JÉSUS-CHRIST I DYASIN FE'N BO LUC KLELI'N 2:25 - NYANMIƐN NDƐ'N 1998

²⁵ Kɛ ɔ ´yo sɔ'n, wuun bian kun o Zerizalɛm, be flɛ i kɛ Simeɔn. Bian sɔ'n ti sran nanwlɛfuɛ, ɔ sro Nyanmiɛn kpa. Ɔ minndɛ Izraɛl i wla cicilɛ'n, yɛ Nyanmiɛn Wawɛ'n yɛ ɔ sie i-ɔ.

Nyanmien nde Ufle

²⁵ Ke oh yôh so'n, bian kun ô Jérusalem, bé flee Siméon. Bian so'n ti swran nanwlefue, o srô Nyanmien kpa. O minnde Israël i wla tyityile'n, ye Nyanmien Wawe'n ye o sié io.

JÉSUS-CHRIST I DYASIN FE'N BO LUC KLELI'N 2:25 ပူးပေါင်းရင်းမြစ်များ

Bo Bolɛ 6:9

Noe i wun ndɛ'n yɛ. Noe wuli ba yasua nsan: Be yɛlɛ Sɛm, nin Kam yɛ Zafɛt. Noe ti sran kpa, ɔ tu i klun su Nyanmiɛn. Ɔ nin Nyanmiɛn bé nuan sɛ.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 1:8

Anannganman seli Satan kɛ: «?A wunnin min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ.»

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 40:1

Amun Nyanmiɛn'n i waan: «Amun `fɔnvɔ min nvle'n nunfuɛ mun, amun `fɔnvɔ be.

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Kalɛ 11:25

Anannganman jrali sin wɛnsrɛn'n nun kpɛkuun ɔ nin Moiz be ijɔli. Nyanmiɛn fali Wawɛ ng'ɔ o Moiz i su'n wie mannin kpɛnngbɛn ableso sɔ mun. Kɛ Wawɛ'n jrali bé su'n yɛ be tɔli Nyanmiɛn i nuan ijɔlɛ'n su-ɔ. Sanngɛ i sɔ'n ɔ'a cɛ-man.

Kalɛ 11:29

Moiz tɛli i su kɛ: «?A su si mín ti kwla? ?Sɛ i li Anannganman fɛ i Wawɛ'n sie i nvlefuɛ'm be kwlaa be su nan be ijɔ i nuan'n, nán ndɛ fɛ-ɔ?»

Marc 15:43

Ɔ man Zozɛf b'ɔ fin Arimate'n, b'ɔ ti jɔlɛ difuɛ'm be nun kun'n, bɔ be bu i sran'n, bɔ i bɔbɔ kusu minndɛ cɛn nga Nyanmiɛn ´fɛ i mɛn'n, ɔ bali. Ɔ trɛli i anwlɛn ɔli Pilat wun lɔ ɔ ko srɛli Jésus fuɛn'n.

JÉSUS-CHRIST I DYASIN FE'N BO LUC KLELI'N 1:41

Kɛ Elizabɛt tili like bɔ Mari yoli i'n, i ku'n jaojaoli, Nyanmiɛn Wawɛ'n wluli'n i nun, ɔ kpannin kekle kpa kɛ:

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

JÉSUS-CHRIST I DYASIN FE'N BO LUC KLELI'N 1:67

Nyanmiɛn Wawɛ'n wluli i si Zakari i nun, ɔ kannin sa ng'ɔ wa yo'n, ɔ seli kɛ:

JÉSUS-CHRIST I DYASIN FE'N BO LUC KLELI'N 2:38

Bla sɔ'n kusu bali lɛ dɔ kunngba sɔ'n su, ɔ manmannin Nyanmiɛn, yɛ ɔ kannin Jésus ndɛ kleli be kwlaa nga be minndɛ kɛ Nyanmiɛn `de Zerizalɛmfuɛ mun'n.

Sa nga bé yôli'n 10:2

Ɔ nin i awlofuɛ'm be ngba be sro Nyanmiɛn. Ɔ yo yalɛfuɛ'm be ye kpa, ɔ koko yalɛ kle Nyanmiɛn tititi.

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Sa nga bé yôli'n 2:5

I nun sɔ nun'n, Zuif'm bɔ be sro Nyanmiɛn'n bɔ be fin mɛnmɛn'n kwlaa bɔ be o asiɛ'n su wa'n be nun'n, be o Zerizalɛm lɛ.

Sa nga bé yôli'n 24:16

I sɔ'n ti yɛ man n kusu m mian mín nyin kɛ min anwlɛn'n nun yo weiin titi Nyanmiɛn nin sran'm be nyrun nin-ɔn.

Mmla'n 18:15

Anannganman amun Nyanmiɛn'n ɔ wa man amun i nuan ijɔfuɛ kun kɛ min sa b'ɔ ti amun nvle'n nunfuɛ. Amun `fa ndɛ ng'ɔ ´kan'n su.

2 Piɛr 1:21

Afin Nyanmiɛn ndɛ nga sran'm be kannin'n, b'a kpɛ-man wie fi bé ti nun yɛ be kannin-ɔn, i Wawɛ'n yɛ ɔ fa wla bé nuan yɛ be kannin-ɔn.