JÉSUS-CHRIST I DYASIN FE'N BO LUC KLELI'N 18:9 - NYANMIƐN NDƐ'N 1998

⁹ Ɔ buli nyanndra nga ekun kleli be bɔ be bu bé wun sran kpa'n, bɔ be yo sran wie'm be finfin'n.

Nyanmien nde Ufle

⁹ O bu nyanndra nga ékun kléé bé bo bé bu bé wun swran kpa, bo bé yô swran wié'm bé finfin'n.

JÉSUS-CHRIST I DYASIN FE'N BO LUC KLELI'N 18:9 ပူးပေါင်းရင်းမြစ်များ

Nyanndra Mun 30:12

Sran'n wie o lɛ'n, ɔ bu i wun saun kusu wuun ɔ nian salo-mɛn i wun fiɛn'n le.

Ezai 65:5

Be se be nga be nin be yia'n be kɛ: «Amun `cuɛn amún wun siɛn, nán amun kan ye, sɛ ɔ'a yo-man sɔ-ɔ, kɛ bɔ e ti saun dan'n, sɛ amun mantan ye'n, amun ´wu.» Kɛ n wun sa tɛtɛ sɔ mun'n, n fa ya, yɛ min anwlɛn'n be min klun.

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Saun Yolɛ 13:32

Sɛ i cɛn ba nso'n su'n, min nyrun jranfuɛ'n niɛn i uflɛ ekun, nan ɔ wun kɛ tukpacɛ'n ɔ'a trɛ-man, sɛ ɔ'a wun-man kannin sran sɔ'n i kplo'n su'n, yɛ sɛ ɔ wun kɛ ndrɛ ng'ɔ o lɛ'n ti-man fliflaii'n,

JÉSUS-CHRIST I DYASIN FE'N BO LUC KLELI'N 10:29

Sanngɛ ɔ klo kɛ be bu i sran kpa, i sɔ'n ti ɔ usali Jésus kɛ: «?Wan yɛ ɔ ti n wiengu nin-ɔn?»

JÉSUS-CHRIST I DYASIN FE'N BO LUC KLELI'N 15:2

Farizifuɛ'm be nin mmla klefuɛ'm be trɛtrɛli i kɛ: «Bian nga sɔ sa tɛtɛ yofuɛ'm be nun, ɔ nin be di like.»

JÉSUS-CHRIST I DYASIN FE'N BO LUC KLELI'N 16:15

Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

JÉSUS-CHRIST I DYASIN FE'N BO LUC KLELI'N 18:11

Farizifuɛ'n jrannin nglo ɔ kannin kɛ i bɔbɔ ti'n kleli Nyanmiɛn, ɔ seli kɛ: ‹Nyanmiɛn, kwla o, afin n liɛ'n, n ti-man kɛ sran nga'm be sa: be de sran like wue kekle su, be di-man nanwlɛ, be kunndɛ bla bé yi bo nin bian bé wun bo, yɛ n ti-man kɛ gua bo sika defuɛ ng'ɔ jin yɛ'n sa.

JÉSUS-CHRIST I DYASIN FE'N BO LUC KLELI'N 19:7

Kɛ sran'm be wunnin i sɔ'n, be kwlaa be kɛnnin i ndɛ, be seli kɛ: «Ɔ'a ko sike bian sa tɛtɛ yofuɛ'n.»

JÉSUS-CHRIST I DYASIN FE'N BO LUC KLELI'N 7:39

Kɛ Farizifuɛ b'ɔ yiali Jésus'n wunnin sa sɔ'n, ɔ seli i klun lɔ kɛ: «Sɛ bian nga ti Nyanmiɛn nuan ijɔfuɛ sakpa'n, wuun ɔ ´si bla ng'ɔ kɛn i yɛ'n yɛ ɔ ´wun i sran wafa ng'ɔ ti'n, wuun ɔ ´si kɛ sa tɛtɛ yofuɛ-ɔ.»

Jean 8:48

Zuif'm be seli i kɛ: «?Kɛ e se wɔ kɛ a ti Samarifuɛ nan like wie su ɔ su'n, e ndɛ'n ti-man nanwlɛ?»

Jean 9:28

Be kpɛli i nzowa, be seli kɛ: «Wɔ yɛ a ti bian sɔ'n i sɔnnzɔnfuɛ-ɔ, e liɛ'n, e ti Moiz i sɔnnzɔnfuɛ.»

Jean 9:34

Be seli i kɛ: «?Ɔ bɔ kɛ be wuli wɔ'n, sa tɛtɛ'n yɛ ɔ ti ɔ junman'n, a wa kle ye like?» Yɛ be kɛnnin i bo-ɔ.

Sa nga bé yôli'n 22:21

Yɛ ɔ seli n kɛ: ‹Kɔ, m ma sunman wɔ mmua be bɔ be ti-man Zuif'n bé sin.› »

Rɔmfuɛ Mun 10:3

Afin kɛ be si-man like wafa nga Nyanmiɛn yo b'ɔ bu sran sran kpa'n, bɔ be bɔbɔ be kunndɛ like wafa nga be yo nan b'a yo sran kpa'n, ɔ man b'a fa-man Nyanmiɛn liɛ'n su.

Rɔmfuɛ Mun 14:10

?Ɔ kpa'n, a fin ɔ liɛ nin bɔ a kan ɔ niaan i wun ndɛ annzɛ a yo i finfin nin-ɔn? Afin be wa fa e kwlaa kɔ Nyanmiɛn ja su.

Rɔmfuɛ Mun 14:3

Nán man sran ng'ɔ di like'n kwlaa'n, ɔ yo sran ng'ɔ di-man'n i finfin, yɛ nga kusu b'ɔ di-man'n, nán man ɔ kan sran ng'ɔ di'n i ndɛ, afin Nyanmiɛn bɔbɔ a sɔ i nun.

Rɔmfuɛ Mun 7:9

Laa bɔ n di-man mmla'n su'n, n wo lɛ, sanngɛ kɛ mmla kun sɔ'n bali'n, yɛ man be bu sa tɛ'n like