JÉSUS-CHRIST I DYASIN FE'N BO LUC KLELI'N 2:41 - NYANMIƐN NDƐ'N 1998

⁴¹ Afuɛ kwlaa Jésus i si nin i nin be kɔ Zerizalɛm Delɛ-cɛn dilɛ .

Nyanmien nde Ufle

⁴¹ Afue kwlaa Jésus si nin i nin bé ko Jérusalem Pâque (*f17*) dile.

JÉSUS-CHRIST I DYASIN FE'N BO LUC KLELI'N 2:41 ပူးပေါင်းရင်းမြစ်များ

Ezipt Lɔ Tulɛ'n 12:11

Wafa nga ɔ fata kɛ amun di i'n yɛ: amun `fa amun bo kplo'n be ci amun afiɛn, man amun ngbabua'm be tran amún ja, yɛ man amun kpɔnman'm be tran amún sa nun. Amun `di i ndɛndɛ.› Delɛ-cɛn yɛ ɔ o lɛ-ɔ, i yɛ be di be manman min-ɔn.

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 34:23

«Afuɛ kwlaa nun'n, man yasua'm be kwlaa be bla min Anannganman bɔ n ti Izraɛl Nyanmiɛn'n min nyrun kpɛ nsan.

Saun Yolɛ 23:5

Afuɛ kun nun sra klikli'n i le blu-nin-nnan su'n, nnɔsua nun amun `di Delɛ-cɛn min dunman nun be `man min.

Kalɛ 28:16

«Anglo klikli'n, i cɛn ba blu-nin-nnan su'n ɔ ti Delɛ-cɛn'n b'ɔ ti min liɛ'n i dilɛ blɛ.

JÉSUS-CHRIST I DYASIN FE'N BO LUC KLELI'N 2:42

Kɛ ɔ dili afuɛ blu-nin-nnyɔn'n, be ɔli cɛn'n i dilɛ kɛ be fa yo i titi'n sa.

Jean 11:55

Kɛ Zuif'm bé cɛn bɔ be flɛ i Delɛ-cɛn'n ɔ wa ju'n, sran kpanngban be fin klɔklɔ'm be su be dun mmua kɔ Zerizalɛm be ko yo bé wun saun nan Delɛ-cɛn'n sɔ'n ɔ'a ju.

Jean 13:1

Jésus sili kɛ i mɛn'n nun wa tulɛ'n nin i Si sin kɔlɛ'n ɔ'a ju, i sin nan b'a bo Delɛ-cɛn'n dilɛ'n bo. Kɛ ɔ fin i bo bolɛ nun'n, Jésus klo i fuɛ nga be o mɛn'n nun'n, ɔ klo be lele guɛ i ti nin i bo.

Jean 2:13

Kɛ Zuif'm be Delɛ-cɛn'n wa ju'n, Jésus ɔli Zerizalɛm.

Jean 6:4

Kɛ ɔ ´yo sɔ'n, wuun Delɛ-cɛn b'ɔ ti Zuif'm bé cɛn'n ɔ'a mantan.

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 16:16

Afuɛ nuan kwlakwla man amun nvle'n nun yasua'm be kwlakwla be wɔ Anannganman amun Nyanmiɛn'n i nyrun kpɛ nsan lika ng'ɔ kle'n nun. Be ko di cɛn nga be o yɛ mun: kpaun nga kpaun ayre nun-man nun'n i cɛn'n dilɛ'n, Pantkɔt, kpata bo tranlɛ i cɛn'n dilɛ'n. Nán amun bla Anannganman i nyrun ɔ nin amun sa ngbɛn.

1 Samiɛl 1:21

Kɛ ɔ yoli sɔ'n, Ɛlkana nin i awlofuɛ'm be kwlaa be ɔli Silo ekun afuɛ nuan kun tɛ'n i yilɛ ɔ nin tɛ kun ng'ɔ tali Nyanmiɛn nda kɛ ɔ yi mɛn i'n i yilɛ.

1 Samiɛl 1:3

Afuɛ nuan kwlaa bian sɔ'n fɛ i i klɔ lɛ kɔ Silo ko koto Anannganman b'ɔ sie mɛn wunmuan'n i bo. Ɔ sɔ i. Kɛ ɔ ´yo sɔ'n, wuun Anannganman i nyrun jranfuɛ nga be o lɛ'n yɛlɛ Eli i wa yasua nnyɔn mun: Ɔfni nin Fine.