JÉSUS-CHRIST I DYASIN FE'N BO LUC KLELI'N 24:44 - NYANMIƐN NDƐ'N 1998

⁴⁴ I sin ɔ seli be kɛ: «Ndɛ nga yɛ kɛ min nin amun tɛ o lɛ'n n kan kleli amun nin-ɔn, n kɛnnin i kɛ mín wun ndɛ nga be klɛli i Moiz mmla nun'n, nin Nyanmiɛn nuan ijɔfuɛ'm be ndɛ'n nun'n, ɔ nin Nyanmiɛn Jue fluwa be nun'n, san i kwlaa'n ´kpɛn su.»

Nyanmien nde Ufle

⁴⁴ I sin o sé bé ke: Nde nga ye ke min nin amun te ô le'n n kan kléé amun nion, ke min wun nde kwlaa nga bé klee Moïse mmla'n nun'n, o nin Nyanmien nuan idyofue'm bé nde'n nun'n, nin psaume'm bé nun'n san oh kpenh su.

JÉSUS-CHRIST I DYASIN FE'N BO LUC KLELI'N 24:44 ပူးပေါင်းရင်းမြစ်များ

Bo Bolɛ 14:18

Mɛlkizedɛk b'ɔ ti Salɛm famiɛn'n, bɔ i kunngba'n ti Nyanmiɛn b'ɔ o like'n kwlaa ti su'n i nyrun jranfuɛ'n, ɔ blɛli i kpaun nin nzan,

Bo Bolɛ 22:18

Mín nuan ndɛ bɔ a fali'n ti, n ´sin wɔ anunman'm be nun n ´yo asiɛ'n su nvle-nvle'm be kwlaa be ye .»

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

Jue Mun 118:22

Yɛbuɛ nga sua kplanfuɛ'm be yili i blo'n, i yɛ ɔ'a kaci yɛbuɛ kpa b'ɔ tra sua'n i cɔnjɔ'n i ase-ɔ .

Ezai 28:16

I sɔ'n ti, ndɛ nga Anannganman Nyanmiɛn kan'n yɛ. I waan: «Min, n fali yɛbuɛ kun b'ɔ ti sua'n i bo ase wlalɛ liɛ'n n fa n sieli Siɔn lɔ. Ɔ ti yɛbuɛ kekleke kpa, i yɛ ɔ tra sua'n i cɔnjɔ'n i ase-ɔ, i gua'n ti-man blɛblɛ, ɔ ti takawa kpa. Sran ng'ɔ kisa su'n, ɔ ´yo cinnjinnjin sɔ wie .

Ezai 52:13

Anannganman waan: «Amun `nian, min sufuɛ'n i sa nun ninnge'm be ´yo ye. Ɔ ´yo dan, i dunman'n ´fu, ɔ ´nyan nyrun kpa.

Ezai 7:14

I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 23:5

Anannganman wan yoo: «Cɛn wie lele David i anunman kpa nanwlɛ su kun wa jaso i osu. Ɔ ´yo famiɛn kpa kɛ ɔ fata'n sa. Ɔ ´nian mmla'n su ɔ ´di jɔlɛ nanwlɛ mɛn'n nun.

Zeremi 33:14

«Anannganman waan: ‹Cɛn wie lele Izraɛl osu'n nin Zida osu'm bé wun ndɛ fɛ nga n kannin'n, n ´yiɛ i nuan.

Ezekiɛl 17:22

Anannganman Nyanmiɛn'n wan yoo: «N ´fa sɛdri tɛnndɛn kun i sama nɔnman kun i ti su lɔ. N ´kpɛ i sɛdri sama'm be ti nun lɔ, m bɔbɔ n ´kplɛn i oka tɛnndɛn kun su .

Ezekiɛl 34:23

N wa sie bé su bua sunianfuɛ kun, b'ɔ si min bua'm be su nian. Sran sɔ'n yɛlɛ min sufuɛ David. I liɛ'n, ɔ si min nnɛn'm bé su nian, i liɛ'n, ɔ ti bua tafuɛ kpa .

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Ndɛ Nga Nyanmiɛn I Nuan Ijɔfuɛ Oze Kannin'n 3:5

Kɛ ɔ ´cɛ kɔ'n, Izraɛlfuɛ'm be wa sa bé sin be ´kunndɛ Anannganman b'ɔ ti be Nyanmiɛn'n. Be wa sa bé sin be ´kunndɛ David i osu nunfuɛ b'ɔ ti be famiɛn'n. Be nga be ´wunnge Anannganman aklunyefuɛ sɔ'n i wun'n, bé wun ´usu be yɛ be ´ba-a.

Amɔs 9:11

Anannganman'n waan: «David i famiɛn klɔ'n bɔ ɔ'a bubu'n, cɛn kun n ´siesie i ye. N ´tannin tannin i toklo mun, i lika nga be bu guali'n, m ´man be su n ´sie be osu, n ´kplɛn i uflɛ, kɛ laa'n sa.

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Zakari 14:4

I sɔ blɛ nun'n, ɔ ´jran Olivie Oka b'ɔ o Zerizalɛm wun lɛ wia afiliɛ lika liɛ'n nun lɔ'n su. Kpɛkuun Olivie Oka'n ´kpaci i afiɛn. Be wun kongo kun ɔ ´fɛ i wia afiliɛ lɔ lika'n nun ɔ ´to i ti wia atɔliɛ lɔ lika'n nun. Oka'n i bue kun ´kɔ nglo lɔ lika'n nun, i bue kun ´kɔ ngua lɔ lika'n nun .

Zakari 6:12

Nan se i kɛ Anannganman b'ɔ sie mɛn wunmuan'n waan: ‹Sran kun wo wa be flɛ i anyɛn. Ɔ ´fifi kan ɔ tran lɛ'n. I yɛ ɔ wa kplan mín sua nin-ɔn.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Kalɛ 21:8

Anannganman tɛli i su kɛ: «Fa aaba yo wuo kun nan fa sie i waka kun su. Sran kwlaa nga wuo kɛ i nan ɔ nian aaba wuo sɔ'n, ɔ ´nyan nguan.»

Kalɛ 35:25

Man be fa sran ng'ɔ kunnin sran'n be ko fia klɔ nga ɔ ko fiali su lɔ'n su kɛ ɔ ´yo nan klunngbɔ tufuɛ'n ɔ'a kun-mɛn i'n ti. Sran ng'ɔ kunnin sran'n, ɔ ´ka fiawlɛ klɔ'n su lɔ lele san min nyrun jranfuɛ'm be su kpɛn'n bɔ be fali ngo ng'ɔ ti min liɛ klonglo'n be guɛli i ti su'n ɔ'a wu.

Matthieu 1:22

I kwlaa sɔ'n yoli sɔ nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su, ɔ seli kɛ:

Matthieu 16:21

Kɛ ɔ fin cɛn sɔ'n nun'n, Jésus boli i sɔnnzɔnfuɛ'm be kan klelɛ bo kɛ, san ɔ ´kɔ Zerizalɛm ɔ ´wun nyrɛnnɛn dan kpɛnngbɛn mun, nin Nyanmiɛn nyrun jranfuɛ dandan mun, ɔ nin mmla klefuɛ'm bé sa nun nan be ´kun i, yɛ i le nsan su, ɔ ´cɛn.

Matthieu 26:54

?Sɛ ɔ'a yo-man sɔ'n, ɔ ´yo sɛ nan ndɛ nga be klɛli i kɛ be ´yo kɛ nga sa'n, ɔ'a kpɛn su?»

Matthieu 26:56

Sanngɛ be yoli i kwlaa sɔ'n nan ndɛ nga Nyanmiɛn nuan ijɔfuɛ'm be klɛli'n ɔ ´kpɛn su.» Yɛ i sɔnnzɔnfuɛ'm be kwlaa be yacili i lɛ be wanndili-ɔ.

Marc 9:31

afin kɛ ɔ ´kle i sɔnnzɔnfuɛ'm be like'n, ɔ seli be kɛ: «Be wa fa m bɔ n kacili Sran'n man sran mun, be ´kun min, kɛ n wu b'ɔ di le nsan'n, n ´cɛn.»

JÉSUS-CHRIST I DYASIN FE'N BO LUC KLELI'N 21:22

Kɛ ɔ ´yo nan ndɛ nga be klɛli'n i kwlaa ɔ'a kpɛn su'n, blɛ sɔ'n nun'n, Nyanmiɛn wa tu sran'm be fɔ dan kpa .

JÉSUS-CHRIST I DYASIN FE'N BO LUC KLELI'N 22:37

Afin nanwlɛ, mín wun ndɛ nga be klɛli i kɛ: ‹Be kɛ i wlali sa tɛ yofuɛ'm be nun'n,› san ɔ ´kpɛn su. Yɛ mín wun ndɛ'n i kwlaa su wa wie su kpɛn .»

JÉSUS-CHRIST I DYASIN FE'N BO LUC KLELI'N 24:46

Nan ɔ'a se be kɛ: «Ndɛ sɔ'n be klɛli i kɛ: Krist ´wun nyrɛnnɛn yɛ i le nsan su ɔ ´cɛn .

JÉSUS-CHRIST I DYASIN FE'N BO LUC KLELI'N 9:22

Yɛ ɔ seli be ekun kɛ: «Kannzɛ ɔ yo sɛ, san m bɔ n kacili Sran'n n ´wun nyrɛnnɛn dan, kpɛnngbɛn mun nin Nyanmiɛn nyrun jranfuɛ dandan mun nin mmla klefuɛ'm be su sɔ-man min nun, be ´kun min, yɛ i le nsan su n ´cɛn.»

JÉSUS-CHRIST I DYASIN FE'N BO LUC KLELI'N 9:44

«Amun liɛ'n, ndɛ nga m ma kɛn i yɛ'n, an `fa sie amun klun kpa. Be wa fa m bɔ n kacili Sran'n man sran mun.»

Jean 3:14

Kɛ Moiz sieli wuo kun nglo aawlɛ flɛnnɛn nun lɔ'n , i kunngba'n, san be ´man m bɔ n kacili Sran'n n su sɔ

Jean 5:39

An suan Nyanmiɛn Ndɛ nga be klɛli'n, afin an bu kɛ i nun yɛ amun ´nyan Anannganman nguan nin-ɔn, yɛ ndɛ sɔ'm be kan min ndɛ.

Jean 5:46

Sɛ an lafi Moiz su sakpa'n, wuun amun ´lafi n su wie, afin min ndɛ yɛ ɔ klɛli-ɔ.

Sa nga bé yôli'n 13:40

I sɔ'n ti an `sasa amún wun, nán man sa nga be klɛli i ndɛ Nyanmiɛn nuan ijɔfuɛ'm be fluwa'n nun ɔ tɔ amun su. Be klɛli i kɛ:

Sa nga bé yôli'n 2:27

Afin a su yaci-man min blɔlɔ lɔ, yɛ a su yaci-man min bɔ n ti ɔ sran'n kɛ n kplɔ.

Sa nga bé yôli'n 3:18

Sanngɛ Nyanmiɛn yoli i sɔ nan ndɛ ng'ɔ man i nuan ijɔfuɛ'm be kwlaa be dun mmua kɛnnin i laa kɛ i Krist'n ɔ wa wun nyrɛnnɛn'n, ɔ `kpɛn su.

Sa nga bé yôli'n 7:37

Moiz sɔ'n yɛ ɔ kan ndɛ kleli Izraɛlfuɛ mun nin-ɔn. I waan: ‹Nyanmiɛn wa fa amun niaan'm be nun kun sie i i nuan ijɔfuɛ kɛ ɔ fa min sieli'n sa ´man amun.›

Hébreu 10:1

Afin mmla'n ti kɛ like kpakpa nga be ´ba'n be wawɛ sa, ɔ kle-man be wafa kpa'n. I sɔ'n ti yɛ kɛ be fa su bɔ be sɔ Nyanmiɛn i wafa kunngba afuɛ nuan kwlaa'n, ɔ kwla yo-man man be nga be fa bé wun mantan Nyanmiɛn sɔ'n be yo-man sran kpa mlɔnmlɔn nin-ɔn.

Hébreu 3:5

Moiz yoli junman difuɛ kpa Nyanmiɛn awlo wunmuan'n nun. Ɔ kannin ndɛ nga cɛn wie lele Nyanmiɛn wa kan'n i ndɛ .

Hébreu 7:1

Mɛlkizedɛk sɔ'n ti Salɛm famiɛn nin Nyanmiɛn bɔ like fi nun-mɛn i sin'n i nyrun jranfuɛ. Kɛ Abraam nin famiɛn mun be ko kunnin b'ɔ kwlali be b'ɔ ´ba'n, Mɛlkizedɛk kpɛli i atin, yɛ ɔ yrɛli i nguan.

Hébreu 9:8

Nyanmiɛn Wawɛ'n fɛ i sɔ sa'n kle e kɛ kɛ tannin sua klikli liɛ'n tɛ o lɛ'n, wuun atin ng'ɔ kɔ Nyanmiɛn lika kpa'n nun lɔ'n nian bo-man.

1 Piɛr 1:11

Krist Wawɛ'n wo Nyanmiɛn nuan ijɔfuɛ sɔ'm bé su. Krist i nyrɛnnɛn wafa ng'ɔ wa wun i'n, ɔ nin i manmanlɛ nga kɛ ɔ ko wun nyrɛnnɛn'n be ´fa mɛnmɛn i'n, ɔ kan i ndɛ kleli be. Be miannin bé nyin kɛ be ´si sa sɔ'n i blɛ'n ɔ nin i wafa ng'ɔ ´yo su'n.

Sa nglô yile 19:10

Yɛ n utuli mín nyin ase i bo lɛ kɛ m ´mɛnmɛn i, sanngɛ ɔ seli min kɛ: «Nán yo sɔ! Wɔ nin ɔ niaan nga be fa ndɛ nanwlɛ nga Jésus yili nglo'n i su'n, n ti amun wiengu junman difuɛ. Koto Nyanmiɛn bo mɛnmɛn i! Ndɛ nanwlɛ nga Jésus yili i nglo'n yɛ man Nyanmiɛn nuan ijɔfuɛ'm be kɛn i bɔbɔ Nyanmiɛn i nuan ndɛ nin-ɔn.»