JÉSUS-CHRIST I DYASIN FE'N BO LUC KLELI'N 3:5 - NYANMIƐN NDƐ'N 1998

⁵ Be ´tannintannin kongo'n kwlaa. Be ´tutu oka nin kpɔlɛ'm be ngba. Yɛ be ´tinngɛ-tinngɛ atin bɔ be ti klɛklɛ'n. Atin nga b'a saci'n, be ´yo be kpa.

Nyanmien nde Ufle

⁵ Béh tannintanninh kôngô'n kwlaa, Béh tutuh ôka nin kpole'm bé ngba. Ye béh tinngetinngeh atin b'o ti klekle'n, Atin nga ba satyi'n, béh yôh bé kpa.

JÉSUS-CHRIST I DYASIN FE'N BO LUC KLELI'N 3:5 ပူးပေါင်းရင်းမြစ်များ

Ezai 40:4

Man be tannintannin kongo'n kwlaa! Man be tutu oka nin kpɔlɛ'm be ngba! Man be trutru lika kolokolo'm be nun nan be ´yo kpɛkplɛkpɛ. Man be trɛ lika fii'm be nun nan be ´yo gbaun.

Ezai 42:16

N ´fa anyansifuɛ mun n sin atin nin atin mma kanngan nga be si-man be laa'n be nun. N ´kaci aosin ng'ɔ o be nyrun'n kɛ like b'ɔ kpaja'n sa. Yɛ lika nga be ti kolokolo'n, be ´kaci lika kpɛkplɛkpɛ. Sa nga n ´yo be'n be yɛ be o lɛ-ɔ. Yɛ n su kpɔci-man be.

Ezai 45:2

«N wa dun mmua ɔ nyrun, n ´yo atin nga b'a saci'n be kpa, n ´saci aaba anuan mun, m ´bubu anuan'm be nun gboklo'm be nun.

Ezai 49:11

Lika nga be ti oka-oka'n, n ´trutru be nun be ´kaci atin, n ´yo atin'm be uflɛ.

Ezekiɛl 17:24

Yɛ sɛ n ´kwla se'n, blo lɔ waka'm be kwlaa be wa si jrɛiin kɛ min Anannganman m'an kan waka ng'ɔ nyinnin fleiin'n i ase nan m'an man waka ng'ɔ kan ase'n i su, yɛ be ´si ekun kɛ n yoli man waka mɔnnɛn'n wuli kee yɛ waka kee'n fɛfɛli ekun, min Anannganman Nyanmiɛn'n yɛ n kan sɔ-ɔ. N ´yo i su sa.»

Jacques 1:9

Aniaan ng'ɔ ti yalɛfuɛ'n, man ɔ fa nyrun bɔ Nyanmiɛn man ɔ'a nyɛn i'n di i nuan.