JÉSUS-CHRIST I DYASIN FE'N BO LUC KLELI'N 2:11 - NYANMIƐN NDƐ'N 1998

¹¹ Yɛlɛ kɛ ndɛkɛn David klɔ lɔ'n, b'a wu Defuɛ kun b'a man amun, ɔ ti Krist, ɔ ti e Min .

Nyanmien nde Ufle

¹¹ Yele ke ndeken David klo lo ba wu Défue kun ba man amun b'o ti Christ (*f1*), o ti é Min.

JÉSUS-CHRIST I DYASIN FE'N BO LUC KLELI'N 2:11 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Bo Bolɛ 49:10

Famiɛn kpɔnman'n ɔ ti Zida awlo'n i liɛ mlɔnmlɔn, kpɛnngbɛn kpɔnman'n ɔ ti i osu'n i liɛ titi lele san sran ng'ɔ lɛ i bo'n ɔ'a ba, nan nvle'm be kwlaa b'a su i .

Jue Mun 2:2

Asiɛ'n su wa famiɛn'm b'a jaso. Bé bo ɔ'a yo kun Anannganman nin i sran ng'ɔ sieli i famiɛn'n bé wun.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Matthieu 1:16

Zakɔb wuli Zozɛf b'ɔ ti Mari wun'n. Mari sɔ'n yɛ ɔ wuli Jésus bɔ be flɛ i Krist nin-ɔn.

Matthieu 1:21

Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»

Matthieu 16:16

Simɔn Piɛr tɛli su kɛ: «A ti Krist, Nyanmiɛn'n b'ɔ lafi-man i Wa'n yɛlɛ wɔ.»

Matthieu 16:20

Yɛ ɔ wlɛli i sɔnnzɔnfuɛ'm bé su nun kpa kɛ nán man be kan kle sran fi kɛ ɔ ti Krist.

JÉSUS-CHRIST I DYASIN FE'N BO LUC KLELI'N 1:43

?Wan yɛlɛ min bɔ min Min'n i nin'n ba min wun wa-a?

JÉSUS-CHRIST I DYASIN FE'N BO LUC KLELI'N 1:69

Yɛ ɔ'a fɛ i sran David awlofuɛ kun b'ɔ kwla de ye'n ɔ'a man ye.

JÉSUS-CHRIST I DYASIN FE'N BO LUC KLELI'N 2:26

Nyanmiɛn man i Wawɛ'n bo su klɛli i kɛ san ɔ ´wun e Min Nyanmiɛn i Krist'n nan ɔ'a wu.

JÉSUS-CHRIST I DYASIN FE'N BO LUC KLELI'N 2:4

Zozɛf kusu fin Nazarɛt klɔ'n su, Galile mɛn nun, yɛ ɔ ɔli Zide mɛn'n nun David i klɔ bɔ be flɛ i Bɛtleɛm'n su, yɛlɛ kɛ ɔ ti David awlofuɛ, yɛ ɔ ti i osufuɛ.

Jean 1:41

Ɔ ko toli i niaan bian Simɔn, yɛ ɔ seli i kɛ: «Y'a wun Mɛsi'n bɔ i bo yɛlɛ Krist'n.»

Jean 1:45

Filip ko toli Natanaɛl, yɛ ɔ seli i kɛ: «Y'a wun sran nga e kɛnngɛn i ndɛ Moiz mmla fluwa'n nin Nyanmiɛn nuan ijɔfuɛ'm be liɛ'n nun'n, yɛlɛ Zozɛf i wa Jésus b'ɔ fin Nazarɛt.»

Jean 11:27

Yɛ ɔ seli i kɛ: «Ɛɛn. Nannan, n si kɛ wɔ yɛ a ti Krist nin-ɔn. A ti Nyanmiɛn Wa bɔ be waan ɔ ´ba mɛn'n nun'n.»

Jean 20:31

Sanngɛ kɛ ɔ ´yo nan amu'an lafi su kɛ Jésus ti Krist nan ɔ ti Nyanmiɛn i Wa'n, i ti yɛ be klɛli nga-a, yɛ sɛ an lafi i su'n, i ti amun ´nyan nguan .

Jean 4:25

Bla'n seli i kɛ: «N si kɛ Mɛsi bɔ be flɛ i Krist'n ɔ ´ba. Sɛ ɔ ba'n, ɔ ´kan ndɛ'n kwlaa kle ye.»

Jean 4:42

yɛ be seli bla'n kɛ: «Nán ndɛ nga a kannin'n ngunmin ti yɛ y'a lafi i su-ɔ, afin y'a ti i bɔbɔ i nuan nun ndɛ, ɔ man e si kɛ ɔ ti mɛn wunmuan'n i Defuɛ sakpa.»

Jean 6:69

E lafi su yɛ e si kɛ a ti Nyanmiɛn i Sran.»

Jean 7:41

Wie'm be kusu be waan: «Bian nga yɛ ɔ ti Krist nin-ɔn.» Yɛ wie'm be usali kɛ: «Ai, Galile yɛ Krist'n fin-ɔn?

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 13:23

I osu'n nun yɛ Nyanmiɛn man be wuli Jésus b'ɔ ti Izraɛlfuɛ'm be defuɛ nin-ɔn, afin ɔ dun mmua seli be kɛ ɔ ´yo i sɔ.

Sa nga bé yôli'n 17:3

ɔ tuli ndɛ sɔ'n i bo kleli be weiin, ɔ seli be kɛ Krist i nyrɛnnɛn wunlɛ'n nin i cɛnlɛ'n ɔ ti su. Yɛ ɔ seli be kɛ: «Jésus bɔ n kɛn i ndɛ kle amun'n, i yɛ ɔ ti Krist nin-ɔn.»

Sa nga bé yôli'n 2:36

I sɔ'n ti, man Izraɛl osufuɛ'm be kwlaa be si kpa kɛ Jésus sɔ'n bɔ an boboli i waka'n su'n, i yɛ Nyanmiɛn sieli kɛ ɔ ti e Min nin Krist nin-ɔn.»

Sa nga bé yôli'n 5:31

Nyanmiɛn fɛ i sieli i fama su kɛ ɔ yo ye Atin Klefuɛ nin e Defuɛ kɛ ɔ yo nan Izraɛlfuɛ'm b'a kwla kaci be nzuɛn'n nan Nyanmiɛn ɔ'a yaci sa nga be yoli i'n ɔ'a cɛ be'n ti.

1 Korɛntfuɛ Mun 15:47

Fa yɛ Nyanmiɛn fa yili sran klikli nin-ɔn, ɔ man ɔ ti asiɛ'n su wafuɛ. Sran nnyɔn su'n fin nyanmiɛn su lɔ .

Filipfuɛ Mun 2:11

yɛ ɔ `fite be kwlaa bé nuan kɛ Jésus-Krist ti be Min, nan e Si Nyanmiɛn'n `nyan nyrun .

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

Kolɔsfuɛ Mun 2:6

I sɔ'n ti'n kɛ an kplinnin su kɛ Krist-Jésus `yo amun Min'n, man amun nyoliɛ'n kle kɛ amun nin i a kaci sran wunmuan,

1 Jean 4:14

E wun kɛ e Si sunmɛnnin i Wa'n mɛn'n nun kɛ ɔ wa de sran mun yɛ man e kan-an.

1 Jean 5:1

Sran kwlaa ng'ɔ lafi su kɛ Jésus ti Krist'n, wuun ɔ ti Nyanmiɛn wa. Sran nga be klo i'n, be klo i nin i wa'n.