JÉSUS-CHRIST I DYASIN FE'N BO LUC KLELI'N 3:11 - NYANMIƐN NDƐ'N 1998

¹¹ Ɔ seli be kɛ: «Man sran ng'ɔ lɛ tralɛ nnyɔn'n, ɔ man sran ng'ɔ lɛ-man wie'n i kun, yɛ sran ng'ɔ lɛ like diwa'n, man ɔ ´man sran ng'ɔ lɛ-man wie'n i wie.»

Nyanmien nde Ufle

¹¹ O sé bé ke: Man swran ng'o le trale nnyon'n, o man swran ng'o le'a wié'n, i kun, ye swran ng'o le liké diwa'n, o yô i so kusu.

JÉSUS-CHRIST I DYASIN FE'N BO LUC KLELI'N 3:11 ပူးပေါင်းရင်းမြစ်များ

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

JÉSUS-CHRIST I DYASIN FE'N BO LUC KLELI'N 11:41

Sɛ an fa amun klowa mun nin amun talie mun be nun ninnge cɛ yalɛfuɛ amun klun-ufue su'n, ɔ ti kpa, yɛ like fi su yo-man fiɛn amun nyrun kun.

JÉSUS-CHRIST I DYASIN FE'N BO LUC KLELI'N 18:22

Kɛ Jésus tili i ndɛ sɔ'n, ɔ seli i kɛ: «Ɔ tɛ ka ɔ like kun yolɛ, yo ɔ́ bo ninnge'n kwlaa atɛ nan fɛ i sika'n man yalɛfuɛ mun, yɛ a wa nyan ninnge kpakpa nyanmiɛn su lɔ. Kɛ a ko yo i sɔ'n, bla wa su n su.»

JÉSUS-CHRIST I DYASIN FE'N BO LUC KLELI'N 19:8

Sanngɛ Zase jao jrannin e Min'n i nyrun lɛ, ɔ seli i kɛ: «Nannan, nian, n ´fa min ninnge'n i bue man yalɛfuɛ mun, yɛ sran nga n dili i ndrunmun'n, n ´yi i sika'n i wunsu kpɛ nnan mɛn i .»

Jean 13:29

Kɛ bɔ Zidas yɛ ɔ sie be bɔlɛ'n ti, be wie'm be bu i kɛ ɔ seli i kɛ ɔ ko to like nga be ´fa di cɛn'n annzɛ ɔ `cɛ yalɛfuɛ'm be like wie.

Sa nga bé yôli'n 10:2

Ɔ nin i awlofuɛ'm be ngba be sro Nyanmiɛn. Ɔ yo yalɛfuɛ'm be ye kpa, ɔ koko yalɛ kle Nyanmiɛn tititi.

Sa nga bé yôli'n 10:31

Ɔ seli n kɛ: ‹Kɔrnɛyi, ɔ like bɔ a srɛ Nyanmiɛn'n, ɔ tili, yɛ ye bɔ a yo yalɛfuɛ mun'n, i wla o su.

Sa nga bé yôli'n 10:4

Yɛ Kɔrnɛyi niɛnnin i siin, srɛ kunnin i, ɔ usɛli i kɛ: «?Nannan, nguɛ-ɔ?» Yɛ anz'n seli i kɛ: «Ɔ like bɔ a srɛ Nyanmiɛn'n , ɔ ti, yɛ ye bɔ a yo yalɛfuɛ mun'n, ɔ wun i, i sɔ'n ti i wla o wɔ su.»

Efɛzfuɛ Mun 4:28

Sran ng'ɔ wua'n, man ɔ yaci, ɔ di junman nan ɔ nyɛn i nuan nun aliɛ nan ɔ nyan wie ti sran wie'm bé wun nyanman nun.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

1 Timote 6:18

Se be kɛ be yo sa ng'ɔ ti kpa'n, yɛ be yo sran ye, i sɔ'n yɛ ɔ ti anyanbeun kpa nin-ɔn. Man be yo aklunye, yɛ be cɛ sran like.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.

Jacques 2:14

?N niaan mun, sɛ sran kun se kɛ ɔ lafi Nyanmiɛn su bɔ sanngɛ be wun-mɛn i sɔ i nzuɛn'n nun'n, nzu ye yɛ ɔ yo mɛn i-ɔ? ?I Nyanmiɛn sulafilɛ sɔ'n kwla de i?

1 Jean 3:17

?Sɛ sran kun ti anyanbeunfuɛ b'ɔ wun i niaan wie bɔ i sa a mian'n, b'ɔ ti-mɛn i wun nyanman nun'n, nzu yɛ ɔ kle kɛ ɔ klo Nyanmiɛn nin-ɔn?

1 Jean 4:20

Sɛ sran kun se kɛ ɔ klo Nyanmiɛn sanngɛ ɔ kpɔ i niaan'n, wuun ato yɛ ɔ bua-a. ?Afin sɛ ɔ klo-mɛn i niaan'n b'ɔ wun i'n, ɔ ´yo sɛ yɛ ɔ kwla klo Nyanmiɛn b'ɔ wun-mɛn nin-ɔn?