JÉSUS-CHRIST I DYASIN FE'N BO LUC KLELI'N 23:41 - NYANMIƐN NDƐ'N 1998

⁴¹ E liɛ'n ti i nuan su, afin sa nga e yoli'n, i nuan sa yɛ y'a nyɛn i-ɔ, sanngɛ bian nga liɛ'n ɔ'a yo-man sa fi.»

Nyanmien nde Ufle

⁴¹ É lie'n ti i nuan su, afin sa nga é yôli'n, i nuan sa ye ya nyen io, sannge bian nga lie'n wa yô'a sa fi.

JÉSUS-CHRIST I DYASIN FE'N BO LUC KLELI'N 23:41 ပူးပေါင်းရင်းမြစ်များ

2 Be Nyoliɛ 33:12

Kɛ Manase ´wun nyrɛnnɛn'n, ɔ kpan flɛli Anannganman i Nyanmiɛn'n. Ɔ kɛnnin i wun ase i nannan'm be Nyanmiɛn'n nyrun.

Ɛsdras 9:13

E Nyanmiɛn, e nyoliɛ tɛtɛ mun nin e fɔnlɛ ngbli-ngbli'm be ti yɛ sa'm be juli ye su-ɔ, sanngɛ w'a nian-man e sa tɛ sɔ'm be su w'a tu-man e fɔ. ?Yɛ ndɛkɛn bɔ w'a yo man e nun sran wie'm b'a nyan atin b'a sa be sin'n

Neemi 9:3

Be kanngannin Anannganman be Nyanmiɛn'n i mmla fluwa'n nun dɔ nsan kleli be. Kɛ ɔ ´yo sɔ'n, wuun be jin nglo, kpɛkuun be kotoli Anannganman be Nyanmiɛn'n i nyrun, be dili be sa tɛ'm nanwlɛ'm dɔ nsan ekun.

Daniɛl 9:4

N srɛli Anannganman min Nyanmiɛn'n, yɛ n kannin e sa tɛ nga e yoli mun n kleli i, n seli kɛ yoo: ‹Anannganman, Nyanmiɛn b'ɔ ti dan yɛ b'ɔ yo sro'n, sran nga be fa ɔ mmla'm be su'n, aenguɛ nga a nin be tra'n ɔ ka lɛ titi. A nin be nga be klo wɔ'n be o nun titi.

Matthieu 27:19

Kɛ ɔ trannin ase jɔlɛ diwlɛ lɔ'n, i yi sunmannin sran kɛ be ko se i kɛ: «Nán fa ɔ wun wla bian nanwlɛfuɛ sɔ'n i ndɛ'n nun, afin ndɛ n fɛli laliɛ nun dan kpa i ti.»

Matthieu 27:24

Kɛ Pilat wunnin kɛ ɔ su kwla yo-man sa fi bɔ alowa'n yo dan tra su'n, ɔ fa nzue wunnzinnin i sa nun sran'm be nyrun lɛ, yɛ ɔ seli kɛ: «Sran nanwlɛfuɛ nga i kunlɛ'n, n liɛ nun-man nun, amun bɔbɔ amun ndɛ-ɔ .»

Matthieu 27:4

yɛ ɔ seli kɛ: «Kɛ n fa sran bɔ ɔ'a yo-man sa tɛ fi'n mannin amun kɛ an `kun i'n, m'an yo-mɛn i kpa mlɔnmlɔn.» Yɛ be seli i kɛ: «?E ndɛ o nun? Ɔ bɔbɔ ɔ ndɛ-ɔ.»

Matthieu 27:54

Sonja ya su kpɛn'n nin be nga be o lɛ be nian Jésus su'n, kɛ be wunnin asiɛ'n b'ɔ kejeli'n nin sa ng'ɔ yoli'n, srɛ kunnin be dan kpa nan b'a se kɛ: «Nanwlɛ, bian sɔ'n ti Nyanmiɛn Wa sakpa.»

JÉSUS-CHRIST I DYASIN FE'N BO LUC KLELI'N 23:40

Sanngɛ kun'n ijɔli i, ɔ seli kɛ: «?A sro-man Nyanmiɛn? Sa kunngba nga be waan be ´yo i'n, be ´yo e wie.

JÉSUS-CHRIST I DYASIN FE'N BO LUC KLELI'N 23:42

Yɛ ɔ seli kɛ: «Jésus, blɛ nga a wa di ɔ famiɛn'n, bu min akunndan.»

1 Tɛsalonikfuɛ Mun 2:10

Amun nin Nyanmiɛn an ti e lalofuɛ kɛ sa nga e yo mannin amun bɔ an lafi Krist su'n, ɔ ti kpa. Yɛ ɔ ti i nuan su, ɔ man be kwla saci-man e wun.

Jacques 4:7

I sɔ'n ti, an `fa amún wun man Nyanmiɛn. Nán an lo amún wun man mmusu'm bé si Satan'n, an `jran kekle yɛ ɔ ´wanndi amun.

1 Piɛr 1:19

Sanngɛ Krist b'ɔ ti kɛ bua b'ɔ wa kpɛ cro sa'n bɔ lɛ fi nun-mɛn i wun'n, i mmoja'n b'ɔ ti kpa'n yɛ be fa toli amún ti-ɔ.

1 Piɛr 2:23

Be kpɛli i nzowa, ɔ'a yi-man a man-man be, be kleli i nyrɛnnɛn, ɔ'a fua-man be ti, sanngɛ ɔ fɛ i ndɛ liɛ'n wlali Nyanmiɛn b'ɔ di ndɛ nanwlɛ'n i sa nun .