JÉSUS-CHRIST I DYASIN FE'N BO LUC KLELI'N 24:26 - NYANMIƐN NDƐ'N 1998

²⁶ ?B'a se-man kɛ Krist ´wun nyrɛnnɛn nan ɔ'a trɛn i bia'n su?»

Nyanmien nde Ufle

²⁶ ?Ba sé'a ke Christ wunh nyrennen nan wa tren i bia'n su?

JÉSUS-CHRIST I DYASIN FE'N BO LUC KLELI'N 24:26 ပူးပေါင်းရင်းမြစ်များ

Bo Bolɛ 22:6

Yɛ Abraam ´fa yie'n tɛkɛ i wa Izaak ti su-ɔ, yɛ i bɔbɔ ´fa sin'n nin laliɛ nin-ɔn, yɛ be sran nnyɔn'n be ´nanti be ´kɔ-ɔ.

Daniɛl 9:26

Sɛ blɛ ablesiɛn-nin-nnyɔn sɔ'n wie'n, be wa kun sran bɔ be guɛli i ti su ngo'n, sran fi su kpli-mɛn i ti. I sin, kpɛnngbɛn kun wa ba, ɔ nin i sonja'm be wa saci klɔ'n nin Nyanmiɛn i lika'n. Ɔ nin i sɔ'n ngba, kpɛnngbɛn sɔ'n, awieliɛ'n ɔ wa wie i Nyanmiɛn i ya'n i bo. Sanngɛ lele b'ɔ ´fa ju i wie cɛn'n, ɔ wa kun alɛ, ɔ ´saci like kpa liɛ su, kɛ be sieli i sɔ-ɔ .

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

JÉSUS-CHRIST I DYASIN FE'N BO LUC KLELI'N 24:44

I sin ɔ seli be kɛ: «Ndɛ nga yɛ kɛ min nin amun tɛ o lɛ'n n kan kleli amun nin-ɔn, n kɛnnin i kɛ mín wun ndɛ nga be klɛli i Moiz mmla nun'n, nin Nyanmiɛn nuan ijɔfuɛ'm be ndɛ'n nun'n, ɔ nin Nyanmiɛn Jue fluwa be nun'n, san i kwlaa'n ´kpɛn su.»

JÉSUS-CHRIST I DYASIN FE'N BO LUC KLELI'N 24:46

Nan ɔ'a se be kɛ: «Ndɛ sɔ'n be klɛli i kɛ: Krist ´wun nyrɛnnɛn yɛ i le nsan su ɔ ´cɛn .

JÉSUS-CHRIST I DYASIN FE'N BO LUC KLELI'N 24:7

Ɔ seli kɛ: ‹Kannzɛ ɔ yo sɛ, san be ´fa min bɔ n kacili Sran'n man sa tɛ yofuɛ mun, be ´bobo min waka'n su, yɛ i le nsan su n ´cɛn .› »

Jean 2:22

Ɔ man kɛ ɔ cɛnnin'n, i sɔnnzɔnfuɛ'm bé wla kpɛnnin su kɛ ɔ seli be sɔ, ɔ man be lafili Nyanmiɛn Ndɛ nga be klɛli'n nin ndɛ ng'ɔ kan kleli be'n su .

Jean 20:9

Afin be nian wun-man Nyanmiɛn Ndɛ nga be klɛli i kɛ san Jésus ´cɛn'n i wlɛ .

Sa nga bé yôli'n 17:3

ɔ tuli ndɛ sɔ'n i bo kleli be weiin, ɔ seli be kɛ Krist i nyrɛnnɛn wunlɛ'n nin i cɛnlɛ'n ɔ ti su. Yɛ ɔ seli be kɛ: «Jésus bɔ n kɛn i ndɛ kle amun'n, i yɛ ɔ ti Krist nin-ɔn.»

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

1 Piɛr 1:11

Krist Wawɛ'n wo Nyanmiɛn nuan ijɔfuɛ sɔ'm bé su. Krist i nyrɛnnɛn wafa ng'ɔ wa wun i'n, ɔ nin i manmanlɛ nga kɛ ɔ ko wun nyrɛnnɛn'n be ´fa mɛnmɛn i'n, ɔ kan i ndɛ kleli be. Be miannin bé nyin kɛ be ´si sa sɔ'n i blɛ'n ɔ nin i wafa ng'ɔ ´yo su'n.

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.