JÉSUS-CHRIST I DYASIN FE'N BO LUC KLELI'N 20:10 - NYANMIƐN NDƐ'N 1998

¹⁰ Kɛ ɔ juli vinyi mma i tilɛ'n, ɔ sunmɛnnin i sran kun fie'n i sunianfuɛ'm bé sin kɛ ɔ ko fɛ i liɛ blɛ i. Fie'n i sunianfuɛ'm be boli i, be kɛnnin i bo nan ɔ'a toto i sa a sɛ i sin.

Nyanmien nde Ufle

¹⁰ Ke o dyuu raisin i tile'n, o sunmen i swran kun fié sunianfue'm bé sin, ke o kô fe i lie blee. Fié sunianfue'm bé bôlii, bé keen i bô, nan wa tôtô i sa a se i sin.

JÉSUS-CHRIST I DYASIN FE'N BO LUC KLELI'N 20:10 ပူးပေါင်းရင်းမြစ်များ

1 Famiɛn Mun 22:24

Kɛ e ´ijɔwa-a, Kɛnana i wa Sedesias ɔ'a wunnge Mise wun lɔ, kpɛkuun kpaun, ɔ'a kpaci i nyrun. Ɔ usali Mise kɛ: «?Anannganman i Wawɛ b'ɔ o min nun'n, ɔ sinnin ninfan yɛ ɔ ko kannin ndɛ'n kleli wɔ-ɔ?»

2 Famiɛn Mun 17:13

Anannganman fa ndɛ wlɛli i nuan ijɔfuɛ fanunfanun'm be kwlaa bé nuan. I waan be kan kle Izraɛlfuɛ mun, nin Zidafuɛ'm be kɛ be yaci be nzuɛn tɛtɛ mun, nan be fɛ i mmla fanunfanun'm bé su. I mmla sɔ'n, ɔ fa mannin Izraɛlfuɛ'm be nannan mun. I sin ɔ fa wlɛli i nuan ijɔfuɛ bɔ be ti i sufuɛ'n bé nuan kɛ be fa man be kusu be wie.

1 Be Nyoliɛ 19:4

Yɛ Anɛn trali David i sran mun nan ɔ'a yi be akanza'n i bue, yɛ ɔ kpɛli be tralɛ'n i afiɛn yili, ɔ kpɛli i bé bo ndrɛ'n su sɛsɛ, nan ɔ'a se be kɛ be wɔ.

2 Be Nyoliɛ 16:10

Aza fali ya jeliwafuɛ'n wun. Ɔ wlɛli i bisua, afin ndɛ'n b'ɔ kan kleli i'n, ɔ kunnin i ya dan. I blɛ kunngba sɔ nun'n, Aza kleli i mɛn'n nunfuɛ wie'm be yalɛ kpa.

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Neemi 9:30

A dili bé wun amlin afuɛ kpanngban. Ɔ Wawɛ'n suli ɔ́ nuan ijɔfuɛ'm be bo kɛ be `kpɛn bé wla, sanngɛ b'a sie-man bé su be nuan bo. A fali be wlali aofuɛ'm bé sa nun.

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 20:2

Ɔ boli Zeremi nan ɔ'a trɛ i ɔ'a ko ci i sran ciwlɛ waka ng'ɔ o Bɛnzamɛn Anuan Nglo-nglo'n b'ɔ o Nyanmiɛn i sua'n i nyrun lɔ'n i wun.

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 5:24

An bu-man akunndan se-man kɛ: ‹Man e nyin yi Anannganman e Nyanmiɛn'n, afin i yɛ kɛ nzue'n ju i blɛ'n, ɔ tɔ man ye-ɔ. Ɔ tɔ nzue klikli nin afuɛ nuan nzue kasiɛn'n. I yɛ man afuɛ nuan kwlakwla e nyan blɛ e ti e fie su ninnge mun-ɔn.›

JÉSUS-CHRIST I DYASIN FE'N BO LUC KLELI'N 13:34

Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun ɔ utu be su'n sa, sanngɛ amu'an kplin-man su!

JÉSUS-CHRIST I DYASIN FE'N BO LUC KLELI'N 20:11

Ɔ sunmɛnnin i sran kun ekun, be boli i, be yoli i tɛ kpa, be kɛnnin i bo nan ɔ'a toto i sa a sɛ i sin ekun.

JÉSUS-CHRIST I DYASIN FE'N BO LUC KLELI'N 20:9

I sin ɔ buli nyanndra kun kleli sran mun. Ɔ seli kɛ: «Bian kun dili vinyi fie, ɔ kunndɛli sran ɔ fa fie'n wlali bé sa nun nan ɔ'a ɔ nvle wie nun. Ɔ ko cɛli lɔ lɔuun kpa .

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.