JÉSUS-CHRIST I DYASIN FE'N BO LUC KLELI'N 2:37 - NYANMIƐN NDƐ'N 1998

³⁷ ɔ'a ja-man bian kun. Ɔ'a di afuɛ ablaɔcuɛ-nin-nnan, ɔ tu-mɛn i bo Nyanmiɛn i sua'n nun. Ɔ su Nyanmiɛn kɔnguɛ nin wia nun, ɔ kpɛ srɛ nun yɛ ɔ srɛ Nyanmiɛn.

Nyanmien nde Ufle

³⁷ wa dya'a bian kun. Wa di afue ablaotyue-nin-nnan, o tu'e i bô Nyanmien sua dan'n nun, o su Nyanmien kongue nin wia nun, o kpe sre nun sre Nyanmien.

JÉSUS-CHRIST I DYASIN FE'N BO LUC KLELI'N 2:37 ပူးပေါင်းရင်းမြစ်များ

Jue Mun 22:2

Min Nyanmiɛn! Min Nyanmiɛn! ?Nguɛ ti yɛ a kaci ɔ sin si min-ɔn? ?Nguɛ ti yɛ a nin min ye afiɛn'n su ti nun bɔ a de-man min-ɔn? Kokolɛ'n ɔ'a kun min kpo. ?Nguɛ ti yɛ n flɛ wɔ bɔ a tɛ-man n su-ɔ ?

Jue Mun 23:6

N si kɛ kɛ min nyin tɛ o su'n a ´yi ɔ klun-ufue'n nin ɔ klolɛ'n be nglo min lika cɛn'n kwlakwla. Anannganman, n su yaci-man ɔ sua'n nun balɛ le, san m'an wu.

Jue Mun 27:4

Like nga n srɛ i Anannganman sa nun'n, ɔ ti kunngba cɛ. Yɛ kusu ɔ lo min kpa. Like sɔ'n yɛlɛ kɛ n klo kɛ n ´trɛn i sua'n nun cɛn kwlaa lele min nguan'n i awieliɛ, nan n ´kannvun i bɔbɔ Anannganman, afin ɔ yo nyɛnmɛn , yɛ n ´fa min wun m mɛntɛn i.

Jue Mun 84:10

Ee Nyanmiɛn, wɔ bɔ a ti kɛ e nyrɛn sa'n, nian! Ɔ sran bɔ a kpɛli i fa sieli famiɛn'n, niɛn i nyrun.

Jue Mun 84:4

Anannganman, wɔ bɔ a sie mɛn wunmuan'n, min famiɛn, min Nyanmiɛn, nian: ɔ liɛ ndrofia'm be bɔbɔ be lɛ sua, alialia'm be lɛ sua bɔ be sie be mma'm be nun ɔ sɔwlɛ'm be wun lɛ.

Jue Mun 92:13

Sran nga Nyanmiɛn bu be sran kpa'n, be nyin flololo kɛ mme'n sa, be trɛ kɛ Liban lɔ sɛdri waka'n sa.

Ezipt Lɔ Tulɛ'n 38:8

Be yoli aaba kpongbo dan'n, i bo'n ti aaba. Bla nga be di junman tannin sua nga Anannganman yi i wun nglo nun'n i anuan'n nun lɛ'n bé niannun'n yɛ be fa yoli-ɔ.

JÉSUS-CHRIST I DYASIN FE'N BO LUC KLELI'N 5:33

Be seli i kɛ: «Zan sɔnnzɔnfuɛ'm be nin Farizifuɛ'm be liɛ'n be ta srɛ nun kpɛ, be nin Nyanmiɛn koko yalɛ, sanngɛ ɔ liɛ'm be nɔn nzan be di like.»

Sa nga bé yôli'n 13:3

Kɛ be kpɛli srɛ nun bɔ be nin Nyanmiɛn kokoli yalɛ wieli'n, be fa bé sa fuali be su nan b'a man be atin kɛ be wɔ.

Sa nga bé yôli'n 14:23

Be siesieli kpɛnngbɛn mun be asɔnun'm be nun. Kɛ be kpɛli srɛ nun bɔ be seli Nyanmiɛn kɛ ɔ jran bé sin'n, be fa be wlali e Min'n bɔ be lafi i su'n, i sa nun.

Sa nga bé yôli'n 26:7

Kɛ e nvle blu-nin-nnyɔn'm be su Nyanmiɛn kɔnguɛ nin wia'n nun bɔ be yaci-man'n, be lafi su kɛ Nyanmiɛn wa yo like kunngba sɔ'n man be. Nannan, sa sɔ'n ti yɛ Zuif'm be sanmannin min-ɔn!

1 Timote 5:5

Bla nga i wun wuli b'ɔ lɛ-man sran niɛn-mɛn i lika mlɔnmlɔn'n, ɔ fɛ i wla'n gua Nyanmiɛn su, yɛ wia nun o, kɔnguɛ o, ɔ nin i koko yalɛ, ɔ srɛ i kɛ ɔ niɛn i su.

Sa nglô yile 3:12

Sran ng'ɔ kwla'n, n ´fɛ i n yo min Nyanmiɛn i sua'n i kuatrɛn'n kun, be su kaci-mɛn i. Min Nyanmiɛn i dunman'n nin min Nyanmiɛn i klɔ Zerizalɛm uflɛ b'ɔ fin i wun nyanmiɛn su lɔ jra'n i dunman'n, ɔ nin m bɔbɔ n dunman uflɛ'n, n ´fa be n ´klɛ i wun .

Sa nglô yile 7:15

I sɔ'n ti yɛ be jin Nyanmiɛn bia'n i nyrun lɛ be su i wia nun nin kɔnguɛ i sua nun nin-ɔn. Sran ng'ɔ ti bia'n su'n ɔ ´kata bé su.

1 Samiɛl 2:2

Klɔ sran i nzuɛn'n nin Anannganman i liɛ'n ti-man kun. Nyanmiɛn uflɛ nun-mɛn i sin. Like uflɛ nun-man lɛ b'ɔ kwla sasa ye-ɔ.