JÉSUS-CHRIST I DYASIN FE'N BO LUC KLELI'N 4:1 - NYANMIƐN NDƐ'N 1998

¹ Kɛ Jésus fin Zurdɛn'n nun lɔ ɔ ´ba bɔ Nyanmiɛn Wawɛ'n sieli i'n, Wawɛ sɔ'n fɛ ɔli aawlɛ flɛnnɛn nun lɔ,

Nyanmien nde Ufle

¹ Ke Jésus fin Jourdain'n nun lo oh bah bo Nyanmien Wawe'n siéé'n, Wawe so'n fe oo blô lo,

JÉSUS-CHRIST I DYASIN FE'N BO LUC KLELI'N 4:1 ပူးပေါင်းရင်းမြစ်များ

1 Famiɛn Mun 18:12

Kɛ n ´fin ɔ́ wun wa bɔ n ´kɔ cɛ'n, wienun-ɔn, Anannganman i Wawɛ'n ɔ wa man ɔ́ su kɔ lika wie bɔ n si-mɛn'n, kusu wuun m'an dun mmua se min min'n kɛ wɔ yɛ a ba lɛ-ɔ. Ɔ man be wa kunndɛ wɔ lele ngbɛn. Yɛ ɔ man be ´kun min. Kɛ ɔ fin n bakan nun lele'n, min nyin yi Anannganman'n.

1 Famiɛn Mun 19:4

I bɔbɔ ɔli aawlɛ flɛnnɛn'n nun lɔ, ɔ nantili cɛn kun. Yɛ ɔ ko trannin waka bɔ be flɛ i genɛ'n i kun bo-ɔ. Siɛn'n, like ng'ɔ kunndɛ'n yɛlɛ wie'n. I waan: «Anannganman, ɔ'a yo kpa sɔ. Fa min nguan'n. N ti-man kpa n tra-man mín si mun.»

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Ezekiɛl 3:14

Wawɛ ng'ɔ mannin min su nglo'n fali min ɔli. Kɛ n ´kɔ'n, min akunndan sanngannin, mín wla ti-man ase guawa, afin Anannganman'n i fanngan ng'ɔ o mín su'n ti dan yɛ n kwla suɛn-mɛn i bo.

Matthieu 3:16

Kɛ ɔ yoli Jésus batɛm b'ɔ fin nzue'n nun fiteli cɛ'n, kpɛkuun nyanmiɛn su lɔ'n i su tikeli muaan, Jésus wunnin Nyanmiɛn Wawɛ'n, ɔ jra ba kɛ auble sa, ɔ wa trɛnnin i su.

JÉSUS-CHRIST I DYASIN FE'N BO LUC KLELI'N 2:27

Nyanmiɛn Wawɛ'n fɛ ɔli Nyanmiɛn i sua'n nun. Kɛ Jésus i si nin i nin be fɛ i ɔli Nyanmiɛn i sua'n nun kɛ be ´yo nga be klɛli i mmla'n nun kɛ be yo'n,

JÉSUS-CHRIST I DYASIN FE'N BO LUC KLELI'N 3:3

Nan ɔ'a ɔ nzue'n bɔ be flɛ i Zurdɛn'n i nuan lɔ klɔ'n kwlaa su. Ɔ ko kan kleli lɔfuɛ mun kɛ be kaci be nzuɛn'n man be yo be batɛm, nan Nyanmiɛn yaci bé wun sa'n cɛ be.

JÉSUS-CHRIST I DYASIN FE'N BO LUC KLELI'N 3:38

Kainam ti Enɔs wa, Enɔs ti Sɛt wa, Sɛt ti Adam wa, Adam kusu ti Nyanmiɛn wa.

JÉSUS-CHRIST I DYASIN FE'N BO LUC KLELI'N 4:14

Kɛ Nyanmiɛn Wawɛ'n tinnin Jésus'n, ɔ ɔli Galile mɛn'n nun ekun. I dunman'n fu lele juli klɔklɔ nga be mantan lɛ'm bé su.

JÉSUS-CHRIST I DYASIN FE'N BO LUC KLELI'N 4:18

«E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,

Jean 1:32

Zan kɛnnin i ndɛ ekun kɛ: «N wunnin Nyanmiɛn Wawɛ'n, ɔ fin nyanmiɛn su lɔ kɛ auble sa, ɔ wa trɛnnin i su.»

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Sa nga bé yôli'n 1:2

lele fa juli cɛn nga Nyanmiɛn mɛnnin i su fa ɔli Nyanmiɛn su lɔ'n. Jésus yoli man Nyanmiɛn Wawɛ'n dun mmua kleli be b'ɔ fali be b'ɔ sunmannin be'n, like ng'ɔ fata kɛ be yo'n, i sin nan ɔ'a wɔ.

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Sa nga bé yôli'n 8:39

Kɛ be fin nzue'n nun fiteli'n, e Min Nyanmiɛn i Wawɛ'n man Filip su ɔli, bian'n ɔ'a wun-mɛn i kun. Kɛ bian ´kɔ'n, i klun ti jɔwa kpa.