JÉSUS-CHRIST I DYASIN FE'N BO LUC KLELI'N 19:17 - NYANMIƐN NDƐ'N 1998

¹⁷ Yɛ wlengbi'n seli i kɛ: ‹Ɔ ti kpa, a ti sran kpa, like kaan nga m mannin wɔ bɔ a yoli i kpa'n ti'n, m ´man wɔ klɔ blu nan a sie be.›

Nyanmien nde Ufle

¹⁷ Ye o sé i ke: O ti kpa, a ti swran kpa, liké kaan nga m maan wo bo a yôli i kpa'n ti, mh manh o klo blu nan a sié bé.

JÉSUS-CHRIST I DYASIN FE'N BO LUC KLELI'N 19:17 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 16:10

Sran ng'ɔ di nanwlɛ ninnge kanngan'm bé su'n, ɔ di nanwlɛ ninnge dandan'm be su, sanngɛ sran ng'ɔ di-man nanwlɛ ninnge kanngan'm bé su'n, ɔ kwla di-man nanwlɛ ninnge dandan'm bé su.

Matthieu 25:21

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n kusu n ´fa wɔ sie like dan su. Bla man e si able.›

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

Bo Bolɛ 39:4

I wun yoli i min'n fɛ. Bian'n fɛli i yoli i gbanflɛn. Ɔ fɛli i awlo'n nin i bo ninnge mun kwlaa mɛnnin i kɛ ɔ nian be su.

1 Piɛr 5:4

Yɛ cɛn nga Bua Tafuɛ Dan'n ba'n, ɔ ´yo amun mo, dunman nga amun ´nyɛn i'n, ɔ su wie-man mlɔnmlɔn.

2 Timote 2:10

I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

Rɔmfuɛ Mun 2:29

sanngɛ Zuif kpa'n yɛlɛ sran ng'ɔ ti sɔ i anwlɛn nun'n, yɛ klɛn wlalɛ kpa'n yɛlɛ nga Nyanmiɛn Wawɛ'n wlɛ i sran i anwlɛn'n nun b'ɔ fin-man mmla nga be klɛli nun'n. Nán sran mun yɛ be yi Zuif kpa sɔ'n i ayɛ-ɔ, Nyanmiɛn bɔbɔ yɛ ɔ yi i ayɛ-ɔ.

JÉSUS-CHRIST I DYASIN FE'N BO LUC KLELI'N 22:30

nan tabli nga n ´di su min mɛn'n nun lɔ'n, an ´di su wie, yɛ n ´sie amun bia su man be ´fa Izraɛl nvle blu-nin-nnyɔn mun ba amún ja su.»

Nyanndra Mun 27:18

Sran ng'ɔ nian figie'n su'n, ɔ ´di i su mma. Sran nga kusu bɔ niɛn i min bian'n i lika kpa'n, ɔ ´nyan nyrun .

JÉSUS-CHRIST I DYASIN FE'N BO LUC KLELI'N 19:16

Kun bali, ɔ seli kɛ: ‹Baba, mini kun bɔ a mannin min'n, n fa kacikacili ń sa ɔ'a ju blu.›

JÉSUS-CHRIST I DYASIN FE'N BO LUC KLELI'N 19:18

Kun ekun bali, ɔ seli kɛ: ‹Baba, mini kun bɔ a mannin min'n, n fa kacikacili ń sa ɔ'a ju nnun.›