JÉSUS-CHRIST I DYASIN FE'N BO LUC KLELI'N 23:34 - NYANMIƐN NDƐ'N 1998

³⁴ Yɛ Jésus seli kɛ: «N Si, yaci bé wun sa'n cɛ be, afin sa nga be ´yo i lɛ'n, be wun-mɛn i wlɛ.» Be tuli i tralɛ'm bé wun fɔtɔ be fali .

Nyanmien nde Ufle

³⁴ Ye Jésus séé ke: N Si, yatyi bé wun sa'n tye bé, afin sa nga bé yôé le'n, bé wu'en i wle. Bé tuu i trale'm bé wun foto, bé fali.

JÉSUS-CHRIST I DYASIN FE'N BO LUC KLELI'N 23:34 ပူးပေါင်းရင်းမြစ်များ

Bo Bolɛ 50:17

I waan be `se Zozɛf kɛ: ‹N ´srɛ wɔ kpa ti-ɔ, yaci sa nga ɔ niaan'm be yoli wɔ'n cɛ be, tɛ nga be yoli wɔ'n yaci cɛ be. Be ti ɔ́ si i Nyanmiɛn'n i sufuɛ!› » Kɛ be wa boli jasin sɔ'n kleli Zozɛf'n, ɔ sunnin.

Jue Mun 22:18

Koklo bɔ m'an yo dan'n ti min owie'n kwlaa gua su nyɛnnglɛɛn, min kpɔfuɛ'm be nian min kleiin .

Ezai 53:12

Ɔ man n fɛ i n wlali sran dandan'm be nun. Ɔ nin be bɔ be kwla'n be yɛ be ´cɛ alɛ ninnge'n nun-ɔn, yɛlɛ kɛ i bɔbɔ kplinnin su kɛ ɔ ´wu, ɔ man be fɛli i wlali sa tɛ yofuɛ'm be nun, ɔ jrannin sran kpanngban bé sa tɛ'n i nuan, yɛ ɔ kpatali sa tɛ yofuɛ'm be ti .

Matthieu 11:25

I blɛ sɔ'n nun'n Jésus seli kɛ: «N Si, ɔ bɔ a ti nyanmiɛn su lɔ'n nin asiɛ'n be Min'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n.

Matthieu 11:26

N Si, kwla o, ɔ klun sa nga a yoli'n ti.

Matthieu 5:44

Sanngɛ n liɛ'n, n ´kan kle amun kɛ, an `klo amun kpɔfuɛ mun, yɛ be nga be wua amun amuɛn'n, an `yra be nguan. Be nga be kpɔ amun'n, an `yo be kpa, yɛ be nga be yo amun tɛtɛ bɔ be kle amun yalɛ'n, an `srɛ Nyanmiɛn kɛ ɔ yo be kpa .

Marc 15:24

Be boboli i waka'n su, be tuli i tralɛ'm be wun fɔtɔ nan be ´wun nga bɔ sran kun ´nyɛn i'n .

JÉSUS-CHRIST I DYASIN FE'N BO LUC KLELI'N 22:42

«N Si, sɛ ɔ ti ɔ klun su'n, man nyrɛnnɛn wie nga to fuan min! Sanngɛ nán yo nga n klo kɛ ɔ yo su'n, sanngɛ yo nga a klo kɛ a ´yo i su'n.» [

Jean 17:9

Bé wun yalɛ yɛ n su koko n kle wɔ-ɔ. Nán mɛn nunfuɛ'm bé wun yalɛ yɛ n su koko n kle wɔ-ɔ, sanngɛ be nga a fa be mannin min'n, bé wun yalɛ yɛ n su koko n kle wɔ-ɔ, afin be ti ɔ liɛ.

Jean 19:11

Jésus tɛli i su kɛ: «Sɛ Nyanmiɛn a man-man wɔ atin'n, a kwla yo-man n sa fi. I sɔ'n ti'n, sran ng'ɔ fa min mannin wɔ'n, i fɔ'n b'ɔ dili'n i dan tra ɔ liɛ'n.»

Sa nga bé yôli'n 16:28

Yɛ Pɔl kpannin kekle kpa kɛ: «Nán yo ɔ́ wun like fi, e kwlaa e o wa!»

Sa nga bé yôli'n 3:17

Aniaan mun, n si kɛ sa nga amun nin amun su kpɛn mun an yoli'n, an si-man nun ti yɛ an yoli-ɔ.

Sa nga bé yôli'n 7:60

Kpɛkuun ɔ kotoli nan ɔ'a kpan kekle kpa kɛ: «Nannan, sa nga be yo min yɛ'n, nán fa sie ɔ klun.» Kɛ i nuan'n tɔli cɛ'n, yɛ ɔ kali nun-ɔn. Sɔl sa o Etiɛni kunlɛ'n nun wie.

Rɔmfuɛ Mun 12:14

Be nga be kle amun yalɛ'n, an `yra amún nuan kɛ Nyanmiɛn yo be kpa. Nán an wua be amuɛn, sanngɛ an `se Nyanmiɛn kɛ ɔ yo be kpa.

1 Korɛntfuɛ Mun 2:8

Mɛn'n nun wlengbi'm be wie fi b'a si-mɛn i, sɛ ɔ ti kɛ be sili i'n, wuun b'a bobo-man e Min'n b'ɔ lɛ nyrun waka'n su.

1 Korɛntfuɛ Mun 4:12

é wun ti kplɛn, be bo ye, e ti lalasinfuɛ, yɛ e di junman e fɛ kpa nan y'a nyan é nuan nun aliɛ. Be kpɛ e nzowa-a e yi man-man be nga be kpɛ e nzowa sɔ'n, muae yɛ e bo man be-ɔ. Be kle e yalɛ-ɔ ɔ sɔn e nun.

1 Piɛr 3:9

Sɛ sran yo amun tɛ'n, nán an yo i wie, sɛ be kpɛ amun nzowa'n, nán an yi man be, sanngɛ an `yra be nguan, afin kɛ Nyanmiɛn flɛli amun'n, ɔ seli kɛ ɔ ´yra amun nguan. Be klɛli i Nyanmiɛn Ndɛ'n nun kɛ: