JÉSUS-CHRIST I DYASIN FE'N BO LUC KLELI'N 20:13 - NYANMIƐN NDƐ'N 1998

¹³ Fie i fuɛ'n seli kɛ: ‹?N ´yo i sɛ? M ma sunman min wa yasua'n b'ɔ ti min anwlɛn su ba'n, wienun-ɔn i liɛ'n be ´bu i sran.›

Nyanmien nde Ufle

¹³ Fié ifue'n sé ke: ?N yô i se? M ma sunman n wa yasua'n b'o ti min awlen su ba'n, wiénuon i lie'n béh buih swran.

JÉSUS-CHRIST I DYASIN FE'N BO LUC KLELI'N 20:13 ပူးပေါင်းရင်းမြစ်များ

Ezai 5:4

?Like onin cɛ yɛ ɔ fata kɛ n yo i min vinyi fie sɔ'n su bɔ m'an yo-man-an? ?Yɛ ɔ yo sɛ ti yɛ n lafili su tankaan kɛ ɔ wa su mma kpa bɔ mma tɛ yɛ ɔ suli nin-ɔn?

Zeremi 36:3

I liɛ'n, sa nga n waan n ´fa yo Zidafuɛ mun, sɛ wienun-ɔn be ´yaci be nzuɛn tɛ'n, ɔ man n ´yaci be fɔnlɛ'n ɔ nin be sa tɛ'n n ´cɛ be o.»

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Ezekiɛl 12:3

Klɔ sran, fa ninnge bɔ sran nga be ´fɛ i kɔ kanga-a ɔ fa'n, nan wia klengle kpa'n nun bé nyin bo lɛ, kɔ lika uflɛ. Jaso lika nga a o nun'n nun lɛ kɔ lika uflɛ, kɔ be nyrun lɛ. Sɛ wienun-ɔn be ´wun i sɔ'n wlɛ nan be ´si kɛ be ti sran bɔ be nyin ti kekle o.

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Ndɛ Nga Nyanmiɛn I Nuan Ijɔfuɛ Oze Kannin'n 6:4

Sanngɛ Anannganman ´tɛ amun su kɛ yoo: «?Efraimfuɛ mun, nguɛ li bɔ cɛ yɛ amun waan n yo m man amun-ɔn? ?Zidafuɛ mun kusu, amun waan n yo amun sɛ? Amun Nyanmiɛn klolɛ'n ti kɛ nyanmiɛn ble bɔ be wun i nglɛmun nun'n sa, ɔ ti kɛ nglɛmun nyansue sa, be wielɛ yo-man ya.

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

JÉSUS-CHRIST I DYASIN FE'N BO LUC KLELI'N 18:2

Ɔ seli kɛ: «Jɔlɛ difuɛ kun o klɔ kun su, ɔ sro-man Nyanmiɛn, ɔ bu-man sran fi sran.

JÉSUS-CHRIST I DYASIN FE'N BO LUC KLELI'N 18:4

Ɔ cɛli kpa jɔlɛ difuɛ waan ɔ kplin-man su, sanngɛ le kun liɛ'n, ɔ buli i akunndan ɔ seli kɛ: ‹Kannzɛ n sro-man Nyanmiɛn, yɛ m bu-man sran sran'n,

JÉSUS-CHRIST I DYASIN FE'N BO LUC KLELI'N 20:12

Be nsan su liɛ'n b'ɔ sunmɛnnin i'n, be boli i fɛ nan ba fuɛn i.

JÉSUS-CHRIST I DYASIN FE'N BO LUC KLELI'N 20:14

Sanngɛ kɛ fie'n i sunianfuɛ'm be wunnin i'n, be cicili nan b'a se kɛ: ‹I aja difuɛ'n yɛ, man e kun i nan e fɛ i ninnge mun.›

JÉSUS-CHRIST I DYASIN FE'N BO LUC KLELI'N 9:35

Be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «N wa bɔ n kpɛli i'n yɛ. An `tie ndɛ ng'ɔ kan'n .»

Jean 1:34

N liɛ'n n wunnin i yɛ man n se kɛ i yɛ ɔ ti Nyanmiɛn Wa nin-ɔn.»

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.