JÉSUS-CHRIST I DYASIN FE'N BO LUC KLELI'N 2:4 - NYANMIƐN NDƐ'N 1998

⁴ Zozɛf kusu fin Nazarɛt klɔ'n su, Galile mɛn nun, yɛ ɔ ɔli Zide mɛn'n nun David i klɔ bɔ be flɛ i Bɛtleɛm'n su, yɛlɛ kɛ ɔ ti David awlofuɛ, yɛ ɔ ti i osufuɛ.

Nyanmien nde Ufle

⁴ Joseph kusu fin Nazareth, Galilée men'n nun o oo Judée men'n nun David i klo bo bé flee Bethléhem'n su, yele ke o ti David awlôfue, ye o ti i ôsufue,

JÉSUS-CHRIST I DYASIN FE'N BO LUC KLELI'N 2:4 ပူးပေါင်းရင်းမြစ်များ

Bo Bolɛ 35:19

Kɛ Rasɛl i wie'n yoli sa. Be sieli i atin ng'ɔ kɔ Efrata bɔ i dunman uflɛ'n yɛlɛ Bɛtleɛm'n i nuan.

Bo Bolɛ 48:7

Kɛ n fin Mezopotami m ´ba'n, Rasɛl wuli mín sa nun Kanaan mɛn'n nun lɔ Efrata wun koko lɔ, nan m'an sie i Efrata bɔ siɛn'n be flɛ i kɛ Bɛtleɛm'n i atin'n i nuan lɛ.»

Mise 5:2

Anannganman ´yi i sran'm be ase lele san bla ng'ɔ ko wu ba'n, ɔ ´wu i. Izraɛlfuɛ nga be ko trannin nvle kun nga'm be nun'n, be ´sa bé sin be niaan'm be wun wa.

Matthieu 1:20

Kɛ ɔ ´bu akunndan sɔ'n, e Min Nyanmiɛn'n i anz kun yi i wun kleli i laliɛ nun, ɔ seli i kɛ: «Zozɛf, David anunman, nán srɛ kun wɔ, fa ɔ yi Mari kɔ ɔ bo, afin ba'n bɔ ɔ'a wunnzɛ i'n ɔ fin Nyanmiɛn Wawɛ'n.

Matthieu 2:23

Nan ɔ'a tran klɔ kun bɔ be flɛ i kɛ Nazarɛt'n su nan ndɛ nga Nyanmiɛn nuan ijɔfuɛ'm be kannin'n ɔ'a kpɛn su. Be kɛnnin i kɛ: «Be wa flɛ i Nazarɛtfuɛ .»

JÉSUS-CHRIST I DYASIN FE'N BO LUC KLELI'N 2:3

Be kwlaa be ko klɛ be dunman be bɔbɔ be klɔ'm be su.

JÉSUS-CHRIST I DYASIN FE'N BO LUC KLELI'N 2:5

Ɔ ɔli kɛ ɔ nin Mari b'ɔ trɛli i ase bɔ ɔ'a wunnzɛ'n be ´ko klɛ be dunman.

JÉSUS-CHRIST I DYASIN FE'N BO LUC KLELI'N 4:16

Jésus ɔli Nazarɛt lɔ kan ɔ nyinnin lɔ'n. Wunmiɛn-delɛ-cɛn nun'n, ɔ wluli Nyanmiɛn ndɛ suanlɛ nin i srɛlɛ sua nun lɔ, afin titi kɛ wunmiɛn-delɛ-cɛn'n ju'n, ɔ yo i sɔ. Ɔ jaoli kɛ ɔ ´kanngan Nyanmiɛn ndɛ,

Jean 1:46

Natanaɛl seli i kɛ: «?Nazarɛt olɛ ng'ɔ o lɛ'n, like kpa kun kwla fin lɔ fite?» Filip seli i kɛ: «Bla wa nian.»

Jean 7:42

?B'a klɛ-mɛn i Nyanmiɛn Ndɛ nga be klɛli'n nun kɛ Krist'n ´fin David osu'n nun, b'a klɛ-mɛn i kɛ ɔ fin Bɛtleɛm b'ɔ ti David i klɔ'n i su lɔ ?»

Rit I Wun Ndɛ 1:19

Yɛ be sran nnyɔn'n be ɔli-ɔ. Be ɔli lele juli Bɛtleɛm. Klɔ wunmuan'n nunfuɛ'm bé nuan boli bé wun. Bla'm be usali bé wun kɛ: «Ai! ?Naomi li-ɔ?»

Rit I Wun Ndɛ 2:4

Be o lɛ, kpɛkuun Bɔaz ɔ'a fin Bɛtleɛm lɔ ɔ'a ba. Yɛ ɔ yoli junman difuɛ'm be like-ɔ. I waan: «Man Anannganman nin amun tran.» Be kusu be tɛli i su kɛ: «Man Anannganman yo ɔ liɛ ye.»

Rit I Wun Ndɛ 4:11

Be kwlaa nga be o lɛ'n, nin kpɛnngbɛn'm be ngba be waan: «Ɛɛn! Ɔ yoli e nyrun. Anannganman man bla nga ɔ'a wlu wɔ awlo nun yɛ'n ɔ yo kɛ Rasɛl nin Lea bɔ be nnyɔn'n be takali Izraɛl nvle'n sa. Yo sran dan Efrata nvle'n nun man ɔ dunman'n fu Bɛtleɛm wa .

Rit I Wun Ndɛ 4:17

Bla nga be nin be tran lɛ'n be waan: «Ee! Naomi ɔ'a nyɛn i wa kun.» Yɛ be tɔnnin i dunman kɛ Obɛd. Obɛd sɔ'n yɛ ɔ ti David i nannan nin-ɔn. I wa yɛlɛ David i si liɛ Izai.

1 Samiɛl 16:1

Anannganman seli Samiɛl kɛ: «?Sail ti a su yaci-man kokolɛ'n? N yili i ase wieli. Ɔ su yo-man Izraɛl famiɛn kun. Fa ɔ nnɛn wɛ'n, gua nun ngo nan kɔ Izai ng'ɔ o Bɛtleɛm i wun lɔ. I wa'm be nun kun yɛ m'an fɛ i kɛ ɔ wa yo famiɛn nin-ɔn.»

1 Samiɛl 16:4

Yɛ Samiɛl yoli like nga Anannganman seli i kɛ ɔ yo nin-ɔn. Ɔ ɔli Bɛtleɛm. Bɛtleɛm klɔ'n su kpɛnngbɛn'm be lɛ usulɛ, yɛ be wa toli i-ɔ. Be usɛli i kɛ: «?E wun wunlɛ wɛtɛɛ-ɔ?»

1 Samiɛl 17:12

Efrata bian kun tran Bɛtleɛm b'ɔ o Zida akpasua'n su. Be flɛ i kɛ Izai. Sail blɛ su'n, wuun ɔ'a yo oke. Izai lɛ ba yasua mɔcuɛ. I wa'n kun yɛlɛ David. I mma'm be nun kaklaakla nsan be nin Sail be ɔli alɛ kunlɛ. I mma sɔ mun be yɛlɛ: Eliab, Abinadab, yɛ Sama.

1 Samiɛl 17:58

Yɛ Sail usɛli i kɛ: «?Gbanflɛn, wan wa yɛlɛ wɔ?» David seli i kɛ: «Ɔ sufuɛ bɔ be flɛ i Izai'n, b'ɔ o Bɛtleɛm'n i wa yɛlɛ min.»

1 Samiɛl 20:6

Sɛ ɔ́ si usa min osu'n, se i kɛ: ‹David srɛli min atin, i waan ɔ ´kɔ i klɔ Bɛtleɛm lɔ ndɛndɛ nan ɔ'a ba. Lɔ afuɛ nuan tɛ yilɛ cɛn'n, yɛlɛ ndɛ.›