JÉSUS-CHRIST I DYASIN FE'N BO LUC KLELI'N 24:39 - NYANMIƐN NDƐ'N 1998

³⁹ An `nian min sa'n nin min ja'n, min-ɔn, an `fa amún sa fuafua mín wun nian, wunmiɛn'm be lɛ-man wunnɛn nin owie kɛ nga n lɛ i yɛ'n sa.»

Nyanmien nde Ufle

³⁹ Anh nian n sa'n nin n dya'n, mion, anh fa amun sa fuafua min wun nian, wunmien'm bé le'a wunnen nin ôwié ke nga n le ye'n sa.

JÉSUS-CHRIST I DYASIN FE'N BO LUC KLELI'N 24:39 ပူးပေါင်းရင်းမြစ်များ

Jean 20:27

Yɛ ɔ seli Tomas kɛ: «Fa ɔ sama'n bla, nian mín sa'n, fa ɔ sa'n bla wa ekun fa wla n nvɛn nun kpɛngbɛ liɛ'n i osu'n nun, nán yo sran b'ɔ lafi-man sa su, sanngɛ lafi su!»

1 Jean 1:1

Nguan Ndɛ b'ɔ o lɛ anannganman'n i ndɛ yɛ e ´klɛ blɛ amun yɛ nin-ɔn. E tili, e bɔbɔ e wunnin i nin e nyinma, e niɛnnin i, e kɛnnin i.

Jean 20:20

Kɛ ɔ kannin sɔ'n, ɔ fɛli i sa'n nin i nvɛn nun'n kleli be. Kɛ e Min'n i sɔnnzɔnfuɛ'm be wunnin i'n, be klun jɔli.

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

1 Tɛsalonikfuɛ Mun 5:23

Man Nyanmiɛn b'ɔ man sran di alaje'n ɔ yo man an kaci i liɛ mlɔnmlɔn, man ɔ nian amun wunmuan'n su, amun klun akunndan'n, nin amun wawɛ'n, nin amun wunnɛn'n, nan cɛn nga e Min Jésus-Krist ´ba'n b'a kputu-man amun!

Kalɛ 16:22

Moiz nin Aarɔn be tɔli asiɛ wun, bé utuli be nyin ase, yɛ be sun flɛli Anannganman kɛ: «?Ee Nyanmiɛn, wɔ bɔ a mannin ninnge nga a yili be'm be nguan'n, sran kunngba b'ɔ yoli sa tɛ'n, i ti a ´fa ya sran'm be kwlakwla bé wun?»

Hébreu 12:9

E si'm be tu e fɔ, yɛ e bu be sran. Sɛ ɔ ti sɔ'n, man e bu e Si nga e wawɛ'n wo i sa nun'n i sran tra be nan y'a nyan nguan.

Jean 20:25

I sɔ'n ti'n, be nga'm be seli i kɛ: «Y'a wun e Min'n.» Sanngɛ ɔ seli be kɛ: «Sɛ m'an wun-mɛn i sa klun kpɛngbɛ osu'n, sɛ m'an fa-man n sama a wla-man kpɛngbɛ'n i osu sɔ nun'n, yɛ sɛ m'an fa-man n sa a wlɛ-mɛn i nvɛn nun liɛ'n i osu nun'n, n fɛ-mɛn i mlɔnmlɔn.»

Sa nga bé yôli'n 1:3

Kɛ ɔ wunnin nyrɛnnɛn b'ɔ wuli'n, ɔ fɛ i wun kleli be weiin sɔ le ablanan, yɛ ɔ kannin Nyanmiɛn sielɛ'n i ndɛ kleli be.

JÉSUS-CHRIST I DYASIN FE'N BO LUC KLELI'N 23:46

Jésus kpannin kekle kpa ɔ seli kɛ: «N Si, wa fa min o !» Kɛ i nuan tɔli cɛ'n yɛ ɔ kali nun-ɔn.

JÉSUS-CHRIST I DYASIN FE'N BO LUC KLELI'N 24:38

Yɛ ɔ usali be kɛ: «?Nguɛ ti yɛ amun akunndan sanngan sɔ bɔ an bu akunndan kɛ nga sa-a?

JÉSUS-CHRIST I DYASIN FE'N BO LUC KLELI'N 24:40

Kɛ ɔ seli be sɔ'n, ɔ fɛli i sa'n nin i ja'n kleli be.