JÉSUS-CHRIST I DYASIN FE'N BO LUC KLELI'N 21:34 - NYANMIƐN NDƐ'N 1998

³⁴ An `sasa amún wun, nán an yo aliɛ safuɛ mun nin nzanboɛfuɛ mun, nán an koko ninnge'm be ti, sɛ an yo sɔ'n, ɔ cɛ-man nan cɛn sɔ'n ɔ'a fu amun nun.

Nyanmien nde Ufle

³⁴ Anh sasa amun wun, nanh an yô alie safue nin nzan bôefue, nanh an kôkô ninngé'm bé ti, se an yô so'n, o tyeman nan tyen so'n wa fu amun nun.

JÉSUS-CHRIST I DYASIN FE'N BO LUC KLELI'N 21:34 ပူးပေါင်းရင်းမြစ်များ

Bo Bolɛ 19:32

I sɔ'n ti, man e mɛn i nzan nan ɔ bo, i liɛ'n, ɔ nin e la yɛ i osu'n ɔ su nunnun-man.»

Bo Bolɛ 19:35

Yɛ kɔnguɛ sɔ'n be ´man bé si'n i nzan ɔ ´bo yɛ ba bla kasiɛn'n nin i be ´ko la-a. Kɛ talua'n wa la o, kɛ ɔ ´jaso o, bian'n ɔ'a wun-man nun.

Bo Bolɛ 27:14

Yɛ Zakɔb ɔli ko trali be blɛli i-ɔ. Nan i nin ɔ'a fa tɔn aliɛ nga Izaak klo i'n.

Jue Mun 35:8

Man nyrɛnnɛn'n fu be nun tɔ be su. Man aya nga be suali'n, ɔ yaci tra be bɔbɔ. Man be tɔ kunman nga be kpɛli'n nun nan be wun nyrɛnnɛn.

Nyanndra Mun 21:4

Sa tɛ yofuɛ'm be like b'ɔ o bé wun'n yɛlɛ bé wun nyinman-nyinmanlɛ nin bé wun tulɛ.

Nyanndra Mun 23:20

Nán kɔ nzannunmunfuɛ'm bé wun. Nán a nin aliɛ safuɛ mun san nun .

Akunndanfuɛ'n 9:12

Kɛ kpatra'n b'ɔ ´wun i wun-ɔn, lala ɔ'a trɛ i'n, annzɛ anunman'n b'ɔ ´wun i wun-ɔn, aya ɔ'a trɛ i'n, kɛ klɔ sran'n kusu ɔ ti sɔ-ɔ, ɔ si-man cɛn nga nyrɛnnɛn'n ɔ wa tɔ i su-ɔ. Blɛ wie'n, sran'n sunnzun-man kɛ sa su wa nyɛn i, kpɛkuun sa wie ɔ'a tɔ i su ɔ'a blɛblɛ i wun.

Ezai 28:7

Nyanmiɛn nuan ijɔfuɛ'n nin Nyanmiɛn nyrun jranfuɛ'n, nzan kekle bɔ be nɔn ti'n, be nanti sa dadaada. Nzan'n ɔ'a bo be dan. Nzan kekleke'm b'a mlin be. Be ´kan sa nga be wunnin be aolia nun'n, wuun be nuan ´to fuan. Be ´di jɔlɛ'n, wuun be ´usu-usu.

Ndɛ Nga Nyanmiɛn I Nuan Ijɔfuɛ Oze Kannin'n 4:11

Min sran'm be nzan ndɛ'n ti be cinnjin ngboko. Nzan ndɛ'n ɔ'a saci bé ti'n.

Saun Yolɛ 10:9

«Wɔ, a nin ɔ mma mun, nán amun nɔn nzan ng'ɔ bo'n i wie fi nan amu'an wlu tannin sua nga n yi min wun nglo nun lɔ'n nun. Sɛ amun yo i sɔ'n, wuun amun su kunndɛ amun wie. Mmla nga m'an kan m'an kle amun yɛ'n, ɔ fata kɛ amun osu'n nunfuɛ'm be kwlaa be nanti su tititi.

Matthieu 13:22

Yɛ nduin'n bɔ awie'n tɔli nun'n, yɛlɛ sran ng'ɔ ti Nyanmiɛn ndɛ'n, sanngɛ mɛn'n nun ninnge'n i ngokoɛ'n nin anyanbeun'n i klolɛ'n ɔ tra Nyanmiɛn ndɛ'n, ɔ man ndɛ sɔ'n yo-man kpa.

Marc 13:9

An `sasa amun wun, afin be wa fa amun ´man jɔlɛ difuɛ mun, yɛ be ´bo amun Nyanmiɛn ndɛ suanlɛ nin i srɛlɛ sua'm be nun. Kɛ ɔ ´yo nan amu'an kan min ndɛ a kle kpɛnngbɛn mun nin famiɛn mun'n, min ti be ´fa amun kɔ bé ja su.

Marc 4:19

sanngɛ mɛn'n nun ninnge'n i ngokoɛ'n, nin anyanbeun i klolɛ'n, nin bé nyin b'ɔ blo ninnge wie'm be su'n, ɔ tra Nyanmiɛn ndɛ'n, ɔ man ndɛ sɔ'n yo-man kpa.

JÉSUS-CHRIST I DYASIN FE'N BO LUC KLELI'N 10:41

E Min'n seli i kɛ: «Mart, Mart, a koko, yɛ ɔ́ nyin blo like sunman su.»

JÉSUS-CHRIST I DYASIN FE'N BO LUC KLELI'N 12:40

Amun kusu, an `buabua amún wun sie, afin m bɔ n kacili Sran'n m ´ba dɔ nga an bu-man min akunndan'n su'n.»

JÉSUS-CHRIST I DYASIN FE'N BO LUC KLELI'N 17:3

I sɔ'n ti'n, an `sasa amún wun. Sɛ ɔ niaan kun yo wɔ sa'n, flɛ i tu i fɔ, sɛ ɔ kpata wɔ'n, yaci.

JÉSUS-CHRIST I DYASIN FE'N BO LUC KLELI'N 21:35

Afin cɛn sɔ'n ɔ wa fu sran bɔ be o mɛn wunmuan'n nun'n be kwlaa be nun kɛ aya sa.

JÉSUS-CHRIST I DYASIN FE'N BO LUC KLELI'N 21:8

Yɛ ɔ seli be kɛ: «An `sasa amún wun, nán man be laka amun, afin sran kpanngban be wa fa n dunman'n be ´se kɛ be yɛ be ti Krist nin-ɔn, yɛ be ´se kɛ blɛ'n ɔ'a mantan. Nán an fa su.

JÉSUS-CHRIST I DYASIN FE'N BO LUC KLELI'N 8:14

Nga kusu b'ɔ tɔli nduin mma nun'n, yɛlɛ be nga be ti Nyanmiɛn ndɛ'n, sanngɛ kɛ be kɔ'n, mɛn'n nun ninnge'n i ngokoɛ'n nin anyanbeun'n nin like nga be klo be'n be mian be. Be yɛ be ti awie bɔ nduin trɛli i bɔ ɔ'a yo-man kpa nin-ɔn.

1 Korɛntfuɛ Mun 5:11

Sanngɛ ndɛ nga n klɛ blɛli amun'n yɛlɛ kɛ sɛ sran kun se i wun kɛ ɔ ti e niaan'n b'ɔ ti bla annzɛ bian kunndɛfuɛ'n, annzɛ ɔ ti sran bɔ i nyin yi-man like'n, annzɛ ɔ tɛ sɔ amuɛn'n, annzɛ ɔ ti nzowa kpɛfuɛ, annzɛ ɔ ti nzanboɛfuɛ, annzɛ ɔ de sran like wue kekle su'n, i sɔfuɛ'n yɛ n seli amun kɛ nán amun nin i san nun nin-ɔn, yɛ nán amun nin i di like bɔbɔ.

1 Korɛntfuɛ Mun 6:10

nin awiefuɛ mun, nin sran bɔ be nyin yi-man like'n, nin nzanboɛfuɛ mun, nin nzowa kpɛfuɛ mun, ɔ nin sran bɔ be de sran like wue kekle su'n, i sɔ sran liɛ mun Nyanmiɛn su sie-man be mlɔnmlɔn.

Galasifuɛ Mun 5:20

amuɛn sɔlɛ, bae dilɛ, sran kpɔlɛ, ɔ nin utre. Bé nyin ci be wiengu, be fa ya, bé bo ti-man kun, be bubu bé wun nun,

Mmla'n 29:19

Anannganman su yaci cɛ-mɛn i. Ɔ ´fɛ i wun ya dan kpa, ɔ ´fa sa yalɛ nga be kan be ndɛ fluwa nga nun'n ɔ ´yi i su. Ɔ ´nunnun i dunman asiɛ'n su.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

2 Piɛr 3:10

E Min'n i balɛ'n ɔ ´fu e nun kɛ awiefuɛ sa. Cɛn sɔ'n nun nyanmiɛn su lɔ'n ´kpla wuu, kpɛkuun be su wun-mɛn i kun. Yɛ nyanmiɛn su lɔ ninnge'm be ´yra, yɛ asiɛ'n nin i su ninnge'n kwlaa be ´nunnun .

2 Piɛr 3:14

N sran kpa mun, i sɔ'n ti, kɛ e ´minndɛ cɛn sɔ'n, an `yo like kwlaa nga an kwla yo'n nan ɔ'a wun kɛ an ti sran kpa bɔ sa kaan sa nun-man amun wun nan amun nin i amún nuan a sɛ.

Sa nglô yile 3:3

I sɔ'n ti, ndɛ nga be kan kleli amun bɔ an fa su'n, an bu i akunndan, an `fa su, yɛ an `kaci amun nzuɛn'n. Sɛ amu'an tinnge-man'n, n wa fu amun nun kɛ awiefuɛ sa, an su si-man dɔ nga m ´ba'n .

1 Samiɛl 25:36

Kɛ Abigail ´sɛ i sin Nabal wun lɔ'n, wuun cɛn nga be su di i awlo nun'n ɔ ti kɛ famiɛn wie yɛ ɔ su di cɛn sa. Nabal klun ti jɔwa dan, ɔ'a nɔn nzan'n lele ɔ'a tratra su, ɔ'a bo i. Ɔ man Abigail ɔ'a kan-man ndɛ fi ɔ'a kle-mɛn i lele san aliɛ'n cɛnnin.