bo ɔ'a yo kun Anannganman nin i sran ng'ɔ sieli i famiɛn'n bé wun.

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Jue Mun 34:18

Kɛ Anannganman i sufuɛ nanwlɛfuɛ'm be flɛ i'n, ɔ sie i su tie. Yɛ ɔ man nyrɛnnɛn ng'ɔ o be su'n i kwlaa wie.

Jue Mun 45:7

Ee Nyanmiɛn, ɔ famiɛn bia'n wo lɛ tititi. Sielɛ nga a sie sran mun'n, a sie be kpa.

Jue Mun 51:17

Min Min, uke mín nuan'n man m manman wɔ.

Ezai 32:3

Be nga be nyinma'n gua su'n, ɔ su si-man. Be nga bé su'n ti tikewa'n, be ´sie be su.

Ezai 35:5

I blɛ sɔ nun'n, anyansifuɛ'm be ´wun ase, sutrefuɛ'm be ´ti sa.

Ezai 42:7

N yi wɔ kɛ a tike anyansifuɛ'm be nyinma, n yi wɔ kɛ a yi bisuafuɛ'm be bisua'n nun fite, n yi wɔ kɛ a yi be nga be o aosin tuun nun mun fite .

Ezai 45:13

Kɛ bɔ n yo sa i nuan su'n ti, n ko fali Siris m bali. I nyrun atin nga b'a saci'n, n ´yo be kpa. Ɔ wa kplan min klɔ'n i uflɛ, yɛ min sran nga be trali be ɔli mɛn wie nun'n, ɔ ´yaci be nun be ´sa bé sin bé mɛn'n nun. Ɔ su de-man dein, ɔ su usa-man kɛ be mɛn i adi.» Anannganman b'ɔ sie mɛn wunmuan'n yɛ ɔ kan sɔ-ɔ.

Ezai 49:9

N ´se bisuafuɛ'm be kɛ: ‹Amun `fite!› Yɛ n ´se be nga be o lika tuun nun'n be kɛ: ‹Amun `fite bla weiin nun wa!› Be ´yo kɛ nnɛn bɔ be didi atin nuan bɔ be nyan ijre kpɔlɛ'm be kwlaa su be di'n sa.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Daniɛl 9:24

Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.

Sofoni 3:12

Amun nvle'n nun sran nga n ´yaci be lɛ'n, yɛlɛ wɛtɛɛfuɛ mun nin yalɛfuɛ mun. Be liɛ'n be ´lafi min su, be ´fia min sin.

Zakari 11:11

Kpɛkuun aenguɛ'n ka lɛ wieli. Kpɛkuun be nga be fia be yo bua'm be atɛ'n bɔ bé nyin wo min su'n, be wunnin kɛ kannzu ndɛ nga n kannin'n, Anannganman'n yɛ ɔ fa wlali mín nuan yɛ n kannin-ɔn.

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Matthieu 12:18

«Amun nian, n sran bɔ n fɛli i kɛ ɔ su min'n yɛ. Ɔ ti min anwlɛn su sran, i su yɛ m'an fa ń wla'n kwlaa m'an gua-a. N ´yo man n Wawɛ'n ´bɛ i wun, yɛ ɔ ´bo jɔlɛ dilɛ'n su kle nvle-nvle mun.

Matthieu 12:20

Ndɛma nga ɔ'a bli'n, ɔ su bu-mɛn i, yɛ kannin b'ɔ fite wɛnsrɛn'n, ɔ su nuɛn-mɛn i lele san ɔ yo man nanwlɛ'n ɔ ´kwla.

Matthieu 4:16

Be nun sran nga be tran aosin nun'n, be wunnin kɛ lika'n kpaja dan kpa, yɛ be nga be tran wie'n i mɛn tuun'n nun'n, lika'n kpajali be su.»

Matthieu 5:3

«Be nga be si kɛ be di Nyanmiɛn ninnge'm be yalɛ'n, be liɛ su ti ye, afin Nyanmiɛn yɛ ɔ sie be sakpa-a!

JÉSUS-CHRIST I DYASIN FE'N BO LUC KLELI'N 4:17

yɛ be fa Nyanmiɛn nuan ijɔfuɛ Ezai i fluwa'n wlɛli i sa nun-ɔn, ɔ tikeli su, ɔ wunnin lika nga Ezai klɛli i kɛ:

JÉSUS-CHRIST I DYASIN FE'N BO LUC KLELI'N 6:20

Jésus niɛnnin i sɔnnzɔnfuɛ mun yɛ ɔ seli be kɛ: «Amun bɔ an ti yalɛfuɛ'n, amun liɛ su ti ye, afin Nyanmiɛn yɛ ɔ wa sie amun-ɔn!

JÉSUS-CHRIST I DYASIN FE'N BO LUC KLELI'N 7:22

Yɛ ɔ seli be kɛ: «An `ko kan like nga an wunnin i'n nin ndɛ nga an tili'n kle Zan. An se i kɛ anyansifuɛ'm be wun ase, cɛcɛwafuɛ'm be nanti, kokowefuɛ'm bé wun sa, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Jean 1:41

Ɔ ko toli i niaan bian Simɔn, yɛ ɔ seli i kɛ: «Y'a wun Mɛsi'n bɔ i bo yɛlɛ Krist'n.»

Jean 12:46

Min yɛ m bali mɛn'n nun kɛ n ´kpaja lika nun nan sran kwlaa ng'ɔ lafi n su'n ɔ'a tran-man aosin nun.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Sa nga bé yôli'n 4:26

Asiɛ'n su famiɛn'm be jaoli, yɛ kpɛnngbɛn'm be yiali, bé bo yoli kun e Min Nyanmiɛn'n nin i Krist'n bé wun.›

Sa nga bé yôli'n 4:27

Nanwlɛ, klɔ nga su wa'n, Erɔd nin Pɔns Pilat, ɔ nin be bɔ be ti-man Zuif'n be nin Izraɛlfuɛ'm bé bo yoli kun ɔ sran Jésus bɔ a guɛli i su ngo kɛ ɔ yo famiɛn'n i wun ,

Kolɔsfuɛ Mun 1:13

Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .