JÉSUS-CHRIST I DYASIN FE'N BO LUC KLELI'N 21:1 - NYANMIƐN NDƐ'N 1998

¹ Jésus mɛnnin i nyin su yɛ ɔ wunnin anyanbeunfuɛ'm bɔ be su yi be sika nga be fa man Nyanmiɛn'n ´guɛ i sika guawlɛ'n nun.

Nyanmien nde Ufle

¹ Ye Jésus men i nyin su o wuun anyanbéunfue'm bo bé su yi bé sika nga bé fa man Nyanmien'n gue sika guawle'n nun.

JÉSUS-CHRIST I DYASIN FE'N BO LUC KLELI'N 21:1 ပူးပေါင်းရင်းမြစ်များ

1 Famiɛn Mun 14:26

Ɔ fali Anannganman i sua'n nin famiɛn'n i sua'n be nun ninnge kpakpa mun. Ɔ fɛli i ngba. Ɔ fali sika ɔkwlɛ nyrɛn nga Salomɔn yoli'n be ngba .

2 Famiɛn Mun 12:9

Be kplinnin su kɛ be su sɔ-man sika nga sran'm be man'n nun kun. Zɔas seli be kɛ nán be se kɛ be bɔbɔ be ´wlawla sua'n nun kun. Be kplinnin su.

2 Famiɛn Mun 24:13

Nɛbikadnɛzar fali Anannganman i sua'n nin famiɛn sua'm be nun ninnge kpakpa mun, kɛ Anannganman fa kannin'n sa. Ɔ sacili sika ɔkwlɛ ninnge nga Salomɔn yoli bɔ be fa be sieli Anannganman i sua'n nun kɛ be fa su Anannganman'n.

2 Be Nyoliɛ 36:18

Nyanmiɛn i sua'n nun ninnge'm be ngba, i dandan mun o, i kanngan mun o, ɔ nin lɔ ninnge kpakpa mun o, ɔ nin famiɛn'n i ninnge kpakpa mun o, ɔ nin famiɛn'n i awlo lɔ sran dandan'm bé ninnge kpakpa mun o, Nɛbikadnɛzar fɛli i ngba ɔli Babilɔni.

Neemi 13:13

N sieli Selemia b'ɔ ti Nyanmiɛn nyrun jranfuɛ'n, nin Zadɔk b'ɔ ti fluwa klɛfuɛ'n, ɔ nin Pɛdaza b'ɔ ti Levifuɛ'n be kɛ be nian sua ba nga be sie ninnge nun'n be su. N fali Matania i wa Zakir i klun ba Anan n ukali be su. Be kwlaa sɔ'n, sran'm be di be wun lalo kɛ be ti sran kpa. Be yɛ n seli be ekun kɛ be cɛ ninnge'n nun be man be niaan mun-ɔn.

Matthieu 27:6

Nyanmiɛn nyrun jranfuɛ dandan'm be isali sika sɔ'n, yɛ be seli kɛ: «E kwla fa-man sika sɔ'n gua-man Nyanmiɛn sika'n nun, afin be fa sika sɔ'n toli sran mmoja .»

JÉSUS-CHRIST I DYASIN FE'N BO LUC KLELI'N 20:47

Be de angboti mmla'm be awlo mun, yɛ be kan ndɛ tɛnndɛn kle Nyanmiɛn lelele kɛ sran'm be `bu be sran kpa. Be fɔ tulɛ liɛ'n, ɔ wa yo tɛ kpa.»

Jean 8:20

Kɛ Jésus ´kle like Nyanmiɛn i sua'n nun b'ɔ o sika guawlɛ'n i wun lɛ'n, yɛ ɔ kannin ndɛ sɔ nin-ɔn. Sran fi a trɛ-mɛn i, afin i cɛn'n nian ju-man.

Zozie 6:19

I jɛtɛ ufue o, i sika ɔkwlɛ o, blalɛ fanunfanun mun o, be kwlaa be ti Anannganman liɛ. Be `fa guɛ i sika bɔlɛ'n nun.»

Zozie 6:24

I sin be wɔli klɔ'n nin i nun ninnge'n kwlaa be nun, san jɛtɛ ufue nin sika ɔkwlɛ, ɔ nin blalɛ mun yɛ be kali lɛ-ɔ. Be liɛ'n, be sieli be Anannganman i bɔlɛ siewlɛ'n nun.