JÉSUS-CHRIST I DYASIN FE'N BO LUC KLELI'N 21:13 - NYANMIƐN NDƐ'N 1998

¹³ Kɛ be ´yo amun sɔ'n, man amun ´kwla kan min ndɛ'n kle be.

Nyanmien nde Ufle

¹³ Ke béh yôh amun so'n, o man amunh kwlah kan min nde'n klé bé.

JÉSUS-CHRIST I DYASIN FE'N BO LUC KLELI'N 21:13 ပူးပေါင်းရင်းမြစ်များ

Matthieu 26:16

Kɛ ɔ fin cɛn sɔ nun'n, ɔ kunndɛli cɛn ng'ɔ ti kpa bɔ i nun ɔ ´kwla fɛ i man be'n.

Filipfuɛ Mun 1:12

Aniaan mun, n klo kɛ an si kɛ sa b'ɔ tɔli n su'n ɔ'a yo-man jasin fɛ'n i sacilɛ like, sanngɛ ɔ man ɔ trɛ ɔli i nyrun.

Filipfuɛ Mun 1:28

Nán an lo amun wun man amun kpɔfuɛ mun man be wla amun srɛ sa fi nun. Sɛ amu'an lo-man amun wun a man-man be'n, ɔ kle be kɛ be ´mlin, yɛ amun kusu amun ´nyan amún ti, Nyanmiɛn yɛ ɔ sieli i sɔ-ɔ,

2 Tɛsalonikfuɛ Mun 1:5

I sɔ'n kle ye weiin kpa kɛ Nyanmiɛn yo sa i nuan su. Ɔ ´bu amun kɛ amun nin i famiɛn dilɛ'n wie fata, afin i ti yɛ an wun nyrɛnnɛn nin-ɔn.