JÉSUS-CHRIST I DYASIN FE'N BO LUC KLELI'N 18:14 - NYANMIƐN NDƐ'N 1998

¹⁴ Nanwlɛ, kɛ gua bo sika defuɛ sɔ'n ´kɔ i awlo'n, Nyanmiɛn nin i be afiɛn a sɛ, sanngɛ ɔ nin kun'n be afiɛn a sɛ-man. Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

Nyanmien nde Ufle

¹⁴ Nanwle, ke guabô sika défue so'n koh i awlô'n, Nyanmien nin i bé afien a se, sannge o nin kun'n bé afien a seman. Afin swran kwlaa ng'o yô i wun dandan'n, Nyanmien gueh i nyin asé, sannge swran ng'o tu'e i wun'n, Nyanmien man oh nyanh nyrun.

JÉSUS-CHRIST I DYASIN FE'N BO LUC KLELI'N 18:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 22:29

Nyanmiɛn man wun tufuɛ'm be like nga be siesie kɛ be ´yo'n, ɔ kpi ase. Sanngɛ ɔ uka be nga be kan bé wun ase'n.

Zɔb I Nyrɛnnɛn Wunlɛ 25:4

?Sran yo kpa Nyanmiɛn nyrun sɛ yɛ ɔ yo ye-ɔ? Klɔ sran'n ɔ ´yo sɛ yɛ ɔ ´yo saun i nyrun-ɔn?

Zɔb I Nyrɛnnɛn Wunlɛ 9:20

Sɛ min ndɛ yo fɛ o, ɔ ´bu min fɔ. Sɛ m'an fɔn-man mlɔnmlɔn'n, kannzɛ n kɛn i sɛ n kɛn i sɛ'n, san ɔ ´bu ndɛ'n yi min su.

Jue Mun 138:6

Anannganman o nglo lɔ, sanngɛ ɔ wun be nga be kan bé wun ase'n mun. Sran nga be yo bé wun dandan'n, ɔ o mmua lɔ ɔ wun be .

Jue Mun 143:2

N ti ɔ sufuɛ, nán se kɛ a ´bu min fɔ. Asiɛ nga su wa'n, sran fi nun-man wa bɔ fiɛn nun-mɛn i wun ɔ́ nyrun-ɔn .

Ezipt Lɔ Tulɛ'n 18:11

Siɛn liɛ'n, m'an si kɛ Anannganman ti dan tra amuɛn'm be kwlakwla. Ɔ yili i dan b'ɔ ti'n i nglo blɛ bɔ Eziptfuɛ'm be ´kle Izraɛlfuɛ'm be nyrɛnnɛn'n.»

Nyanndra Mun 15:33

Bé nyin b'ɔ yi Anannganman'n ɔ man ngwlɛlɛ. Sɛ a dun mmua kan ɔ wun ase'n, yɛ a ´nyan nyrun-ɔn.

Nyanndra Mun 18:12

Tutre'n man be di yalɛ, sanngɛ wun ase kanlɛ'n ɔ man be anyrunnyan.

Nyanndra Mun 25:7

I liɛ'n, sɛ be se wɔ kɛ: «Lika kpa yɛ, bla wa tran wa'n.» Ɔ ti kpa tra kɛ b'a se wɔ kɛ: «Fa bia'n man kpɛnngbɛn'n .»

Nyanndra Mun 29:23

Wun tulɛ'n ɔ gua bé nyin ase. Sanngɛ sran ng'ɔ kɛn i wun ase'n ɔ nyan nyrun.

Nyanndra Mun 3:34

Be nga bɔ sran yɛ be sri i'n, srilɛ yɛ Anannganman kusu sri be-ɔ. Sanngɛ anyinyiɛfuɛ mun'n, ye yɛ ɔ fa yo be-ɔ .

Akunndanfuɛ'n 9:7

I sɔ'n ti, di ɔ́ sa ti aliɛ'n, nan nɔn ɔ́ sa ti nzan'n man ɔ klun jɔ. Afin ɔ sa nga a yo be'n, be jɔ Nyanmiɛn i klun.

Ezai 45:25

Sanngɛ Anannganman ɔ ´bu Izraɛlfuɛ'm be sran kpa, yɛ be ´fɛ i sɔ'n di bé nuan.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Abakik 2:4

Klɛ i kɛ: Nian, wun tufuɛ'n, i klun akunndan'n ti-man kpa. Sanngɛ sran ng'ɔ lafi n su b'ɔ man ɔ kaci sran kpa'n, ɔ ´nyan nguan .

Matthieu 23:12

Sran ng'ɔ yo i wun dandan'n, Nyanmiɛn wa guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.

Matthieu 5:3

«Be nga be si kɛ be di Nyanmiɛn ninnge'm be yalɛ'n, be liɛ su ti ye, afin Nyanmiɛn yɛ ɔ sie be sakpa-a!

JÉSUS-CHRIST I DYASIN FE'N BO LUC KLELI'N 1:52

Ɔ kpaloli famiɛn ngbli-ngbli'm bé bo bia'n, ɔ mannin yalɛfuɛ'm be su.

JÉSUS-CHRIST I DYASIN FE'N BO LUC KLELI'N 10:29

Sanngɛ ɔ klo kɛ be bu i sran kpa, i sɔ'n ti ɔ usali Jésus kɛ: «?Wan yɛ ɔ ti n wiengu nin-ɔn?»

JÉSUS-CHRIST I DYASIN FE'N BO LUC KLELI'N 14:11

Afin sran kwlaa ng'ɔ yo i wun dandan'n, Nyanmiɛn ´guɛ i nyin ase, sanngɛ sran ng'ɔ tu-mɛn i wun'n, Nyanmiɛn man ɔ ´nyan nyrun.»

JÉSUS-CHRIST I DYASIN FE'N BO LUC KLELI'N 16:15

Yɛ ɔ seli be kɛ: «Amun liɛ'n, an ti sran bɔ an yo amún wun sran'm be nyrun kɛ an ti sran kpa, sanngɛ Nyanmiɛn si amun klun akunndan'n, afin like nga sran'm be klo i be bu i like kpa'n, ɔ ti kain Nyanmiɛn nyrun .

Rɔmfuɛ Mun 3:20

Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

Rɔmfuɛ Mun 4:5

Sanngɛ sran ng'ɔ yo-man like fi nan ɔ lafi Nyanmiɛn b'ɔ bu sran b'ɔ sro-mɛn i'n i sran kpa'n i su'n, ɔ kaci sran sɔ'n i sran kpa i su b'ɔ lafi'n ti.

Rɔmfuɛ Mun 5:1

I sɔ'n ti, Nyanmiɛn a bu ye sran kpa i su bɔ e lafi'n ti, ɔ man siɛn'n e Min Jésus-Krist ti e nin i e afiɛn a sɛ.

Rɔmfuɛ Mun 8:33

?Wan yɛ ɔ kwla saci be bɔ Nyanmiɛn fali be'n be dunman-an? Nyanmiɛn yɛ ɔ bu be sran kpa-a.

Galasifuɛ Mun 2:16

Kannzɛ e ti sɔ'n, e si kɛ Nyanmiɛn bu-man sran fi sran kpa mmla'n b'ɔ fa su'n ti, san Krist-Jésus su bɔ sran lafi'n ti yɛ man Nyanmiɛn bu i sran kpa-a. E kusu, kɛ ɔ ko yo nan Nyanmiɛn a bu e sran kpa Krist bɔ e lafi i su'n ti'n, nan ɔ'a yo-man kɛ mmla'n bɔ e fa su'n ti yɛ ɔ bu ye sran kpa'n, i ti yɛ e lafili Krist-Jésus su-ɔ. Afin Nyanmiɛn su bu-man sran fi sran kpa mmla'n b'ɔ fa su'n ti .

Jacques 4:10

An `yo amún wun aenvuɛ e Min Nyanmiɛn'n i nyrun, yɛ ɔ man amun ´nyan nyrun.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»

1 Samiɛl 1:18

Ani tɛli i su kɛ: «Ɔ kusu suan mín bo sa titi.» Kɛ bla sɔ'n wɔli'n, ɔ ko dili like siɛn'n, yɛ i nyrun b'ɔ ti mlanwa'n ɔ titili.