JÉSUS-CHRIST I DYASIN FE'N BO LUC KLELI'N 20:47 - NYANMIƐN NDƐ'N 1998

⁴⁷ Be de angboti mmla'm be awlo mun, yɛ be kan ndɛ tɛnndɛn kle Nyanmiɛn lelele kɛ sran'm be `bu be sran kpa. Be fɔ tulɛ liɛ'n, ɔ wa yo tɛ kpa.»

Nyanmien nde Ufle

⁴⁷ Bé dé angbôti mmla'm bé awlô'n, ye bé kan nde tennden klé Nyanmien lélélé ke swran'm bé bu bé swran kpa. Bé fo tule lie'n o wa yô te kpa.

JÉSUS-CHRIST I DYASIN FE'N BO LUC KLELI'N 20:47 ပူးပေါင်းရင်းမြစ်များ

Ezai 10:2

Be di-man yalɛfuɛ'm be ndɛ liɛ mun. Like ng'ɔ ti min nvle nun yalɛfuɛ'm be liɛ'n, be fa man-man be. Angboti mmla'm b'a kaci kɛ bé nuan nun nnɛn sa, be di be lufle pɔɔ, yɛ be de aika'm bé sa nun ninnge mun.

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Amɔs 2:7

Nga be kunndɛ'n, yɛlɛ kɛ be bɔ be lɛ-man like'n, be ´mianmian be lele be ´de be sa nun ninnge kwlaa. Yalɛfuɛ'n kɛn i ndɛ liɛ-ɔ, jɔlɛ difuɛ'm be bu-mɛn i like fi. Sran kun nin i si be kunndɛ bla kunngba. I sɔ'n ti min dunman'n i sacilɛ.

Mise 2:2

Sɛ fie wie yɛ bé nyin blo su'n, san be ´fa. Sɛ kusu awlo wie yɛ be waan be ´fa'n, san i falɛ yɛ be ´fa-a. Be fɛn sran mun nin be awlofuɛ'm bé bo ninnge mun. Sran'm be osu'n nun be asiɛ mun bɔ be ti kɛ be aja like sa'n, be fa gblɛ be de bé sa nun .

Mise 2:8

Anannganman waan: «Amun fa min nvle nunfuɛ mun kaci amun kpɔfuɛ. Sran nga be fin alɛ kunlɛ be ´ba-a, be klun ti-man be'n, kpɛkuun amun ko de i sɔ sran liɛ'm be tralɛ kpa nga be nyɛnnin i'n bé sa nun.

Mise 3:2

Sanngɛ kpɛkuun sa kpa'n, amun klo-mɛn i yolɛ, san sa tɛfuɛ'n cɛ yɛ amun klo i yolɛ-ɔ. An yi sran'm bé kplo'n nin be nnɛn'n, kpɛkuun be owie ngbɛn'n gua su.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Matthieu 23:14

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an de angboti mmla'm be awlo'n, yɛ an kan ndɛ tɛnndɛn kle Nyanmiɛn lelele kɛ sran'm be `bu amun sran kpa. I sɔ'n ti amun fɔ tulɛ liɛ'n ɔ wa yo tɛ kpa.]

Marc 12:40

Be de angboti mmla'm be awlo'n, yɛ be kan ndɛ tɛnndɛn kle Nyanmiɛn lelele kɛ sran'm be `bu be sran kpa. Be fɔ tulɛ liɛ'n ɔ wa yo tɛ kpa.»

JÉSUS-CHRIST I DYASIN FE'N BO LUC KLELI'N 12:1

Kɛ ɔ yoli sɔ'n, sran akpi-akpi be yiali, ɔ man be fufu be wiengu su. Jésus i sɔnnzɔnfuɛ'm be yɛ ɔ dun mmua kannin ndɛ kleli be-ɔ, ɔ seli be kɛ: «An `nian amún wun kpa Farizifuɛ'm be kpaun ayre bɔ yɛlɛ dunman klolɛ'n i lika.

JÉSUS-CHRIST I DYASIN FE'N BO LUC KLELI'N 20:46

«An `sasa amún wun mmla klefuɛ'm be lika, be klo tralɛ tɛnndɛn wla wlan sinlɛ, be klo kɛ be `yo be like nzra nun, be klo Nyanmiɛn ndɛ suanlɛ nin i srɛlɛ sua nun bia kpakpa su tranlɛ, yɛ kɛ be ´di like nzra nun'n, be klo sran dandan'm be tranwlɛ'n nun tranlɛ.

JÉSUS-CHRIST I DYASIN FE'N BO LUC KLELI'N 21:1

Jésus mɛnnin i nyin su yɛ ɔ wunnin anyanbeunfuɛ'm bɔ be su yi be sika nga be fa man Nyanmiɛn'n ´guɛ i sika guawlɛ'n nun.

1 Tɛsalonikfuɛ Mun 2:5

Amun bɔbɔ an si kɛ e nian kan-man ndɛ gblɛ nun annzɛ ndɛ b'ɔ kle kɛ e nyin blo amun ninnge'm be su'n, nian kle-man amun le. Nyanmiɛn yɛ ɔ ti e lalofuɛ-ɔ.

Tite 1:16

Be yo bé wun kɛ be si Nyanmiɛn, sanngɛ sa nga be yo'n ɔ kle-man kɛ be si i. Bé wun yo tɛ, bé nyin ti kekle, yɛ be kwla yo-man sa kpa bɔ kun sa.

Jacques 3:1

N niaan mun, nán amun nun kpanngban be ´kunndɛ kɛ be ´yo like klefuɛ, afin an si kɛ kɛ Nyanmiɛn ´di jɔlɛ'n, e bɔ e ti like klefuɛ'n, ɔ ´usa-usa e sa kpa tra be nga mun.