JÉSUS-CHRIST I DYASIN FE'N BO LUC KLELI'N 2:9 - NYANMIƐN NDƐ'N 1998

⁹ E Min Nyanmiɛn'n i anz kun fiteli be nyrun, yɛ e Min Nyanmiɛn yili i wun nglo nyannyannyan kleli be nan srɛ a kun be dan kpa.

Nyanmien nde Ufle

⁹ É Min Nyanmien'n i ange kun fitéé bé nyrun, ye é Min Nyanmien yi i wun nglô nyannyannyan kléé bé, nan sre a kun bé dan kpa.

JÉSUS-CHRIST I DYASIN FE'N BO LUC KLELI'N 2:9 ပူးပေါင်းရင်းမြစ်များ

1 Famiɛn Mun 8:11

Nyanmiɛn ble sɔ'n ti Nyanmiɛn nyrun jranfuɛ'm b'a kwla tran-man lɔ b'a di-man be junman'n kun. Anannganman i nyrun nyannyan'n yili i sua'n .

Ezipt Lɔ Tulɛ'n 16:10

Kɛ bɔ Aarɔn i nuan tɛ o ndɛ ng'ɔ ´kan kle Izraɛlfuɛ'm be kwlakwla'n i su'n, be kpɛli bé nyin aawlɛ flɛnnɛn lika liɛ'n nun lɔ. Be ´nian-an, Anannganman i nyrun nyannyan'n yɛ ɔ o sin wɛnsrɛn'n nun yɛ.

Ezipt Lɔ Tulɛ'n 16:7

Ainman nglɛmun kusu amun wa wun Anannganman i nyrun nyannyan'n, afin ɔ tili trikilɛ nga amun trikili i su'n. ?Wan yɛlɛ e bɔ amun triki e su-ɔ?»

Ezai 35:2

Ijre nyrɛ'm be tran nun sakpa. I wun kpɛjɛ i, yɛ ɔ ´tu kpɛn, ɔ ´to jue i klun b'ɔ jɔ'n ti. Ɔ ´nyan nyrun kɛ Liban mɛn'n sa. Ɔ ´yo nyɛnmɛn kɛ Karmɛl oka'n sa, Ɔ ´yo klanman kɛ Sarɔn lika kpɛtɛkplɛɛ'n sa. Yɛ be ´wun Anannganman i anyrunnyan b'ɔ lɛ i'n nin i nyɛnmɛn b'ɔ ti'n.

Ezai 40:5

Yɛ Anannganman i nyrun b'ɔ ti nyannyan'n ɔ ´fite nglo. Yɛ sran'm be kwlaa be ´wun Anannganman'n .» Anannganman yɛ ɔ kan sɔ-ɔ.

Ezai 60:1

Zerizalɛm, sɛ a ti sran'n, wuun n ´se kɛ: «Jaso.» Sɛ a ti kannin'n, wuun n ´se kɛ: «Kpaja kpa, afin ɔ lika b'ɔ kpaja weiin'n ɔ su fite, yɛ Anannganman i nyrun nyannyan'n, ɔ su fite nglo ɔ́ su .»

Ezekiɛl 3:23

Yɛ n fali kongo nun atin'n yɛ n wɔli lɔ-ɔ. Anannganman'n i nyrun nyannyan ng'ɔ yili i nglo'n, ɔ ti kɛ nga n wunnin i Kɛbar nzue ba'n nuan lɔ'n sa. N tɔli yɛ n utuli mín nyin ase.

Matthieu 1:20

Kɛ ɔ ´bu akunndan sɔ'n, e Min Nyanmiɛn'n i anz kun yi i wun kleli i laliɛ nun, ɔ seli i kɛ: «Zozɛf, David anunman, nán srɛ kun wɔ, fa ɔ yi Mari kɔ ɔ bo, afin ba'n bɔ ɔ'a wunnzɛ i'n ɔ fin Nyanmiɛn Wawɛ'n.

JÉSUS-CHRIST I DYASIN FE'N BO LUC KLELI'N 1:28

Ɔ wluli talua sɔ'n i awlo lɔ ɔ yoli i like, ɔ seli kɛ: «Ɔ liɛ su ti ye! Man e Min Nyanmiɛn'n jran ɔ sin!»

JÉSUS-CHRIST I DYASIN FE'N BO LUC KLELI'N 2:8

Mɛn kunngba sɔ'n nun'n, bua sunianfuɛ'm be la blo lɔ be nian be bua'm be su kɔnguɛ.

JÉSUS-CHRIST I DYASIN FE'N BO LUC KLELI'N 24:4

Kɛ be wun-man sa sɔ'n i wun akunndan buwlɛ'n, be ´nian-an, sran nnyɔn bɔ bé wun tralɛ'n ti nyɛnnyɛn kpa'n be yɛ be jin bé wun lɛ yɛ.

Jean 12:41

Ezai kannin sɔ yɛlɛ kɛ ɔ wunnin nyrun nga Jésus lɛ'n, kɛ ɔ wunnin i sɔ'n yɛ man ɔ kannin Jésus i ndɛ nin-ɔn .

Sa nga bé yôli'n 12:7

Kpɛkuun e Min Nyanmiɛn i anz kun yɛ, sua ba nga be o nun'n i nun kpajali wauun. Anz'n finnin Piɛr nvɛn'n su nan ɔ'a tinnge. Ɔ seli i kɛ: «Jao waka!» Yɛ jrɔkɔ'm be fin i sa guali-ɔ.

Sa nga bé yôli'n 27:23

Nyanmiɛn bɔ n ti i liɛ bɔ n su i'n, i anz kun bali min wun ndɛ kɔnguɛ yɛ ɔ seli min kɛ:

Sa nga bé yôli'n 5:19

Sanngɛ kɔnguɛ e Min Nyanmiɛn'n i anz kun bali bisua lɛ ɔ wa tike be anuan'n, ɔ yili be nan ɔ'a se be kɛ:

2 Korɛntfuɛ Mun 3:18

E kwlaa nga Nyanmiɛn a yi e nyrun tannin ng'ɔ kata e nyrun'n, e wun wafa nga e Min'n i dan'n ti'n i kwlaa kɛ niannun nun sa. E ´kaci kɛ i wafa nga e fa wun i'n sa tititi lelele e ´fɛ i kpa. E Min'n i Wawɛ'n yɛ man e yo sɔ-ɔ.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Hébreu 12:21

Like sɔ'm be yo sro, ɔ man Moiz seli kɛ, «Srɛ kun min yɛ min wun usu min .»

Sa nglô yile 18:1

Kɛ ɔ yoli sɔ'n, i sin n wunnin anz kun ekun, ɔ fin nyanmiɛn su lɔ, ɔ lɛ nyrun kpa, i wun kpaja nyannyannyan asiɛ'n su.

Sa nglô yile 20:11

N wunnin bia ufue dan kun ɔ nin sran ng'ɔ ti su'n. Asiɛ'n nin nyanmiɛn su lɔ'n be wanndili sran sɔ'n i nyrun, b'a wun-man be kun.