JÉSUS-CHRIST I DYASIN FE'N BO LUC KLELI'N 23:2 - NYANMIƐN NDƐ'N 1998

² Kɛ be juli lɔ'n yɛ be tɔli sa nga ti yɛ be sɛnmɛnnin i'n i kanlɛ su-ɔ, be seli kɛ: «E wun kɛ bian nga saci e nvle'n, i waan, nán man be su lapo man Sezar, yɛ i li waan ɔ ti Krist, i waan ɔ ti famiɛn.»

Nyanmien nde Ufle

² Ke bé dyuu lo'n, ye bé too sa nga ti ye bé senmenniin'n i kanle suo, bé sé ke: É wun ke bian nga satyi é nvlé'n, i waan, nanh man bé su l'impôt man César, ye i li waan o ti Christ, o ti famien.

JÉSUS-CHRIST I DYASIN FE'N BO LUC KLELI'N 23:2 ပူးပေါင်းရင်းမြစ်များ

1 Famiɛn Mun 18:17

Kɛ i nyinma guali Eli wun cɛ'n, ɔ usɛli i kɛ: «Nán wɔ yɛ man nyrɛnnɛn tɔ Izraɛlfuɛ'm be su nin-ɔn?»

Jue Mun 35:11

Sran suɛn tɔnfuɛ wie'm be ba, be wa usa min sa nga n si-man nun'n i nun ndɛ.

Jue Mun 62:4

?Cɛn onin ko nan amu'an yaci sran su ju gualɛ kɛ amun ´kunndɛ kun i'n? Amun yo i kɛ talɛ wie bɔ ɔ'a cia annzɛ kɛ awa wie b'ɔ ti yɛkɛyɛkɛ bɔ be su bé bo yi'n sa.

Zeremi 20:10

N ti mín wun ndɛ tɛtɛ bɔ sran sunman be kan'n. Be flɛ min: Nyrɛnnɛn'n ´Bo Sin Yia Amun. Wie'm be se kɛ: «An `sɛnmɛn i,» yɛ wie'm be sɔ su kɛ: «Ɛɛn, man e sɛnmɛn i.» Be kwlaa nga be nin min tran klanman laa'n, be su minndɛ kɛ n tɔ. Be waan: «Nga, ɔ ´fɔn le. E ´kwlɛ i yɛ e ´tu e klunngbɔ i su.»

Zeremi 38:4

Kɛ famiɛn'n i awlo lɔ sran dandan sɔ'm be tili i sɔ'n, be seli famiɛn'n kɛ: «Yasua nga, ɔ nin wulɛ yɛ ɔ fata-a. Afin ndɛ ng'ɔ kan be'n, be bubu sonja kanngan bɔ be ka'n, ɔ nin Zidafuɛ'm bé sa sin. Yasua nga kunndɛ-man kɛ nvle nga yo kpa. Sa tɛ yɛ ɔ sunnzun i nin i-ɔ.»

Amɔs 7:10

Amazia b'ɔ ti Betɛl lɔ Nyanmiɛn nyrun jranfuɛ'n ɔ ko mannin Zeroboam ngaliɛ kɛ yoo: «Amɔs kunndɛ kɛ ɔ ´yi wɔ ase Izraɛl nvle'n nun, ndɛ ng'ɔ kan be'n, e mɛn nunfuɛ'm be su kwla yaci cɛ-mɛn i .

Zakari 11:8

Anglo kunngba cenje yɛ n fa fuannin bua kankanfuɛ nsan mun-ɔn. Kɛ n fuannin be sɔ'n, bua'm be wun flannin min, kpɛkuun min kusu min wun yoli be tɛ .

Matthieu 17:27

Sanngɛ kɛ e klo-man kɛ e ti sran'm bé ti nun saci'n, kɔ jenvie'n su lɔ, ko to kowa. Jue ng'ɔ dun mmua sɔ nun'n, yi. Kɛ a ´trɛ i nuan nun'n, a ´wun sika b'ɔ ju min nin wɔ é ti. Fa ko man be.»

Matthieu 22:21

Yɛ be waan: «Sezar yɛ ɔ o su-ɔ, yɛ i sanuan yɛ ɔ o su-ɔ.» Yɛ ɔ seli be kɛ: «Sɛ ɔ ti sɔ'n, an `fa ng'ɔ ti Sezar liɛ'n mɛn i, yɛ ng'ɔ ti Nyanmiɛn liɛ'n, an `fa mɛn i.»

Matthieu 27:11

Kɛ be fa Jésus ɔli be kpɛnngbɛn'n i ja su sɔ'n, ɔ usɛli i kɛ: «?A ti Zuif'm be famiɛn?» Jésus tɛli i su kɛ: «Yɛ ɔ́ nuan o su lɛ-ɔ.»

Marc 12:17

Yɛ ɔ seli be kɛ: «Sɛ ɔ ti sɔ'n, an `fa ng'ɔ ti Sezar liɛ'n mɛn i, yɛ ng'ɔ ti Nyanmiɛn liɛ'n, an `fa mɛn i.» Ndɛ ng'ɔ kannin'n boli bé nuan.

Marc 15:2

Pilat usɛli i kɛ: «?A ti Zuif'm be famiɛn?» Jésus seli i kɛ: «Yɛ ɔ́ nuan o su lɛ-ɔ.»

JÉSUS-CHRIST I DYASIN FE'N BO LUC KLELI'N 23:14

«Kɛ an ´fa bian nga blɛ min'n, an seli n kɛ ɔ saci sran mun. Sanngɛ amun `nian, m'an usɛ i sa amun nyrun wa, m'an wun-man kɛ sa nga ti yɛ an sɛnmɛnnin i'n i wie fi ti i nzuɛn.

JÉSUS-CHRIST I DYASIN FE'N BO LUC KLELI'N 23:5

Sanngɛ be jrannin su kekle kpa, be seli kɛ: «Kɛ ɔ ´kle sran'm be like'n, ɔ wlawla be. Ɔ boli i bo Galile lɔ, ɔ sinnin Zide mɛn wunmuan'n nun lele ɔ'a fa ju wa.»

Jean 18:29

Ɔ man Pilat fite bali bé wun lɛ, yɛ ɔ usali be kɛ: « ?Nguɛ ndɛ su yɛ an sanmannin bian nga-a?»

Jean 18:30

Be tɛli i su kɛ: «Sɛ ɔ'a yo-man sa tɛ'n, wuun y'a fɛ-mɛn i a blɛ-man wɔ.»

Jean 19:12

Kɛ ɔ fin i lɛ'n, Pilat kunndɛli kɛ ɔ ´yaci i nun, sanngɛ Zuif'm be kpan seli kɛ: «Sɛ a yaci bian nga nun'n, wuun nán Sezar janvuɛ yɛlɛ wɔ. Sran kwlaa ng'ɔ yo i wun famiɛn'n, wuun ɔ'a jao Sezar wun.»

Sa nga bé yôli'n 24:13

Sa nga ti yɛ be sanmannin min ndɛ'n, b'a wun-man sa fi bɔ be kwla jran su b'ɔ kle kɛ be ndɛ'n ti nanwlɛ-ɔ.

Sa nga bé yôli'n 24:5

E wun kɛ bian nga ti-man kpa, ɔ saci Zuif'm bɔ be o mɛn wunmuan'n nun'n be afiɛn, yɛ ɔ ti Nazarɛtfuɛ'm bɔ be ti Zuif'm be akpasua kun'n i su kpɛn.

Rɔmfuɛ Mun 13:7

Be kalɛ kwlaa ng'ɔ o amun su'n, an `tua man be. Sran nga be su lapo mɛn i'n, an `su mɛn i. Sran nga amun ninnge'm be su sika ng'ɔ fata kɛ amun yi'n ɔ ti i liɛ'n, an `yi mɛn i. Sran ng'ɔ ti bɔ an sro i'n, an `sro i, yɛ ng'ɔ ti bɔ an bu i sran'n, an `bu i sran.