JÉSUS-CHRIST I DYASIN FE'N BO LUC KLELI'N 18:32 - NYANMIƐN NDƐ'N 1998

³² Be ´fa min man be bɔ be ti-man Zuif'n, be ´yo n finfin, be ´yo n tɛtɛ, be ´gua mín wun ngɔsrɛ.

Nyanmien nde Ufle

³² Béh fah min man bé bo bé ti'a Juif'n, béh yôh n finfin, béh yôh n tete, béh guah min wun ngosre.

JÉSUS-CHRIST I DYASIN FE'N BO LUC KLELI'N 18:32 ပူးပေါင်းရင်းမြစ်များ

Ezai 50:6

N tikeli min sin'n su m mannin be nga be boli min'n, n yacili min nyrun'n lɛ m mannin be nga be tutuli min akanza'n kɛ be ´kpɛ min nzowa'n, kɛ be ´ti be nuan nzue ´ta mín wun'n, m'an kata-man min nyrun .

Ezai 52:14

Kɛ sran sunman be wunnin i'n, srɛ kunnin be dan. Afin kɛ a wun i nyrun'n sa'n, a wun-mɛn i sran wlɛ kun, i wafa'n ti-man kɛ sran'm be liɛ'n sa kun.

Ezai 53:3

Sran'm be yoli i finfin, be kacili bé sin sili i, ɔ ti afɛfuɛ, nyrɛnnɛn'n yɛ ɔ wun i sa tititi-ɔ. Ɔ yoli kɛ sran bɔ be wun i-ɔ be to bé nyin blo'n sa, e yoli i finfin, y'a bu-mɛn i like fi.

Mise 5:1

Anannganman kan ndɛ kleli Bɛtleɛm-Efrata, ɔ seli kɛ: «Bɛtleɛm-Efrata, wɔ bɔ a ti Zida akpasua'n be nun kaan kpa'n, ɔ su lɔ yɛ sran ng'ɔ ko sie Izraɛl'n ɔ ´fin fite-ɔ. Sran sɔ'n i afiliɛ'n fin lalafuɛ nun, ɔ ti adudua .»

Matthieu 16:21

Kɛ ɔ fin cɛn sɔ'n nun'n, Jésus boli i sɔnnzɔnfuɛ'm be kan klelɛ bo kɛ, san ɔ ´kɔ Zerizalɛm ɔ ´wun nyrɛnnɛn dan kpɛnngbɛn mun, nin Nyanmiɛn nyrun jranfuɛ dandan mun, ɔ nin mmla klefuɛ'm bé sa nun nan be ´kun i, yɛ i le nsan su, ɔ ´cɛn.

Matthieu 20:19

Be ´se kɛ m'an di fɔ nan be `kun min, be ´fa min wla be bɔ be ti-man Zuif'm bé sa nun kɛ be `yo n finfin, be ´bo min nin ngble, be ´bobo min waka'n su, yɛ i le nsan su n ´cɛn.»

Matthieu 22:6

Yɛ wie'm be trɛli i sran sɔ mun nan b'a yo be tɛtɛ i sin be kunnin be.

Matthieu 26:67

Kɛ ɔ yoli sɔ'n, yɛ be guɛli i nyrun ngɔsrɛ-ɔ, yɛ be boli i acɔliɛ-ɔ.

Matthieu 27:2

Kɛ be cili i'n, be fɛ i ko mannin Pilat b'ɔ sie be'n.

Marc 14:65

Be wie'm be guɛli i wun ngɔsrɛ, be boli i zaga, be usɛli i kɛ: «?Wan yɛ ɔ boli wɔ-ɔ?» Yɛ sua sunianfuɛ'm be sɔli i bolɛ su-ɔ.

Marc 15:1

Kɛ aliɛ'n cɛnnin'n, Nyanmiɛn nyrun jranfuɛ dandan mun, nin kpɛnngbɛn mun, yɛ mmla klefuɛ mun be nin jɔlɛ difuɛ'm be kwlaa be yiali nan b'a wun bé wun. Kɛ be cili Jésus'n, be fɛ i ɔli nan b'a fɛ i a wla Pilat sa nun.

JÉSUS-CHRIST I DYASIN FE'N BO LUC KLELI'N 18:33

Be ´bo min, yɛ be ´kun min, sanngɛ i le nsan su n ´cɛn .»

JÉSUS-CHRIST I DYASIN FE'N BO LUC KLELI'N 23:1

Be kwlaa be jao fa Jésus ɔli Pilat ja su.

JÉSUS-CHRIST I DYASIN FE'N BO LUC KLELI'N 23:11

Erɔd nin i sonja mun be yoli i finfin, be srili i, be wlɛli i wun tralɛ klanman kpa nan b'a fɛ i a ko man Pilat .

JÉSUS-CHRIST I DYASIN FE'N BO LUC KLELI'N 23:35

Sran'm be jin lɛ yɛ be niɛn i-ɔ. Ngbɛn-ngbɛn'm be kusu be srili i, be seli kɛ: «Ɔ deli sran wie mun, sɛ i yɛ ɔ ti Krist bɔ Nyanmiɛn fɛ i sieli'n, man ɔ de i bɔbɔ wun!»

Jean 18:22

Kɛ Jésus ´se sɔ'n, wuun sonja kun mɛntɛn i lɛ. Ɔ kpacili i nyin nun, yɛ ɔ seli i kɛ: «?Ndɛ nga a kan kle Nyanmiɛn nyrun jranfuɛ'm be su kpɛn'n yɛ?»

Jean 18:28

Kɛ be nin i fin Kaif awlo lɔ'n, be fɛ i ɔli Pilat awlo lɔ. Kɛ ɔ ´yo sɔ'n, wuun lika'n nian wie-man cɛn. Kɛ ɔ ´yo nan Zuif'm b'a kan-man fiɛn nan b'a kwla di Delɛ-cɛn wie'n, be bɔbɔ b'a wlu-man lɔ.

Jean 18:30

Be tɛli i su kɛ: «Sɛ ɔ'a yo-man sa tɛ'n, wuun y'a fɛ-mɛn i a blɛ-man wɔ.»

Jean 18:32

Be kɛn i sɔ nan Jésus i wulɛ wafa ng'ɔ kan kleli be kɛ ɔ ´wu'n, ɔ `kpɛn su.

Jean 18:35

Pilat tɛli i su kɛ: «?Be waan Zuif yɛlɛ min? Ɔ bɔbɔ ɔ nvlefuɛ nin Nyanmiɛn nyrun jranfuɛ dandan mun yɛ be fa wɔ blɛli min-ɔn. ?Nguɛ sa yɛ a yoli-ɔ?»

Sa nga bé yôli'n 2:23

Kɛ Nyanmiɛn bɔbɔ dun mmua buli i akunndan b'ɔ sieli i kɛ be `fa bian sɔ'n be man sran mun'n, be kunnin i.

Sa nga bé yôli'n 3:13

Abraam, nin Izaak, nin Zakɔb be Nyanmiɛn b'ɔ ti e nannan'm be Nyanmiɛn kusu'n, ɔ yoli man i Sran Jésus nyannin nyrun, i yɛ an fɛ i mannin sran mun nin-ɔn, i yɛ kɛ Pilat waan ɔ ´yaci i nun, amu'an kplin-man su, bɔ an yili i blo nin-ɔn .