JÉSUS-CHRIST I DYASIN FE'N BO LUC KLELI'N 18:11 - NYANMIƐN NDƐ'N 1998

¹¹ Farizifuɛ'n jrannin nglo ɔ kannin kɛ i bɔbɔ ti'n kleli Nyanmiɛn, ɔ seli kɛ: ‹Nyanmiɛn, kwla o, afin n liɛ'n, n ti-man kɛ sran nga'm be sa: be de sran like wue kekle su, be di-man nanwlɛ, be kunndɛ bla bé yi bo nin bian bé wun bo, yɛ n ti-man kɛ gua bo sika defuɛ ng'ɔ jin yɛ'n sa.

Nyanmien nde Ufle

¹¹ Pharisifue'n dyran nglô o kan ke i bobo ti'n klé Nyanmien, o sé ke: Nyanmien Kpli, kwla ô, afin n lie'n, n ti'a ke swran nga'm bé sa, bo bé dé swran liké wué kéklé su, bé di'a nanwle, bé kunnde bla bé yi bô nin bian bé wun bô'n bé lie'n sa, ye n ti'a ke guabô sika défue ng'o dyin ye'n sa.

JÉSUS-CHRIST I DYASIN FE'N BO LUC KLELI'N 18:11 ပူးပေါင်းရင်းမြစ်များ

Jue Mun 134:1

Zerizalɛm kɔlɛ'n i su jue. Amun bɔ an su Anannganman'n, bɔ kɔnguɛ amun jran i sua'n nun'n, an `lɛ i ase .

Jue Mun 135:2

An bɔ an jran Anannganman i sua nun'n, an bɔ an wo i awlo'n nun'n, an `mɛnmɛn i.

Nyanndra Mun 20:6

Sran'm be pɛ lika be yi be bɔbɔ bé wun ayɛ. Sanngɛ sran ng'ɔ ti kpa'n be kunndɛ i-ɔ, be nyɛn-mɛn i.

Nyanndra Mun 30:12

Sran'n wie o lɛ'n, ɔ bu i wun saun kusu wuun ɔ nian salo-mɛn i wun fiɛn'n le.

Ezai 1:15

Kɛ amun man amún sa'm be su kɛ amun ´srɛ min'n, n kata min nyin kɛ ɔ ´yo nan m'an wun-man amun'n ti. Sɛ amun srɛ min bɔ lele'n, ɔ ti ngbɛn. N su sie-man min su. Afin sran'm be mmoja ase gualɛ'n yɛ ɔ ti amun junman-an.

Ezai 58:2

Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.

Ezai 65:5

Be se be nga be nin be yia'n be kɛ: «Amun `cuɛn amún wun siɛn, nán amun kan ye, sɛ ɔ'a yo-man sɔ-ɔ, kɛ bɔ e ti saun dan'n, sɛ amun mantan ye'n, amun ´wu.» Kɛ n wun sa tɛtɛ sɔ mun'n, n fa ya, yɛ min anwlɛn'n be min klun.

Zeremi 2:28

?Zidafuɛ mun amuɛn nga amun yili be'n be o nin? Sɛ be kwla de amun'n, man be wa de amun blɛ bɔ nyrɛnnɛn'n tɔ amun su'n. Afin amun amuɛn kpanngban nin amun klɔ mun be nuan'n sɛ.»

Zeremi 2:35

Sanngɛ a blu sa ng'ɔ o lɛ'n su a ko se kɛ: «M'an yo-man sa, nán ɔ fa mín wun ya sɔ. Selɛ nga a seli kɛ w'a yo-man tɛ'n ti e nin wɔ y'a nyɛn i.»

Ezekiɛl 33:31

Be tu kpu be ba ɔ́ sin, kpɛkuun min nvlefuɛ sɔ'm be tran ɔ nyrun lɛ. Be ti ɔ ndɛ bɔ a kan'n, sanngɛ be fa-man su. Like ng'ɔ yo be fɛ'n yɛ be yo-ɔ, konvi'n yɛ be lɛ i-ɔ.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Matthieu 10:3

yɛ Filip, yɛ Bartelemi, yɛ Tomas, yɛ Matie b'ɔ ti gua bo sika defuɛ'n, yɛ Zak b'ɔ ti Alfe wa'n, yɛ Tade,

Matthieu 5:20

Afin n ´kan kle amun kɛ, sɛ amun nzuɛn'n ɔ'a yo-man kpa a tra-man mmla klefuɛ nin Farizifuɛ'm be liɛ'n, Nyanmiɛn su sie-man amun mlɔnmlɔn!

Matthieu 6:5

«Kɛ amun nin Nyanmiɛn amun ´koko yalɛ'n, nán an yo kɛ dunman klofuɛ'm bɔ be klo nglo jranlɛ Nyanmiɛn ndɛ suanlɛ nin i srɛlɛ sua'm be nun nin klɔ'n nun anngɔnda'm be su kɛ sran'm be wun be kɛ be nin Nyanmiɛn su ijɔ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Marc 11:25

Kɛ an jao bɔ amun ´koko yalɛ kle Nyanmiɛn'n, sɛ sran wie wun ndɛ wo amun klun'n, an `yaci cɛ i nan amun Si b'ɔ o nyanmiɛn su lɔ'n ɔ'a yaci sa nga an yoli i'n ɔ'a cɛ amun. [

JÉSUS-CHRIST I DYASIN FE'N BO LUC KLELI'N 20:47

Be de angboti mmla'm be awlo mun, yɛ be kan ndɛ tɛnndɛn kle Nyanmiɛn lelele kɛ sran'm be `bu be sran kpa. Be fɔ tulɛ liɛ'n, ɔ wa yo tɛ kpa.»

JÉSUS-CHRIST I DYASIN FE'N BO LUC KLELI'N 22:41

Nan ɔ'a yaci be lɛ ɔ'a ɔ i nyrun lɔ kaan, yɛ ɔ kotoli nan ɔ'a se Nyanmiɛn kɛ:

Galasifuɛ Mun 3:10

Afin be kwlaa nga be fa bé wla gua mmla'n su falɛ su'n, bé wun su jɔ-man be le, afin be klɛli i kɛ: «Sran kwlaa ng'ɔ fa-man ndɛ nga be klɛli i mmla fluwa nun'n i kwlaa su titi'n, i wun jɔ-mɛn i le .»

Filipfuɛ Mun 3:6

Nyanmiɛn ndɛ'n lo min kpa ti yɛ n kleli asɔnunfuɛ'm be yalɛ nin-ɔn. Sɛ mmla'n i su falɛ'n kwla yo sran sran kpa'n, wuun be kwla saci-man min wun kaan sa,

Sa nglô yile 3:17

An se kɛ an ti anyanbeunfuɛ yɛ amu'an nyan amun wun nan like fi mian-man amun. An si-man kɛ an ti nyrɛnnɛnfuɛ yɛ an yo annvɔ, an si-man kɛ an ti yalɛfuɛ yɛ an ti anyansifuɛ nan amún wun ti kplɛn .